Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
დეზინფორმაცია: ირანში ჰიჯაბის ტარება სავალდებულო აღარ არის

დეზინფორმაცია: ირანში ჰიჯაბის ტარება სავალდებულო აღარ არის

ოქტომბერს 29, 2025 · გადამოწმებული ფაქტები · ვერდიქტი: ტყუილი
გაზიარება

სოციალურ ქსელში Facebook-მომხმარებლები ავრცელებენ პოსტებს (1, 2, 3), რომელთა მიხედვით, ირანში ჰიჯაბის ტარება სავალდებულო აღარაა: „ირანმა გააუქმა ქალებისთვის ჰიჯაბის ტარების მოთხოვნა, გააუქმა ჯარიმები და სამართლებრივი სანქციები მისი არ ტარებისთვის…“; ირანში ხიჯაბის ტარება აუცილებელი აღარაა. თანამედროვეობამ მოიტანაო. ვისაც აქვს სურვილი პრობლემა არ არისო“. სინამდვილეში, მტკიცებები ყალბია და ირანის კანონში მსგავს ცვლილებას ადგილი არ ჰქონია.

ფაქტების გადამმოწმებელი ორგანიზაციის AFP-ის თანახმად, მტკიცებები ირანში ჰიჯაბის ტარების კანონის გაუქმების შესახებ თავდაპირველად ჩინურენოვან სოციალურ მედიაში გავრცელდა, როდესაც პოსტში ირანის მთავრობის მრჩევლის (მიზანშეწონილობის განმსაზღვრელი საბჭოს წევრი), მუჰამად-რეზა ბაჰონარის ციტატა იყო მოყვანილი: „არ არსებობს სავალდებულო კანონი ჰიჯაბის შესახებ“.

სინამდვილეში,  1979 წლის ისლამური რევოლუციის შემდეგ ირანში ქალებისთვის თმის დაფარვა სავალდებულოა. 2023 წლის სექტემბერში ირანულმა პარლამენტმა დაამტკიცა კანონპროექტი, რომელიც უფრო მკაცრ სასჯელს ითვალისწინებდა იმ ქალებისთვის, რომლებიც ჰიჯაბის ტარებაზე უარს აცხადებდნენ. აღნიშნულმა კანონმა ქვეყანაში არეულობა და ცხარე დებატები გამოიწვია, რის შედეგადაც მთავრობას კანონპროექტი დღემდე არ დაუმტკიცებია და მისი განხილვის პროცესი შეჩერებულია. მიუხედავად ამისა, კანონი ჰიჯაბის სავალდებულო ტარების შესახებ დღემდე რჩება ირანულ კანონმდებლობაში.

11 ოქტომბერს ირანში ადამიანის უფლებათა ცენტრის დირექტორმა ბაჰარ განდეჰარიმ AFP-სთან წერილში განაცხადა: „ჰიჯაბის ტარების ვალდებულება იურიდიულად არ გაუქმებულა. ის ირანის ტერიტორიაზე კვლავ კანონად რჩება. შეიცვალა მხოლოდ კანონის აღსრულების დონე, თუმცა ცვლილება არათანმიმდევრულია და ირანის ქალაქების და პროვინციების მიხედვით განსხვავდება“.

ამავე ცენტრის მიერ გამოქვეყნებულ ანგარიშში აღნიშნულია, რომ ჰიჯაბის კანონის აღსრულების გზები შეიცვალა – ზოგჯერ კვლავ „მორალის პოლიციის“ მიერ აღსრულდება, როგორც უწინ, თუმცა დღესდღეობით იზრდება სხვა აღსრულების მეთოდების რაოდენობაც: ელექტრონული მეთვალყურეობა და ფარული აგენტების გამოყენება საზოგადოებაში, რომლებიც კანონის დამრღვევებს ჯარიმებს უწერენ ან მათ წინააღმდეგ სისხლისსამართლებრივ დევნას იწყებენ; იმ ბიზნესების განადგურება, რომლებიც კანონის დამრღვევ ქალებს ემსახურებიან.

აღსანიშნავია, რომ ირანის მთავრობის მრჩევლის ციტატა, რომლის საფუძველზეც შეცდომაში შემყვანი პოსტები გავრცელდა, ბაჰონარმა მალევე, 7 დღეში თავადვე უარყო. კერძოდ, 11 ოქტომბერს ირანულ საინფორმაციო მაუწყებლობასთან IRIB Ofogh ინტერვიუში განაცხადა, რომ ჰიჯაბის ტარების კანონი აუცილებლად უნდა იქნას დაცული.

ამრიგად, მტკიცება, რომ ირანში ჰიჯაბის ტარება სავალდებულო აღარაა, მცდარია.

ყველა პოსტის ნახვა

სოციალურ ქსელში გავრცელებული რუსულენოვანი ვიდეო ირაკლი კობახიძის შესახებ ყალბ ინფორმაციას შეიცავს
სოციალურ ქსელში გავრცელებული რუსულენოვანი ვიდეო ირაკლი კობახიძის შესახებ ყალბ ინფორმაციას შეიცავს
აგვ 11, 2026
სოციალურ ქსელში "მთავარი" არხის ლოგოს გამოყენებით გია ბარამიძის ყალბი ციტატა ვრცელდება
სოციალურ ქსელში "მთავარი" არხის ლოგოს გამოყენებით გია ბარამიძის ყალბი ციტატა ვრცელდება
სექ 29, 2026
ყალბია მტკიცება, რომ დიდ ბრიტანეთს მიუძღვის წვლილი საქართველოს გასაბჭოებაში
ყალბია მტკიცება, რომ დიდ ბრიტანეთს მიუძღვის წვლილი საქართველოს გასაბჭოებაში
აპრ 02, 2026
სოციალურ ქსელში გერმანელი პოლიტიკოსების ხელოვნური ინტელექტით გენერირებული ვიდეო ვრცელდება
სოციალურ ქსელში გერმანელი პოლიტიკოსების ხელოვნური ინტელექტით გენერირებული ვიდეო ვრცელდება
ნოე 27, 2024
„იმედის“ მიერ გავრცელებული ინფორმაცია წინააღმდეგობაშია ქართული ოცნების თანამდებობის პირების მტკიცებებთან, რომლის მიხედვით, მათი მმართველობის დროს საქართველოს ტერიტორია არ დაუკარგავს
„იმედის“ მიერ გავრცელებული ინფორმაცია წინააღმდეგობაშია ქართული ოცნების თანამდებობის პირების მტკიცებებთან, რომლის მიხედვით, მათი მმართველობის დროს საქართველოს ტერიტორია არ დაუკარგავს
ივნ 18, 2025

© 2026 Copyrights by Geofacts.ee. All Rights Reserved.