სოციალურ ქსელში ნიკოლ ფაშინიანის ხელოვნური ინტელექტით შექმნილი ვიდეო გავრცელდა

მოკლედ საკითხავი

სოციალურ ქსელში გავრცელებულ ვიდეოში ფაშინიანი ამბობს, რომ სომხეთი აზერბაიჯანის ტერიტორიაა;

სინამდვილეში, ვიდეო ხელოვნური ინტელექტის (AI) მიერ არის გენერირებული;

ნიკოლ ფაშინიანს სომხეთ აზერბაიჯანთან დაკავშირებით მსგავსი განცხადება არ გაუკეთებია.

სოციალურ ქსელში გავრცელებულ ვიდეოში სომხეთის პრემიერ-მინისტრი ნიკოლ ფაშინიანი აცხადებს, რომ სომხეთი აზერბაიჯანის ტერიტორიაა (დაარქივებული ბმული).

სინამდვილეში, ვიდეო ხელოვნური ინტელექტის მიერ (AI) არის გენერირებული, რაზეც ვიდეოში არსებული შეუსაბამობები მიუთითებს. მაგალითად, ვიდეოში შესამჩნევია თვალების და პირის არაბუნებრივი მოძრაობა. მაგალითად, საუბრისას პრემიერი პირს საერთოდ არ ხურავს. მსგავსი შეუსაბამობები ხელოვნური ინტელექტით შექმნილი მასალისთვის არის დამახასიათებელი.

ფაშინიანის ჩაცმულობიდან გამომდინარე, ვიდეოს გენერირებისთვის, სავარაუდოდ, 2023 წლის 22 სექტემბრის ფოტოა აღებული. ფოტო პრემიერ-მინისტრის ვებგვრედზეა ხელმისაწვდომი და მინისტრთა კაბინეტის წარმომადგენლებთან შეხვედრაზეა გადაღებული.

თავად ვებგვერდზე წარმოდგენილი ინფორმაციის თანახმად, შეხვედრაზე პრემიერ-მინისტრმა მთიან ყარაბაღში შექმნილ ჰუმანიტარულ და სამხედრო-პოლიტიკურ ვითარებაზე ისაუბრა. თუმცა, როგორც ტრანსკრიპტიდან ირკვევა, ამ შეხვედრაზე, მას სომხეთ-აზერბაიჯანზე მსგავსი განცხადება არ გაუკეთებია, მეტიც მას აზერბაიჯანი საერთოდ არ უხსენებია.

აღსანიშნავია, რომ ინტერნეტში არ იძებნება წყარო, რომელიც ფაშინიანის მხრიდან მსგავსი განცხადების გაკეთებას დაადასტურებდა.

ამდენად, ვიდეო ხელოვნური ინტელექტის (AI) მიერ არის შექმნილი.