Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში ალეკო ელისაშვილის რედაქტირებული ვიდეო ვრცელდება

სოციალურ ქსელში ალეკო ელისაშვილის რედაქტირებული ვიდეო ვრცელდება

ნოემბერს 20, 2025 · გადამოწმებული ფაქტები · ვერდიქტი: რედაქტირებული
გაზიარება

სოციალურ ქსელში Facebook-ანგარიშები (1,2) ალეკო ელისაშვილის ინტერვიუდან მონაკვეთს  ავრცელებენ.  ვიდეოში „ლელო – ძლიერი საქართველოს“ ერთ – ერთი ლიდერი ამბობს: „ამათ ყელში აქვთ გაჩხერილი რამდენიმე ფაქტორი და ერთ-ერთი ფაქტორი იყო ემიგრაცია, რომ აღრენილია ამათ წინააღმდეგ და რომ ვერაფერს ვერ უხერხებს იქ ვერც აშინებს, ვერც ზეწოლას ახდენს, ვერაფერს ხო კისერი მოუგრიხონ“. ვიდეოში ისმის ჟურნალისტ თეა ადეიშვილის რეპლიკა: „მაგრამ მათი ხმები რომ გადამწყვეტი არ არის?!“. ამის შემდეგ, Facebook-ანგარიშების მიერ გამოქვეყნებულ ვიდეოში, ალეკო ელისაშვილის ისეთი ფოტოებია ჩასმული, რომელშიც დაბნეული  და გაოცებული სახის გამომეტყველება აქვს. ვიდეო მსგავსი ჭრით, ქმნის შთაბეჭდილებას, თითქოს ჟურნალისტის რეპლიკაზე ალეკო ელისაშვილი დაიბნა და ვერ უპასუხა.

რეალურად, ვიდეოს ბოლო მონაკვეთში ჩასმული ფოტოები ელისაშვილის რეპლიკის შემდეგ გაკეთებულ რეაქციებს არ გამოხატავს. ინტერვიუს სრულ ვიდეოში ჩანს ელისაშვილის პასუხიც, სადაც ის ეთანხმება ჟურნალისტს, რომ ემიგრანტების ხმები არჩევნებში გადამწყვეტი არ არის.

 

ალეკო ელისაშვილი თეა ადეიშვილის „დღის ამბებში“ სტუმრად 17 ნოემბერს იმყოფებოდა. გადაცემაში პოლიტიკოსმა საარჩევნო კოდექსში დაანონსებულ ცვლილებაზე ისაუბრა, რომლის მიხედვითაც საზღვარგარეთ საქართველოს მოქალაქეები, ადგილობრივი არჩევნების მსგავსად, ვერც საპარლამენტო არჩევნებზე შეძლებენ ხმის მიცემას. არჩევნებში მონაწილეობისთვის ისინი საკუთარ ქვეყანაში უნდა ჩამოვიდნენ.

ელისაშვილის თქმით, „ამათ [ქართულ ოცნებას] ყელში აქვთ გაჩხერილი რამდენიმე ფაქტორი და ერთ-ერთი ფაქტორი იყო ემიგრაცია, რომ აღრენილია ამათ წინააღმდეგ და რომ ვერაფერს ვერ უხერხებს იქ ვერც აშინებს, ვერც ზეწოლას ახდენს, ვერაფერს ხო კისერი მოუგრიხოს“. ამ ნაწილში ისმის თეა ადეიშვილის რეპლიკა „მაგრამ მათი ხმები რომ გადამწყვეტი არ არის?!“. ამის შემდეგ  კადრში მხოლოდ ჟურნალისტი ჩანს (1:04:59), თუმცა, მალევე გადადის კამერა რესპონდენტზე, რომელიც ჟურნალისტის რეპლიკის შემდეგ მას მყისიერად ეთანხმება და აგრძელებს: „რეალურად არ არის გადამწყვეტი, მაგრამ ყველა ხვრელის დახურვა [სურთ].  მაშინ რატომ წვალობენ? იმიტომ რომ არა აქვთ თავისი ელექტორატის სრულად მობილიზების [იმედი] და აქ თუ ხალხმა იხუვლა და არჩევნებზე მივიდა, არაფერი არ უშველით. ამათ არაფერი არ უშველით, მაგრამ ახლა უნდა ჩაკეტონ რაღაცები, აგერ მე და აგერ თქვენ“.

ამდენად, გავრცელებული ვიდეო მანიპულაციურად იჭრება, რაც მცდარ შთაბეჭდილებას ქმნის, თითქოს ელისაშვილი გაკვირვებით შეხვდა ჟურნალისტის რეპლიკას და ვერ უპასუხა.

 

 

ყველა პოსტის ნახვა

სოციალურ ქსელში „ერთიანი ნაციონალური მოძრაობის“ ბრიტანეთში ვიზიტის შესახებ რედაქტირებული ფოტო ვრცელდება
სოციალურ ქსელში „ერთიანი ნაციონალური მოძრაობის“ ბრიტანეთში ვიზიტის შესახებ რედაქტირებული ფოტო ვრცელდება
ივლ 18, 2025
აშშ-ში 24-27 სექტემბერსა და 5-10 ოქტომბერს მომხდარი ქარიშხლების შედეგად დაზარალებულთა დახმარებისა და კამალა ჰარისის შესახებ დეზინფორმაცია ვრცელდება
აშშ-ში 24-27 სექტემბერსა და 5-10 ოქტომბერს მომხდარი ქარიშხლების შედეგად დაზარალებულთა დახმარებისა და კამალა ჰარისის შესახებ დეზინფორმაცია ვრცელდება
ოქტ 17, 2024
სოციალურ ქსელში ტელეკომპანია „პოსტვ“ ვიდეოს მანიპულირებულად ავრცელებს
სოციალურ ქსელში ტელეკომპანია „პოსტვ“ ვიდეოს მანიპულირებულად ავრცელებს
ივნ 13, 2025
არ დასტურდება, რომ საქართველოში ევროკავშირის ელჩი საპროტესტო აქციებზე დადიოდა
არ დასტურდება, რომ საქართველოში ევროკავშირის ელჩი საპროტესტო აქციებზე დადიოდა
ივლ 14, 2026
სოციალურ ქსელში ლუგარის ლაბორატორიის შესახებ ყალბი და კონსპირაციული მტკიცებები ვრცელდება
სოციალურ ქსელში ლუგარის ლაბორატორიის შესახებ ყალბი და კონსპირაციული მტკიცებები ვრცელდება
აგვ 25, 2025

© 2026 Copyrights by Geofacts.ee. All Rights Reserved.