Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში ჯო ბაიდენის ყალბი ციტატა ვრცელდება

სოციალურ ქსელში ჯო ბაიდენის ყალბი ციტატა ვრცელდება

მაისს 1, 2025 · გადამოწმებული ფაქტები · ვერდიქტი: ტყუილი
გაზიარება

სოციალურ ქსელში Facebook-მომხმარებელი ავრცელებს პოსტს (დაარქივებული ბმული) აღწერით: „აშშ-ის ყოფილმა პრეზიდენტმა ჯო ბაიდენმა პაპის დაკრძალვაზე ზელენსკის რომის პაპად არჩევა მიულოცა. ვატიკანი – რომის პაპის დაკრძალვის ცერემონიისას, მსოფლიოს სხვადასხვა კუთხიდან ცნობილი პიროვნებები და ლიდერები შეიკრიბნენ. მათ შორის იყო ამერიკის შეერთებული შტატების ყოფილი პრეზიდენტი, ჯო ბაიდენი, რომელმაც თავის განცხადებაში მორიგი დაბნეულობა გამოავლინა. ბაიდენმა ჟურნალისტებთან საუბრისას აღნიშნა: „დღეს კაცობრიობამ ახალი იმედი მოიპოვა. ვულოცავ ვოლოდიმირ ზელენსკის რომის პაპად არჩევას. ეს არის დემოკრატიის და მშვიდობის გამარჯვება“. ფოტოზე ჟურნალისტების წინაშე მდგომ ჯო ბაიდენსა და წმინდა პეტრეს ტაძრის წინ სასულიერო ტანისამოსში გამოწყობილ ვოლოდიმირ ზელენსკის ვხედავთ. სინამდვილეში, პოსტში გამოტანილი მტკიცება ყალბია და ჯო ბაიდენს მსგავსი განცხადება არ გაუკეთებია.

2025 წლის 21 აპრილს 88 წლის ასაკში ვატიკანის რეზიდენციაში სანტა მარტაში პაპი ფრანცისკე (პაპობამდე ხორხე მარიო ბროგლიო) გარდაიცვალა. მისი დაკრძალვის ცერემონია 26 აპრილისთვის დაიგეგმა. სამგლოვიარო ცერემონიალს მსოფლიოს ყველა კუთხიდან ლიდერები ესწრებოდნენ, მათ შორის – აშშ-ის ახალი პრეზიდენტი დონალდ ტრამპი და ყოფილი პრეზიდენტი ჯო ბაიდენი. აღსანიშნავია, რომ პრეზიდენტ ჯო ბაიდენს დაკრძალვის ცერემონიიდან არანაირი საჯარო განცხადება არ გაუკეთებია, მან პაპ ფრანცისკეს პატივი USA Today-ში გამოქვეყნებულ სტატიაში მიაგო.

სამგლოვიარო ცერემონიას ესწრებოდა უკრაინის პრეზიდენტი ვოლოდიმირ ზელენსკიც, თუმცა არც ერთი ღია და სანდო მედიაწყარო არ იტყობინება, რომ ჯო ბაიდენსა და პრეზიდენტ ზელენსკის შორის რაიმე სახის ინტერაქცია შედგა. ამის საპირისპიროდ, წმინდა პეტრეს ბაზილიკაში, დაკრძალვის ცერემონიის დაწყებამდე პრეზიდენტ ტრამპსა და ვოლოდიმირ ზელენსკის შორის  შეხვედრა გაიმართა.  თეთრი სახლის კომუნიკაციების დირექტორის თქმით, შეხვედრა საკმაოდ ნაყოფიერი იყო და სულ მალე დეტალებიც გამჟღავნდება. დონალდ ტრამპსა და ვოლოდიმირ ზელენსკის შორის შეხვედრაზე თავად უკრაინის პრეზიდენტმაც დაპოსტა X-ანგარიშზე.

