Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
ევროპარლამენტის მიხედვით, სალომე ზურაბიშვილი „ყოფილ პრეზიდენტად“ შეცდომით იქნა მოხსენიებული და პრესრელიზი შესწორდა

ევროპარლამენტის მიხედვით, სალომე ზურაბიშვილი „ყოფილ პრეზიდენტად“ შეცდომით იქნა მოხსენიებული და პრესრელიზი შესწორდა

დეკემბერს 19, 2024 · გადამოწმებული ფაქტები · ვერდიქტი: საგაზეთო სტატია
გაზიარება

ტელეკომპანია „იმედი“ (1, 2, 3), „რუსთავი 2“, ასევე საინფორმაციო სააგენტო „Spnews”, „ნიუსჰაბი“, „რადიო სივრცე FM 98.5“ და სოციალური ქსელის მომხმარებლები (1, 2, 3) ავრცელებენ ინფორმაციას, რომ „ევროპარლამენტმა ოფიციალურ პრესრელიზში სალომე ზურაბიშვილი ყოფილ პრეზიდენტად მოიხსენია“. მსგავსი შინაარსის კომენტარი  „ქართული ოცნების“ აღმასრულებელმა მდივანმა მამუკა მდინარაძემაც გააკეთა – „არანაირი მნიშვნელობა არ აქვს, ექსპრეზიდენტი რას იტყვის. ეს სიტყვა ჩემი გამოგონილი, ექსკლუზივი არაა. მათ [ევროპარლამენტმა] გააკეთეს განცხადება, რომ მათ ექს პრეზიდენტი მიიწვიეს“.

აღნიშნული ინფორმაციის გავრცელების შემდეგ, „ჯეოფაქტსმა“ ევროპარლამენტის პრესრელიზი გადაამოწმა. გადამოწმების დროს, სალომე ზურაბიშვილი პრესრელიზში მოხსენიებული იყო, როგორც საქართველოს პრეზიდენტი.

ინფორმაციის დაზუსტების მიზნით, „ჯეოფაქტსმა“ ევროპარლამენტის პრესსამსახურს მიმართა კითხვით, იყო, თუ – არა როდისმე სალომე ზურაბიშვილი პრესრელიზში მოხსენიებული, როგორც „ყოფილი პრეზიდენტი“ და განხორციელდა, თუ – არა პრესრელიზში ცვლილებები. ევროპარლამენტის პრესსამსახურის პასუხით მიხედვით, „წინა პრესრელიზის ვერსიაში შეცდომა მართლაც გამოვლინდა, რომელიც შემდეგ შესწორდა“. აქედან გამომდინარე, პრესრელიზის თავდაპირველ ვერსიაში სალომე ზურაბიშვილი მოხსენიებული იყო, როგორც „საქართველოს ყოფილი პრეზიდენტი“, მაგრამ შეცდომის აღმოჩენის შემდეგ, ევროპარლამენტის პრესსამსახურმა პრესრელიზი შეასწორა და სალომე ზურაბიშვილი საქართველოს პრეზიდენტად მოიხსენია.

ინფორმაციის გავრცელების შემდეგ, სოციალური ქსელის მომხმარებლების ნაწილმა თავად გადაამოწმა ევროპარლამენტის პრესრელიზი, რომელიც უკვე შესწორებული იყო და სადაც სალომე ზურაბიშვილი „ყოფილ პრეზიდენტად“ აღარ იყო მოხსენიებული. ამის გამო, იმ მედიებზე, რომლებმაც ევროპარლამენტის მიერ სალომე ზურაბიშვილის „ყოფილ პრეზიდენტად“ მოხსენიების შესახებ გაავრცელეს ინფორმაცია, სოციალური ქსელის მომხმარებლებმა დაწერეს, რომ ტყუილს მიზანმიმართულად ავრცელებდნენ.

ვინაიდან შესწორებამდე ევროპარლამენტის პრესრელიზში სალომე ზურაბიშვილზე მსგავსი ჩანაწერი მართლაც იყო, ვერ ვიტყვით, რომ ზემოაღნიშნულმა მედიებმა ეს ინფორმაცია თავდაპირველად არასწორად გაავრცელეს. მიუხედავად ამისა, ევროპარლამენტის პრესრელიზში შესწორება მალევე განხორციელდა, მაგრამ, 19 დეკემბრის მდგომარეობით, მედიასაშუალებებს ეთერებში, სტატიებში და Facebook-პოსტებში ინფორმაცია ან არასათანადოდ ან საერთოდ არ შეუსწორებიათ, რასაც საზოგადოება შეცდომაში შეჰყავს.

მაგალითად, „პოსტივის“ გვერდზე აღნიშნულ საკითხზე მიძღვნილი ე.წ ქარდი აღარ იძებნება, მაგრამ „პოსტივის“ გადაცემა „ევროკრატიაში“ ნახსენებია, რომ ევროპარლამენტის პრესრელიზი ჩასწორდა, რასაც „პოსტივი“ „კულისებიდან პროცესების მმართველების გავლენას“ უკავშირებს. თავის მხრივ, ახალი ამბების სააგენტო „Spnews-მა“ ახალი სტატია გამოაქვეყნა, სადაც აღნიშნულია, რომ „ევროპარლამენტმა პრესრელიზის ტექსტი შეცვალა“, თუმცა სტატია სააგენტოს Facebook-გვერდზე არ გამოქვეყნებულა. „ნიუსჰაბმა“ ევროპარლამენტის მიერ პრესრელიზის ჩასწორების შესახებ ინფორმაცია თავდაპირველი პოსტის კომენტარებში გაავრცელა, მაგრამ თავად პოსტი სათანადოდ არ შეუსწორებია. რაც შეეხება ტელეკომპანია „იმედს“ და „რუსთავი 2-ს“, მათ შესწორება არ გაუკეთებიათ.

ყველა პოსტის ნახვა

დეზინფორმაცია: ესპანეთის ხაზინა მომხმარებელს, რომელიც ბანკიდან 3000 ევროზე მეტს გაიტანს, დააჯარიმებს
დეზინფორმაცია: ესპანეთის ხაზინა მომხმარებელს, რომელიც ბანკიდან 3000 ევროზე მეტს გაიტანს, დააჯარიმებს
მაი 16, 2025
სოციალურ ქსელში კრიშტიანუ რონალდუს ყალბი ფოტო ვრცელდება
სოციალურ ქსელში კრიშტიანუ რონალდუს ყალბი ფოტო ვრცელდება
ნოე 18, 2024
სოციალურ ქსელში „ტვ პირველის“ გადაცემიდან ნაწყვეტი მანიპულაციურად ვრცელდება
სოციალურ ქსელში „ტვ პირველის“ გადაცემიდან ნაწყვეტი მანიპულაციურად ვრცელდება
სექ 03, 2025
დეზინფორმაცია: ოლიმპიადის გახსნის ცერემონიის სამხატვრო ხელმძღვანელი მეხის დარტყმის შემდეგ საავადმყოფოში გადაიყვანეს
დეზინფორმაცია: ოლიმპიადის გახსნის ცერემონიის სამხატვრო ხელმძღვანელი მეხის დარტყმის შემდეგ საავადმყოფოში გადაიყვანეს
აგვ 09, 2024
სოციალურ ქსელში ტელეკომპანია „ფორმულას“ რედაქტირებული ქარდი ვრცელდება
სოციალურ ქსელში ტელეკომპანია „ფორმულას“ რედაქტირებული ქარდი ვრცელდება
აგვ 13, 2025

© 2026 Copyrights by Geofacts.ee. All Rights Reserved.