სოციალურ ქსელში საპროტესტო აქციიდან რედაქტირებული ვიდეო ვრცელდება

სოციალურ ქსელში Facebook-ანგარიში „დაათ ცაბაძე” მიმდინარე საპროტესტო აქციებიდან ვიდეოს ავრცელებს (დაარქივებული ბმული) და წერს: „ცეცხლი *უილსო (მომიტევეთ), რაც “მოლოტოვები” წაართვეს, ადვილად აალებად ალტერნატიულ საშუალებებს ეძებენ“. სინამდვილეში,  ვიდეო რედაქტირებულია, აქციის მონაწილე რეალურად ვიდეოში ამბობს: „ცეცხლი ტყუილს“.

ვიდეოს სრული ვერსია, რომლის ერთ-ერთ კადრსაც Facebook-ანგარიში ავრცელებს, ტელეკომპანია „ფორმულას“ მიერ 28 მარტს გამოქვეყნდა. ვიდეოში რეალურად შემდეგი შეძახილები ისმის: „ცეცხლი ტყუილს“; „გამარჯვება ხალხშია“; „ძალა ერთობაშია“;
საკუთარი ერის მტერი არ დარჩება დაუსჯელი“; „დიდება საქართველოს“; „დიდება გმირებს“.

ამდენად, გავრცელებული ვიდეო რედაქტირებულია და მიმდინარე საპროტესტო აქციების დისკრედიტაციას ისახავს მიზნად.