სოციალურ ქსელში "მთავარი" არხის ლოგოს გამოყენებით გია ბარამიძის ყალბი ციტატა ვრცელდება

სოციალურ ქსელში გავრცელდა ფოტო, რომელიც ტელეკომპანია "მთავარის" მიერ გამოქვეყნებული საინფორმაციო ბარათების ვიზუალს იმეორებს (არქივირებული ბმული). ფოტოზე დატანილია საქართველოს მე-3 პრეზიდენტის, მიხეილ სააკაშვილის ციტატა, რომელშიც ის ამბობს, რომ გია ბარამიძის პატივსაცემად, სოლიდარობის ნიშნად მოიზარდა წვერი. საინფორმაციო ბარათზე ასევე ჩანს "ერთიანი ნაციონალური მოძრაობის" ლიდერის, გია ბარამიძის ციტატა, რომლითაც თითქოს ის სააკაშვილის ნათქვამს გამოეხმაურა. ციტატა, რომელიც ბარამიძეს მიეწერება, უცენზურო ლექსიკას მოიცავს.

მიხეილ სააკაშვილმა ნამდვილად განაცხადა, რომ გია ბარამიძის პატივსაცემად წვერი მოიზარდა. თუმცა, 28 სექტემბერს, როცა სააკაშვილმა ეს განცხადება გააკეთა, ტელეკომპანია "მთავარს" ეს ინფორმაცია არ გაუშუქებია (2026 წლის 28 სექტემბერს მთავარის მიერ გამოქვეყნებული ბარათები შემდეგი: ბმული 1, ბმული 2, ბმული 3, ბმული 4, ბმული 5, ბმული 6, ბმული 7, ბმული 8, ბმული 9, ბმული 10, ბმული 11, ბმული 12, ბმული 13, ბმული 14, ბმული 15, ბმული 16, ბმული 17, ბმული 18, ბმული 19, ბმული 20 , ბმული 21, ბმული 22, ბმული 23, ბმული 24, ბმული 25, ბმული 26, ბმული 27, ბმული 28, ბმული 29, ბმული 30, ბმული 31, ბმული 32, ბმული 33, ბმული 34, ბმული 35, ბმული 36, ბმული 37, ბმული 38, ბმული 39, ბმული 40, ბმული 41, ბმული 42, ბმული 42, ბმული 43, ბმული 44, ბმული 45, ბმული 46, ბმული 47, ბმული 48, ბმული 49, ბმული 50, ბმული 51, ბმული 52, ბმული 53, ბმული 54, ბმული 55, ბმული 56, ბმული 57, ბმული 58, ბმული 59, ბმული 60, ბმული 61, ბმული 62, ბმული 63, ბმული 64 , ბმული 65, ბმული 66, ბმული 67, ბმული 68, ბმული 69, ბმული 70. 28 სექტემბერს "მთავარის" გამოქვეყნებული პოსტებიდან მხოლოდ ერთი ასახავს მიხეილ სააკაშვილის ციტატას, სადაც ის "ქართული ოცნების" დამფუძნელზე ბიძინა ივანიშვილზე შემდეგ განცხადებას აკეთებს: "ივანიშვილმა, როგორც ჯაბამ, ახალგაზრდობა შესვა ისევ ნარკოტიკებზე, დაასაქმა მძარცველურ ქოლცენტრებში და ამ ყველაფრის კონტროლი დაავალა პოლიციას და უშიშროებას, და წილების მასთან ატანა, და როდესაც ლილუაშვილმა ეს წილი მოუტეხა, ის დაისაჯა."

"მთავარის" ნამდვილი საინფორმაციო ბარათი

რაც შეეხება ციტატას, რომელიც გია ბარამიძეს მიეწერება, მსგავსი პოსტი არ იძებნება თავად "მთავარის" მიერ გამოქვეყნებულ საინფორმაციო ბარათებში. ის, რომ ციტატა გაყალბებულია დასტურდება იმითაც, რომ გაყალბებულ ბარათზე გამოყენებული ფონტი მნიშვნელოვნად განსხვავდება "მთავარის" ორიგინალი ქარდისგან.

გია ბარამიძე 2026 წლის 11 სექტემბერს „სამშობლოს ღალატისა” და “საბოტაჟის” ბრალდებებით, სისხლის სამართლის კოდექსის 307-ე პრიმა და 318-ე მუხლების შესაბამისად, დააკავეს. მის ოფიციალურ Facebook გვერდზე მსგავსი განცხადება არ იძებნება, მისი დაკავების დღის მერე პოლიტიკოსის გვერდზე ახალი პოსტები არ დევს.

მსგავსს ციტატაზე არ წერენ არც მედიაგამოცემები (ბმული 1, 2).

ამდენად, სოციალურ ქსელში გავრცელებული საინფორმაციო ბარათი რედაქტირებულია და მასზე დატანილი ციტატის ნამდვილობა არ დასტუდება.