Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში „ბურევესტნიკის“ წარმატებული გამოცდის შესახებ ინფორმაცია ხელოვნური ინტელექტით შექმნილ ვიდეოსთან ერთად ვრცელდება

სოციალურ ქსელში „ბურევესტნიკის“ წარმატებული გამოცდის შესახებ ინფორმაცია ხელოვნური ინტელექტით შექმნილ ვიდეოსთან ერთად ვრცელდება

ოქტომბერს 29, 2025 · გადამოწმებული ფაქტები · ვერდიქტი: რედაქტირებული
გაზიარება

სოციალურ ქსელში Facebook-მომხმარებელი ავრცელებს ვიდეოს (დაარქივებული ბმული) აღწერით: „ნატო შოკშია. რუსეთის ახალი ბირთვული იარაღის ბურვესტნიკის გამოცდა, რომელმაც წარმატებით ჩაიარა“. სინამდვილეში, პოსტში გავრცელებულ ვიდეო ხელოვნური ინტელექტის მიერაა შექმნილი და რუსული ბირთვული ძრავით აღჭურვილი ფრთოსანი რაკეტა  Skyfall (ბურევესტნიკის) გამოცდასთან კავშირი არ აქვს.

რუსეთის გენერალური შტაბის უფროსის, ვალერი გერასიმოვის, მიერ პრეზიდენტ ვლადიმირ პუტინისთვის მოხსენებული ინფორმაციის თანახმად, რუსეთის შეიარაღებულმა ძალებმა 21 ოქტომბერს  ბირთვული ძრავით აღჭურვილი კონტინენტთაშორისი ფრთოსანი რაკეტა Skyfall, იგივე  „ბურევესტნიკი“ წარმატებით გამოცადეს. მოხსენების თანახმად, რაკეტამ დაახლოებით 15 საათის განმავლობაში იფრინა და 14,000 კილომეტრი დაფარა.

„ბურევესტნიკი“ რუსული კონტინენტთაშორისი ფრთოსანი რაკეტაა, რომელსაც ძრავის მუშაობის დროს რადიოაქტიური დაბინძურების გამო „მფრინავ ჩერნობილს“ უწოდებენ. პრეზიდენტ პუტინის თქმით: „ეს არის უნიკალური პროდუქტი, რომელიც მსოფლიოში არავის აქვს“.

როგორც რუსული სამთავრობო მედია РИА Новости იუწყება, სატესტო გაშვებას რუსეთის ეროვნული თავდაცვის კონტროლის ცენტრი ხელმძღვანელობდა. აქვე გამოქვეყნდა რაკეტის წარმატებული ტესტირების კადრებიც, რომლებიც თავდაპირველად რუსეთის თავდაცვის სამინისტრომ გაავრცელა. ამავე კადრებს ავრცელებენ სხვა სანდო მედია-საშუალებებიც (The Telegraph, Associated Press, Deutsche Welle).

ამრიგად, სოციალურ ქსელში გავრცელებულ ვიდეოს, რომელშიც ბირთვული იარაღის აფეთქებისა და მისი დამანგრეველი შედეგების კადრებია აღბეჭდილი, რუსეთის მიერ „ბურევესტნიკის“ გამოცდასთან კავშირი არ აქვს. ფოტოს ძიების ინსტრუმენტის (reverse image search) თანახმად, იგივე ვიდეო სხვადასხვა სოციალურ ქსელში „ბურევესტნიკის“ ტესტირებამდეც, ანუ 21 ოქტომბრამდეც ვრცელდებოდა (1, 2, 3).

საგულისხმოა, რომ ვიდეო ხელოვნური ინტელექტის მიერაა შექმნილი. ვიდეოს ნამდვილობა არ დასტურდება, რადგან მასზე ბირთვული იარაღის გამოყენების შედეგად რადიოაქტიური კატასტროფაა აღბეჭდილი, მსგავს მოვლენას კი ბოლო რამდენიმე ათწლეულია, ადგილი არ ჰქონია. არაბუნებრივი და ამავდროულად არარეალური კადრები, რომელიც არც ერთ სანდო წყაროს არ გაუვრცელებია, მიუთითებს, რომ ვიდეო ხელოვნური ინტელექტის მიერაა გენერირებული და რეალობასთან კავშირი არ აქვს.

ყველა პოსტის ნახვა

დეზინფორმაცია: ვიდეოში თაზო დათუნაშვილის პენსიონერთა პოპულაციის გაქრობაზე საუბრობს
დეზინფორმაცია: ვიდეოში თაზო დათუნაშვილის პენსიონერთა პოპულაციის გაქრობაზე საუბრობს
მარ 14, 2025
სოციალურ ქსელში შვედეთის საგარეო საქმეთა მინისტრის შესახებ დეზინფორმაცია ვრცელდება
სოციალურ ქსელში შვედეთის საგარეო საქმეთა მინისტრის შესახებ დეზინფორმაცია ვრცელდება
ივნ 16, 2025
არ დასტურდება, რომ ზურაბ ჯაფარიძე თურქეთის სასაზღვრო სტრუქტურებმა ინტერპოლის ძებნის გამო დააკავეს
არ დასტურდება, რომ ზურაბ ჯაფარიძე თურქეთის სასაზღვრო სტრუქტურებმა ინტერპოლის ძებნის გამო დააკავეს
ოქტ 22, 2026
სოციალურ ქსელში ბრიტანეთის პრემიერ-მინისტრის, ენტონი იდენის ყალბი ციტატა ვრცელდება
სოციალურ ქსელში ბრიტანეთის პრემიერ-მინისტრის, ენტონი იდენის ყალბი ციტატა ვრცელდება
ივნ 03, 2026
პოსტი უკრაინელებისთვის დაჩოქების შესახებ ტყუილია
პოსტი უკრაინელებისთვის დაჩოქების შესახებ ტყუილია
ოქტ 17, 2025

© 2026 Copyrights by Geofacts.ee. All Rights Reserved.