ამრიგად, არც ერთ სანდო მედიასა და ღია წყაროში არ იძებნება ინფორმაცია იმის შესახებ, რომ აშშ-ის ყოფილმა პრეზიდენტმა ზელენსკის რომის პაპად არჩევა მიულოცა. ციტატაც, თითქოს ბაიდენმა განაცხადა, რომ: „დღეს კაცობრიობამ ახალი იმედი მოიპოვა. ვულოცავ ვოლოდიმირ ზელენსკის რომის პაპად არჩევას. ეს არის დემოკრატიის და მშვიდობის გამარჯვება“ , – ყალბია.

ამასთანავე, პოსტში გამოთქმულია აბსურდული მტკიცებაც, თითქოს ვოლოდიმირ ზელენსკის შეუძლია რომის პაპი გახდეს. სინამდვილეში, ახალი რომის პაპი კონკლავით (ვატიკანის კარდინალების კოლეგიის შეხვედრა) აირჩევა და მასში რომელიმე სახელმწიფოს ან პოლიტიკური პირი არ მონაწილეობს. აღნიშნულ საკითხზე გაეცანით „ჯეოფაქტსის“ სტატიას, რომელმაც წარსულში გადაამოწმა დეზინფორმაცია: „ოფიციალური კიევი არ აღიარებს ახალ პაპს, თუ მას უკრაინის მონაწილეობის გარეშე აირჩევენ“.

დამატებით, აღსანიშნავია ისიც, რომ პოსტში გამოტანილი ფოტო, რომელზეც წმინდა პეტრეს ტაძრის წინ სასულიერო ტანისამოსში გამოწყობილ ვოლოდიმირ ზელენსკის ვხედავთ, რეალობას არ შეესაბამება. კერძოდ, ვოლოდიმირ ზელენსკის მსგავსი ფოტო არც ერთ სანდო მედიასა და საჯარო წყაროში არ იძებნება. ფოტოს ძიების ინსტრუმენტით (reverse image search) კი დადგინდა, რომ სასულიერო ტანისამოსში ჩაცმული უკრაინის პრეზიდენტის სურათი სოციალურ ქსელებში საეჭვო რეპუტაციის მქონე ანგარიშებმა გაავრცელეს. ფოტო, სავარაუდოდ, ხელოვნური ინტელექტის მიერაა შექმნილი.

ყველა პოსტის ნახვა

არ დასტურდება, რომ 2008 წლის აგვისტოში ჯორჯ ბუშ უმცროსი რუსეთის მიერ თბილისის აღებას ემხრობოდა
არ დასტურდება, რომ 2008 წლის აგვისტოში ჯორჯ ბუშ უმცროსი რუსეთის მიერ თბილისის აღებას ემხრობოდა
აგვ 19, 2026
სოციალურ ქსელში ვოლოდიმირ ზელენსკის ყალბი ციტატა ვრცელდება
სოციალურ ქსელში ვოლოდიმირ ზელენსკის ყალბი ციტატა ვრცელდება
დეკ 18, 2024
ყალბი ინფორმაცია ჰოლოდომორის შესახებ
ყალბი ინფორმაცია ჰოლოდომორის შესახებ
ივნ 04, 2026
ირაკლი ცეცხლაძე: მიმდინარე წელს საბავშვო ბაღი გავხსენით სოფელ გვარაში, წლის ბოლომდე იგეგმება სოფელ კვირიკეს საბავშვო ბაღის გახსნა
ირაკლი ცეცხლაძე: მიმდინარე წელს საბავშვო ბაღი გავხსენით სოფელ გვარაში, წლის ბოლომდე იგეგმება სოფელ კვირიკეს საბავშვო ბაღის გახსნა
დეკ 02, 2025
დეზინფორმაცია: სალომე ზურაბიშვილმა მიხეილ სააკაშვილი შეიწყალა
დეზინფორმაცია: სალომე ზურაბიშვილმა მიხეილ სააკაშვილი შეიწყალა
ნოე 05, 2024

© 2026 Copyrights by Geofacts.ee. All Rights Reserved.