Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში თინა ბოკუჩავას ვიდეო მანიპულაციურად ვრცელდება

სოციალურ ქსელში თინა ბოკუჩავას ვიდეო მანიპულაციურად ვრცელდება

ივლისს 22, 2026 · გადამოწმებული ფაქტები · ვერდიქტი: საგაზეთო სტატია
გაზიარება

სოციალურ ქსელში ვრცელდება "ერთიანი ნაციონალური მოძრაობის" ლიდერის, თინა ბოკუჩავას ინტერვიუს ფრაგმენტი (არქივირებული ბმული), სადაც ის ამბობს: “ჩვენ ყველაფერი უნდა გავაკეთოთ იმისთვის, რომ საქართველომ ეს ისტორიული შესაძლებლობა, ოცნების ძალისხმევის მიუხედავად, არ მიიღოს.” ვიდეოს თან ერთვის აღწერა, რომ პოლიტიკოსმა აღნიშნული განცხადება კანდიდატის სტატუსის მიღების კონტექსტში გააკეთა, რითიც იქმნება შთაბეჭდილება, რომ ის საქართველოს კანდიდატის სტატუსის მიღებას ეწინააღმდეგებოდა.

ვიდეოში ჩანს, რომ ბოკუჩავა ინტერვიუს საქართველოს პარლამენტის შენობაში წერს, რაც მიუთითებს, რომ ვიდეო ძველია და ასახავს იმ პერიოდს, როდესაც ბოკუჩავა საქართველოს პარლამენტის წევრის პოსტს იკავებდა. იდენტური ვიდეო იძებნება YouTube-ზე 2023 წლის 19 სექტმებრის თარიღით.

აღსანიშნავია, რომ იდენტური ვიდეო მანიპულაციურად წარსულშიც გავრცელდა და მას ფაქტების გადამმოწმებელი ორგანიზაცია "მითების დეტექტორი" გამოეხმაურა.

სინამდვილეში ინტერვიუს უფრო ვრცელ ვიდეოში ნათლად დასტურდება, რომ ბოკუჩავა მალევე ამბობს, რომ საუბრისას მან შეცდომა დაუშვა: “ჩვენ ყველაფერი უნდა გავაკეთოთ იმისთვის, რომ საქართველომ ეს ისტორიული შესაძლებლობა, ოცნების ძალისხმევის მიუხედავად, არ მიიღოს. როგორ ვთქვი? მგონი არასწორად ვთქვი, ხომ? ახლა დაჭრით, ხომ? რა გავაკეთო”.

ის რომ პოლიტიკოსი სინამდვილეში კანდიდატის სტატუსის მიღების მხარდამჭერ განცხადებებს აკეთებდა, დასტურდება მის სხვა ინტერვიუებშიც. მაგალითად, 2023 წლის ივნისში ბოკუჩავამ მსგავსი შინაარსის განცხადება გააკეთა: "მიუხედავად იმისა, რომ დღევანდელი რუსული რეჟიმი ყველაფერს აკეთებს, რათა საქართველომ დაკარგოს კანდიდატის სტატუსის შანსი. დიდი იმედი მაქვს, რომ ევროპელი ლიდერები ქართველ ხალხს ამ შანსს არ დაუკარგავენ. ყოველ შემთხვევაში, ჩვენ, „ერთიანი ნაციონალური მოძრაობა“, ძალიან აქტიურად ვმუშაობთ საერთაშორისო პარტნიორებთან სხვადასხვა საერთაშორისო ფორუმზე. ვმუშაობთ, რათა საქართველომ ეს უნიკალური შესაძლებლობა არ დაკარგოს."

ყველა პოსტის ნახვა

არ დასტურდება ინფორმაცია, თითქოს WEF აღიარებს COVID-19-ის კაცობრიობის მორჩილების ტესტად გამოყენებას
არ დასტურდება ინფორმაცია, თითქოს WEF აღიარებს COVID-19-ის კაცობრიობის მორჩილების ტესტად გამოყენებას
იან 27, 2026
სოციალურ ქსელში ჟურნალისტ დავით ერაძის რედაქტირებული ვიდეო ვრცელდება
სოციალურ ქსელში ჟურნალისტ დავით ერაძის რედაქტირებული ვიდეო ვრცელდება
ნოე 24, 2025
სოციალურ ქსელში ილონ მასკის სატირული ფოტო ვრცელდება
სოციალურ ქსელში ილონ მასკის სატირული ფოტო ვრცელდება
აპრ 15, 2025
დეზინფორმაცია: ლათინურად AstraZeneca „სიკვდილისკენ მიმავალ გზას“  ნიშნავს
დეზინფორმაცია: ლათინურად AstraZeneca „სიკვდილისკენ მიმავალ გზას“ ნიშნავს
აგვ 19, 2025
სოციალურ ქსელში საპროტესტო აქციების მადისკრედიტებელი შინაარსის პოსტები ვრცელდება
სოციალურ ქსელში საპროტესტო აქციების მადისკრედიტებელი შინაარსის პოსტები ვრცელდება
ნოე 20, 2024

© 2026 Copyrights by Geofacts.ee. All Rights Reserved.