Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში Pfizer-ის შესახებ დეზინფორმაცია ვრცელდება

სოციალურ ქსელში Pfizer-ის შესახებ დეზინფორმაცია ვრცელდება

ნოემბერს 30, 2024 · გადამოწმებული ფაქტები · ვერდიქტი: ტყუილი
გაზიარება

სოციალურ ქსელში Facebook-მომხმარებელი მაია თვალთვაძე, რომლის გავრცელებული დეზინფორმაცია „ჯეოფაქტსს“ წარსულშიც გადაუმოწმებია (1, 2), ავრცელებს პოსტს (დაარქივებული ბმული), რომელშიც წერს: „Pfizer = ჭირის ღმერთი. თუ თქვენ წაიკითხავთ სახელს “Pfizer” უკუღმა , მაშინ იქნება “რეზიფპი”, რაც ებრაულად ნიშნავს რეშეფს ან მწველს, ჭირისა და ქვესკნელის ღმერთს.“ რეალურად, Pfizer-ის სახელწოდება ჩარლზ ფაიზერს უკავშირდება და ებრაულ ენასთან კავშირი არ აქვს.

ინფორმაცია იმის შესახებ, რომ კოვიდვაქცინის სახელის შებრუნებული ვარიანტი ებრაულად ჭირისა და ქვესკნელის ღმერთს აღნიშნავს 2023 წლიდან ვრცელდება სხვადასხვა პლატფორმაზე (1, 2) და ფაქტების გადამმოწმებელი ამერიკული მედიის Lead Stories ყურადღების ცენტრშიც მოექცა.

სინამდვილეში, კოვიდ19-ის საწინააღმდეგო ვაქცინის სახელწოდება Pfizer რომ შევატრიალოთ, ვიღებთ სიტყვას – Rezifp, რაც არ არის იგივე სიტყვა, რაზეც პოსტის ავტორი საუბრობს. რეალურად, ჭირისა და ქვესკნელის ღმერთი ებრაულად არის Resheph (რეშეფი).

რეშეფი ანტიკური ღვთაებაა, რომელიც ჯერ კიდევ ანტიკური ეგვიპტის პერიოდით თარიღდება. რეშეფი დასავლეთ სემიტური ჭირისა და ქვესკნელის ღმერთია, ასევე ომის ღმერთი, რომელიც წვერიანი, თხის რქებიანი კაცითაა გამოხატული ხელში ცულითა და ფარით. ებრაულად თავად სიტყვა „რეშეფი“ მწველს, მრისხანეს აღნიშნავს. არსებობს ასევე სხვა ექსპერტული მოსაზრებებიც „რეშეფის“ ეტიმოლოგიასთან დაკავშირდებით. კერძოდ, ზოგიერთი მკვლევარი თვლის, რომ რეშეფი აღნიშნავს ღმერთს, რომელიც მწუხარე, თავმდაბალი ადამიანების ლოცვებს ისმენს.

მიუხედავად სიტყვის მნიშვნელობასთან დაკავშირებული სხვადასხვა ვერსიისა, „რეშეფი“ არ წარმოადგენს Pfizer-ის შებრუნებულად დაწერილ ვარიანტს და, შესაბამისად, კოვიდვაქცინის სახელწოდებას არანაირი კავშირი არ აქვს ებრაულ ენასა თუ ანტიკურ ღვთაებასთან.

რეალურად, Pfizer, Inc. და მის მიერ შექმნილი კოვიდვაქცინა სათავეს ჩარლზ ფაიზერის სახელიდან იღებს. ჩარლზ ფაიზერი, წარსულში კარლ ფაიზერი, 1824 წლის 22 მარტს გერმანიაში დაიბადა და 1840-იან წლებში საცხოვრებლად აშშ-ში გადავიდა. ჩარლზმა საკუთარ ბიძაშვილთან ჩარლზ ერჰარტთან ერთად 1849 წელს ბრუკლინში, ნიუ-იორკში დააფუძნა ბიოტექნოლოგიური და ფარმაკოლოგიური კომპანია Charles Pfizer & Company. სწორედ ჩარლზ ფაიზერის დაფუძნებულმა კომპანიამ, შემდგომში უკვე Pfizer Inc.-მა BioNTech-თან კოლაბორაციით შექმნა კოვიდვაქცინა სახელწოდებით Pfizer-BioNTech (ფაიზერი), რომელსაც არანაირი კავშირი არ აქვს ანტიკურ ღვთაებასთან – ებრაულად „რეშეფთან“.

ყველა პოსტის ნახვა

დეზინფორმაცია: „ტვ პირველის“ ჟურნალისტი საარჩევნო უბანზე არსებულ სიმშვიდეს არ აღიარებს
დეზინფორმაცია: „ტვ პირველის“ ჟურნალისტი საარჩევნო უბანზე არსებულ სიმშვიდეს არ აღიარებს
ოქტ 26, 2024
სოციალურ ქსელში ევროკავშირის მედიის თავისუფლების აქტის შესახებ  ინფორმაცია არასრული კონტექსტით ვრცელდება
სოციალურ ქსელში ევროკავშირის მედიის თავისუფლების აქტის შესახებ ინფორმაცია არასრული კონტექსტით ვრცელდება
აგვ 17, 2025
ომი ნაღდი ფულის წინააღმდეგ თუ რეგულაცია ფულის გათეთრების თავიდან ასაცილებლად?
ომი ნაღდი ფულის წინააღმდეგ თუ რეგულაცია ფულის გათეთრების თავიდან ასაცილებლად?
ივლ 28, 2026
არ დასტურდება სოციალურ ქსელში გავრცელებული მტკიცება, რომ დედა ტერეზა ბავშვთა ტრეფიკინგში იყო ჩართული
არ დასტურდება სოციალურ ქსელში გავრცელებული მტკიცება, რომ დედა ტერეზა ბავშვთა ტრეფიკინგში იყო ჩართული
მარ 09, 2026
სოციალურ ქსელში ბრიტანეთის პრემიერ-მინისტრის, ენტონი იდენის ყალბი ციტატა ვრცელდება
სოციალურ ქსელში ბრიტანეთის პრემიერ-მინისტრის, ენტონი იდენის ყალბი ციტატა ვრცელდება
ივნ 03, 2026

© 2026 Copyrights by Geofacts.ee. All Rights Reserved.