Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში უკრაინაში მობილიზაციის შესახებ დეზინფორმაცია ვრცელდება

სოციალურ ქსელში უკრაინაში მობილიზაციის შესახებ დეზინფორმაცია ვრცელდება

აპრილს 10, 2025 · გადამოწმებული ფაქტები · ვერდიქტი: ტყუილი
გაზიარება

სოციალურ ქსელში Facebook-გვერდმა „ტვინის გასაღები-Brain Key”, რომლის მიერ გავრცელებული დეზინფორმაცია „ჯეოფაქტსს“ წარსულშიც გადაუმოწმებია (1, 2), გაავრცელა ვიდეო (დაარქივებული ბმული), რომელშიც პოდკასტის წამყვანები უკრაინის ომში ადამიანური რესურსის საკითხს განიხილავენ. აღნიშნულ საკითხზე საუბრისას ვიდეოში მოყვანილია აშშ-ის ვიცე-პრეზიდენტის ჯეი დი ვენსის სიტყვები, რომელიც პრეზიდენტ ვოლოდიმირ ზელენსკის თეთრ სახლში, ოვალურ ოფისში ვიზიტისას წარმოთქვა. რეალურად, ვიდეოში ჯეი დი ვენსის სიტყვები არასწორადაა ნათარგმნი, რის გამოც სრულ ვიდეოს კონტექსტი ეცვლება.

სოციალურ ქსელში გავრცელებული ვიდეოს თავდაპირველ ნაწილში (0:05 წუთზე) მოყვანილია კადრები, რომელშიც 1-ელ მარტს ვოლოდიმირ ზელენსკის თეთრ სახლში სტუმრობისას ჯეი დი ვენსის უკრაინის პრეზიდენტისადმი მიმართვაა ნაჩვენები და ნათარგმნი. ვიდეოს მიხედვით, ვიცე-პრეზიდენტი ამბობს: „თქვენ ამჟამად გაქვთ ადამიანურ ძალასთან დაკავშირებული პრობლემები და არასრულწლოვანებს მიერეკებით წინა ხაზებზე“.

სინამდვილეში, პრეზიდენტ ტრამპს, პრეზიდენტ ზელენსკისა და ვიცე-პრეზიდენტ ვენსს შორის გამართული შეხვედრის ამსახველ სრულ ვიდეოში, რომელიც 1-ელ მარტს C-SPAN-ის მიერ გამოქვეყნდა, ჯეი დი ვენსი ამბობს შემდეგ სიტყვებს: „ამჟამად თქვენ წვევამდელებს აიძულებთ წინა ხაზებზე წასვლას, რადგან ადამიანური რესურსის პრობლემები გაქვთ“ (“Right now you guys are going around and forcing conscripts to the front lines because you have manpower problems”). ამრიგად, ვიცე-პრეზიდენტს არ უთქვამს, რომ უკრაინაში არასრულწლოვანებს უშვებენ ფრონტზე, არამედ იგი საუბრობდა წვევამდელებზე. ეს უკანასკნელი კი იმ ახალგაზრდებს მოიაზრებს, რომელიც სამხედრო მომზადებას გადის სამხედრო სამსახურში გაწვევის წინ. აღსანიშნავია, რომ  2024 წელს შეტანილი ცვლილებების საფუძველზე უკრაინის კანონმდებლობით სამხედრო მობილიზაციაზე დაქვემდებარება 25 წლის ასაკიდან იწყება (მანამდე ეს ასაკი 27 წელი იყო) და მობილიზაცია მხოლოდ 25-60 წლის მოქალაქეებს ეხებათ. ინდივიდებს კი, რომლებიც 25 წელს ქვემოთ ასაკის არიან, უკრაინის შეიარაღებულ ძალებში გაწევრიანება შესაბამისი ხელშეკრულების საფუძველზე მოხალისეობრივად შეუძლიათ და ეს ვალდებულებას არ წარმოადგენს.

შესაბამისად, ვიცე-პრეზიდენტს ვენსს არ უთქვამს, რომ უკრაინაში არასრულწლოვანები საბრძოლველად იძულებით მიჰყავთ.

ყველა პოსტის ნახვა

ლარი ფინკს WEF-ის მიზნად კონტროლის ზრდისა და სუვერენიტეტის შეზღუდვის შესახებ საზოგადოების დარწმუნება არ დაუსახელებია
ლარი ფინკს WEF-ის მიზნად კონტროლის ზრდისა და სუვერენიტეტის შეზღუდვის შესახებ საზოგადოების დარწმუნება არ დაუსახელებია
იან 23, 2026
სოციალურ ქსელებში პარტია „გახარია საქართველოსთვის“ შესახებ შეცდომაში შემყვანი ვიდეო ვრცელდება
სოციალურ ქსელებში პარტია „გახარია საქართველოსთვის“ შესახებ შეცდომაში შემყვანი ვიდეო ვრცელდება
ნოე 18, 2026
ჩინურ-რუსული დეზინფორმაცია, რომ მსოფლიო კონფლიქტების 80%-ზე მეტი აშშ-ის ინიცირებულია
ჩინურ-რუსული დეზინფორმაცია, რომ მსოფლიო კონფლიქტების 80%-ზე მეტი აშშ-ის ინიცირებულია
აგვ 18, 2026
დეზინფორმაცია: რუსეთმა ოფიციალურად აღიარა, რომ ბრიჯიტ მაკრონი ტრანსგენდერია
დეზინფორმაცია: რუსეთმა ოფიციალურად აღიარა, რომ ბრიჯიტ მაკრონი ტრანსგენდერია
ივლ 16, 2025
რა ვიცით ვიდეოს შესახებ, რომელშიც რომის პაპი იჩოქებს?
რა ვიცით ვიდეოს შესახებ, რომელშიც რომის პაპი იჩოქებს?
იან 29, 2026

© 2026 Copyrights by Geofacts.ee. All Rights Reserved.