Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში ბრიუსელში თავდასხმის შესახებ დეზინფორმაცია ვრცელდება

სოციალურ ქსელში ბრიუსელში თავდასხმის შესახებ დეზინფორმაცია ვრცელდება

ივლისს 18, 2025 · გადამოწმებული ფაქტები · ვერდიქტი: ტყუილი
გაზიარება

სოციალურ ქსელში Facebook-ანგარიში „მსოფლიო ამბები“, რომლის მიერ გავრცელებული დეზინფორმაცია „ჯეოფაქტს“ წარსულშიც გადაუმოწმებია  (ბმული 1, 2, 3), ავრცელებს პოსტს შემდეგი აღწერით: „ბრიუსელში ევროპარლამენტის მიერ დაფინანსებულმა ,,სიონისტებმა” გონების დაკარგვამდე სცემეს პალესტინელი გოგონა, რომელიც აპროტესტებდა ისრაელის გენოციდს და ოკუპაციას ღაზას სექტორში“. სინამდვილეში, ფოტოზე ასახული გოგონა ბრიუსელში ჰომოფობიური აგრესიის მსხვერპლი გახდა და არა – ევროპარლამენტის მიერ „დაფინანსებული სიონისტების“.

„ჯეოფაქტსმა“ ფოტოს ძიების ინსტრუმენტის (reverse image search) საშუალებით მოიძია, რომ ახალგაზრდა გოგოს ფოტო თავდაპირველად 2025 წლის 14 ივლისს ლუკა აბლოთიას X-ანგარიშზე გავრცელდა. ფრანგულენოვან პოსტში აბლოთია წერს, რომ 13 ივლისს ტაჩკუ [დაზარალებული] ბრიუსელში ჰომოფობიის ნიადაგზე ძალადობის მსხვერპლი გახდა, იგი ორმა კაცმა გონების დაკარგვამდე სცემა და სიტყვიერი შეურაცხყოფაც მიაყენეს. პოსტის მიხედვით, ტაჩკუმ სამედიცინო დახმარება მიიღო და პოლიციაში სარჩელი შეიტანა. აბლოთიას თქმით, ეს არ არის პირველი შემთხვევა, როდესაც ტაჩკუ მისი საცხოვრებლისა და მიმდებარე ტერიტორიის ფარგლებში ჰომოფობიურ ნიადაგზე შეურაცხყოფის, დაშინებისა და აგრესიის მსხვერპლია. მისი თქმით, ამ რაიონებში თავისუფლად გადაადგილება მისთვის უკვე შეუძლებელია. აბლოთია ტაჩკუს ფსიქოლოგიური და სამართლებრივი დახმარების მიღებაში მხარდაჭერას ჰპირდება და იმედს გამოთქვამს, რომ ბელგიური პოლიცია დამნაშავეებს მალე დასჯის.

პოსტში გამოტანილია დაზარალებულის ფოტოები (შეიძლება შეიცავდეს სენსიტიურ გამოსახულებებს).

სწორედ ამ ფოტოს ვხვდებით Facebook-მომხმარებლის მიერ გავრცელებულ პოსტში.

აღსანიშნავია, რომ ტაჩკუზე თავდასხმაზე ბელგიური მედიაც წერს, რომლის თანახმად, გასულ კვირას ბრიუსელის სამხრეთ სადგურთან ახლოს ქართული წარმოშობის ახალგაზრდა ქალს ორი კაცი დაესხა თავს. გამოცემის თანახმად, ეს არ არის პირველი შემთხვევა და ტაჩკუ სამხრეთ და ჩრდილოეთ სადგურებთან გადაადგილებას, სადაც ჰომოფობიური აგრესიის მსხვერპლი არაერთხელ გამხდარა, ერიდება.

ამრიგად, ინფორმაცია, თითქოს ახალგაზრდა ქალი ბრიუსელში პალესტინელების მხარდამჭერ აქციაში მონაწილეობის გამო გახდა ძალადობის მსხვერპლი, არ დასტურდება. მცდარია ასევე ინფორმაცია თითქოს მსხვერპლი ქალი პალესტინელია.

ყველა პოსტის ნახვა

სოციალურ ქსელში ვიდეო ვრცელდება, რომელიც მანიპულაციურად დაჭრილი ვიდეოკადრებით ცდილობს, ვიდეოში ნაჩვენები ადამიანები ომის მხარდამჭერებად წარმოაჩინოს
სოციალურ ქსელში ვიდეო ვრცელდება, რომელიც მანიპულაციურად დაჭრილი ვიდეოკადრებით ცდილობს, ვიდეოში ნაჩვენები ადამიანები ომის მხარდამჭერებად წარმოაჩინოს
ოქტ 26, 2024
სოციალურ ქსელში გაბრიელიუს ლანდსბერგისის ციტატა კონტექსტის გარეშე ვრცელდება
სოციალურ ქსელში გაბრიელიუს ლანდსბერგისის ციტატა კონტექსტის გარეშე ვრცელდება
მაი 01, 2025
სოციალურ ქსელში ელენე ხოშტარიას ინტერვიუდან მონაკვეთი კონტექსტის გარეშე ვრცელდება
სოციალურ ქსელში ელენე ხოშტარიას ინტერვიუდან მონაკვეთი კონტექსტის გარეშე ვრცელდება
ივლ 04, 2025
სოფელ უჩხოს საჯარო სკოლა - ორჯერ შესყიდული საპროექტო დოკუმენტაცია და „ჩავარდნილი“ ტენდერი
სოფელ უჩხოს საჯარო სკოლა - ორჯერ შესყიდული საპროექტო დოკუმენტაცია და „ჩავარდნილი“ ტენდერი
ნოე 14, 2024
დეზინფორმაცია: რუსეთსა და აშშ-ს შორის ვაჭრობა 20%-ით გაიზარდა
დეზინფორმაცია: რუსეთსა და აშშ-ს შორის ვაჭრობა 20%-ით გაიზარდა
ივნ 12, 2024

© 2026 Copyrights by Geofacts.ee. All Rights Reserved.