ზურა ფარჯიანის ინტერვიუს ფრაგმენტი კონტექსტის გარეშე ვრცელდება

სოციალურ ქსელ "ფეისბუქში" საერთაშორისო ურთიერთობების ექსპერტის ზურა ფარჯიანის ინტერვიუს ფრაგმენტი ვრცელდება (ბმული 1, 2, არქივირებული ბმული). გავრცელებულ მონაკვეთში ფარჯიანი ამბობს: "მერამდენე მოწოდება უნდა იყოს და მერამდენე რეზოლუცია უნდა მიიღოს. არ აინტერესებს ამ ხალხს ამათი მოწოდებები და რეზოლუციები. ამ ხალხზე მოწოდებები, დაყვავება, ვაიმე, შენი ჭირიმე, მოდი ისე ვქნათ, მოდი ასე ვქნათ, არ მოქმედებს". გავრცელებული მონაკვეთი სრული ინტერვიუდან კონტექსტის გარეშეა მოჭრილი და არ ჩანს ფარჯიანი ევროკავშირის კრიტიკისას ვის შესახებ ამბობს, რომ ევროკავშირის რეზოლუციები არ აინტერესებთ.

სრული გადაცემა, საიდანაც აღნიშნული მონაკვეთი ამოიჭრა, ეთერში 2026 წლის 3 ივლის ტვ "პირველზე" გავიდა (არქივი). სრულ მონაკვეთში ცხადი ხდება, რომ ფარჯიანი "ქართულ ოცნებაზე" საუბრობს და აცხადებს, რომ ევროკავშირის თუ მისი წევრი ქვეყნების რეზოლუციები არ მოქმედებს, რადგან განცხადებები მხოლოდ ფურცელზე რჩება: რაც შეეხება ევროკავშირის პარლამენტარების თუ ევროკავშირის ცალკეული ქვეყნების წარმომადგენლების მოწოდებებს, მე მოვუწოდებდი ევროკავშირის ნებისმიერ ოფიციალურ პირს, რომ შეწყვიტონ მოწოდებები და ან საქმე გააკეთონ, ან კონკრეტულად ამ მოწოდებებს შეეშვან. იმიტომ რომ დამღლელია უკვე ეს ყველაფერი, ორ წელიწადზე მეტია ეს ყველაფერი გრძელდება და მოწოდებები გაჯიუტებულ ბავშვებზე, "ქართულ ოცნებაზე" და მსგავს სიტუაციებში არ მოქმედებს. ეს მერამდენიმე მოწოდება უნდა იყოს და მერამდენე რეზოლუცია უნდა მიიღოს. არ აინტერესებს ამ ხალხს ამათი მოწოდებები და რეზოლუციები. ამ ხალხზე მოწოდებები, დაყვავება, ვაიმე, შენი ჭირიმე, მოდი ისე ვქნათ, მოდი ასე ვქნათ, არ მოქმედებს".

ამდენად, სრული მონაკვეთში ჩანს, რომ ფარჯიანის სიტყვები, რომ ევროკავშირის რეზოლუციები "ამ ხალხს" არ აინტერესებს "ქართულ ოცნებას" მიემართება.