Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში აშშ-ის პრეზიდენტის ხელოვნური ინტელექტის მიერ გენერირებული ფოტო ვრცელდება

სოციალურ ქსელში აშშ-ის პრეზიდენტის ხელოვნური ინტელექტის მიერ გენერირებული ფოტო ვრცელდება

იანვარს 13, 2026 · გადამოწმებული ფაქტები · ვერდიქტი: რედაქტირებული
გაზიარება

სოციალურ ქსელში გავრცელებულ ფოტოზე (დაარქივებული ბმული) ჩანს, რომ აშშ-ის პრეზიდენტი დონალდ ტრამპი  ჟურნალისტებს ესაუბრება. პრეზიდენტის მარცხნივ დგას მსახიობი ენტონი სტარი, რომელსაც ჰოუმლენდერის ფორმა აცვია. „დონალდ ტრამპის საიდუმლო იარაღი გრენლანდიის დასაპყრობად“, – წერს ანგარიში.  რეალურად, ფოტო ხელოვნური ინტელექტის (AI)  მიერაა გენერირებული.

 

Google-ის ვიზუალური ძიების ინსტრუმენტის Google lens-ის გამოყენებისას, მხოლოდ ერთი Facebook-ანგარიში მოიძებნა, რომელმაც აღნიშნული ფოტო გამოაქვეყნა.  ანგარიში პოსტის აღწერაში წერს, რომ ფოტო ხელოვნური ინტელექტის (AI) მიერ არის გენერირებული.

ფოტო რომ ხელოვნური ინტელექტის მიერ არის გენერირებული, რამდენიმე დეტალიც ცხადყოფს. მაგალითად, ფოტოზე წარმოდგენილი პირების თავები ერთმანეთშია შერწყმულია (იხ. ფოტო მარცხნივ). ასევე, უზუსტობა შეინიშნება ერთ-ერთი პირის ხელზეც, რომელსაც მიკროფონი უჭირავს (იხ. ფოტო მარჯვნივ). მსგავსი ხარვეზები ზოგადად ხელოვნური ინტელექტისთვისაა დამახასიათებელი.

ცნობისთვის, დონალდ ტრამპმა 2024 წლის აშშ-ის საპრეზიდენტო არჩევნებში გამარჯვებისთანავე არა ერთი განცხადება გააკეთა გრენლანდიასთან დაკავშირებით.  მან გრენლანდიის შეძენის სურვილი გამოთქვა და აღნიშნა, რომ  არქტიკული კუნძული „კრიტიკულია“ აშშ-ის ეროვნული და ეკონომიკური უსაფრთხოებისთვის (კუნძული ამჟამად ნატოს წევრი დანიის დაქვემდებარებაშია და ფართო ავტონომიით სარგებლობს). მიმდინარე კვირაში დონალდ ტრამპმა კიდევ ერთხელ გაიმეორა  აშშ-ის მიერ გრენლანდიაზე  კონტროლის დაწესების აუცილებლობა და აღნიშნა, რომ  „აპირებს რაიმეს გაკეთებას გრენლანდიასთან დაკავშირებით“.  „თუ ჩვენ ამას არ გავაკეთებთ, რუსეთი ან ჩინეთი დააწესებენ გრენლანდიაზე კონტროლს და ჩვენ არ გვინდა, რომ რუსეთი ან ჩინეთი ჩვენი მეზობლები იყვნენ“, – განაცხადა ტრამპმა.

თავის მხრივ, როგორც დანია, ასევე ევროკავშირის წევრი სახელმწიფოები შეშფოთებას გამოთქვამენ ტრამპის განცხადებებთან დაკავშირებით. დანიის პრემიერ-მინისტრმა მეტე ფრედერიქსენმა განაცხადა, რომ აშშ-ის მიერ გრენლანდიაზე თავდასხმა NATO-ს დასასრულს ნიშნავს.  6 იანვარს ევროკავშირის  7-მა წევრმა ქვეყანამ, მათ შორის საფრანგეთმა და გერმანიამ,  ერთობლივი განცხადება გამოაქვეყნეს, რომელშიც აღნიშნეს, რომ არქტიკის უსაფრთხოება ევროპისთვის მთავარ პრიორიტეტად რჩება და კრიტიკულად მნიშვნელოვანია საერთაშორისო და ტრანსატლანტიკური უსაფრთხოებისთვის. განცხადების თანახმად, არქტიკაში უსაფრთხოება  მიღწეულ უნდა იქნას კოლექტიურად, ნატოს მოკავშირეებთან, მათ შორის შეერთებულ შტატებთან ერთად. თანაც დაცული  უნდა იყოს გაეროს წესდების,  მათ შორის სუვერენიტეტის, ტერიტორიული მთლიანობისა და საზღვრების ურღვეობის პრინციპები. ევროკავშირის წევრი სახელმწიფოები ხაზგასმით აღნიშნავენ, რომ დანიასა და გრენლანდიასთან დაკავშირებულ საკითხებზე გადაწყვეტილების მიღება მხოლოდ დანიისა და გრენლანდიის კომპეტენციაა.

ყველა პოსტის ნახვა

სოციალურ ქსელში ამერიკელ აქტივისტ ჩარლი კირკთან დაკავშირებით, კონსპირაცია ვრცელდება
სოციალურ ქსელში ამერიკელ აქტივისტ ჩარლი კირკთან დაკავშირებით, კონსპირაცია ვრცელდება
სექ 12, 2025
მოსკოვში აშშ-ის საელჩოს შენობას რუსეთის დროშა რუსმა მომღერალმა მიანათა
მოსკოვში აშშ-ის საელჩოს შენობას რუსეთის დროშა რუსმა მომღერალმა მიანათა
ივლ 26, 2024
დეზინფორმაცია:  2017 წელს დახურულ ცერემონიალზე დონალდ ტრამპმა იუდაიზმი მიიღო
დეზინფორმაცია: 2017 წელს დახურულ ცერემონიალზე დონალდ ტრამპმა იუდაიზმი მიიღო
ივლ 17, 2025
სოციალურ ქსელში სატირულ-იუმორისტული ანიმაციური სერიალიდან „ქერის უბანი“ მონაკვეთი კონტექსტის გარეშე ვრცელდება
სოციალურ ქსელში სატირულ-იუმორისტული ანიმაციური სერიალიდან „ქერის უბანი“ მონაკვეთი კონტექსტის გარეშე ვრცელდება
იან 10, 2025
სოციალურ ქსელში გავრცელებული ვიდეო ღაზის სექტორში ჩინეთის ჰუმანიტარულ დახმარებას არ ასახავს
სოციალურ ქსელში გავრცელებული ვიდეო ღაზის სექტორში ჩინეთის ჰუმანიტარულ დახმარებას არ ასახავს
აპრ 21, 2026

© 2026 Copyrights by Geofacts.ee. All Rights Reserved.