მელანია ტრამპის და ეპსტინის სოციალურ ქსელში გავრცელებული ფოტო რედაქტირებულია

მოკლედ საკითხავი:

1. სოციალურ ქსელში გავრცელებულ ფოტოზე მელანია ტრამპი და ჯეფრი ეპსტინი ჩანან;
2. სინამდვილეში ფოტო რედაქტირებულია;
3. თავდაპირველ ვერსიაში, რომელიც აშშ-ის იუსტიციის დეპარტამენტის მიერ გამოქვეყნებულ ჯეფრი ეპსტინის ფაილებშია ხელმისაწვდომი, გოგონა ჩანს, რომლის სახეც დაფარულია.

სოციალურ ქსელში ფოტო ვრცელდება, რომელშიც აშშ-ის პირველი ლედი მელანია ტრამპი და ამერიკელი ფინანსისტი ჯეფრი ეპსტინი ჩანან (დაარქივებული ბმული).

ფოტოს რედაქტირებული ვერსია Facebook-ანგარიშ ტომ ადელსბახს ეკუთვნის. სოციალურ ქსელში გავრცელებული ფოტოს ბოლო ნაწილში მისი სახელი და გვარიც წერია. ტომ ადელსბახის პოსტს თან ახლავს წარწერა, რომ ფოტო რედაქტირებულია (იხილეთ ფოტო).

ფოტო აშშ-ის იუსტიციის დეპარტამენტის მიერ გამოქვეყნებული ეპსტინის ფაილებიდან არის აღებული. ფაილებში გოგონას სახე დაფარულია.

ამდენად, გავრცელებული ფოტო რედაქტირებულია და მასში მელანია ტრამპის სახეა ჩასმული.

ცნობისთვის, 2026 წლის 30 იანვარს აშშ-ის იუსტიციის დეპარტამენტმა, გამჭვირვალობის შესახებ აქტის შესაბამისად, რომელსაც პრეზიდენტმა ტრამპმა ხელი 2025 წლის 19 ნოემბერს მოაწერა, ეპსტინის დოკუმენტების 3 მილიონზე მეტი დამატებითი გვერდი გამოაქვეყნა. ახლად გამოცემული მასალები ასევე მოიცავს 2000-ზე მეტ ვიდეოს და 180 000 სურათს. მასალა შეგროვდა ეპსტინის და მისი პარტნიორის, გლეინ მაქსველის წინააღმდეგ ფლორიდასა და ნიუ იორკში აღძრული საქმეებიდან, ეპსტინის გარდაცვალების გამოძიების საქმიდან და გამოძიების ფედერალური ბიუროს სხვადასხვა გამოძიებებიდან, რომლებშიც ეპსტინი ან მასთან დაახლოებული პირები ფიგურირებდნენ.