სოციალურ ქსელში გავრცელებულ ვიდეოში პროტესტი "არაბიზაციას" არ უკავშირდება
სოციალურ ქსელში ვრცელდება ვიდეო, რომელიც სხვადასხვა საპროტესტო გამოსვლის კოლაჟს წარმოადგენს (არქივირებული ბმული). ვიდეოს აღწერის თანახმად, ის სერბეთსა და ალბანეთში "არაბიზაციის" წინააღმდეგ გამოსვლას ასახავს.
პირველი კადრი, რომელიც ვიდეოში ჩნდება მართლაც ალბანეთში მიმდინარე აქციას ასახავს. ვიდეოს ამ ნაწილში ჩანს, რომ კადრები ევრონიუსს ეკუთვნის. ფოტოს უკუძიების ინსტრუმენტით იძებნება იდენტური ვიდეო, რომელიც ევრონიუსმა გამოაქვეყნა. ევრონიუსის მიერ გამოქვეყნებული ინფორმაციიდან ირკვევა, რომ ვიდეოში ასახული პროტესტი ალბანეთში არა არაბულ ინვესტიციას ან ემიგრანტების არაბული ქვეყნებიდან შემოსვლას, არამედ ჯარედ კუშნერთან დაკავშირებულ ელიტურ კურორტის პროექტს უკავშირდება.
ცნობისთვის, ადრიატიკის სანაპიროზე დაგეგმილ ტურისტულ პროექტს, რომელშიც კუშნერის კომპანია Affinity Partners ერთ-ერთი ინვესტორია, მთავრობა პროექტს მხარს უჭერს, თუმცა აქტივისტები ფიქრობენ, რომ ის საფრთხეს შეუქმნის დაცულ ბუნებრივ ტერიტორიებს. მათი თქმით, კუნძულ საზანსა და ზვერნეცის ტერიტორიაზე მშენებლობა დააზიანებს ფლამინგოების (დაცული სახეობა) და სხვა ცხოველების ჰაბიტატს. სწორედ ამიტომ, პროტესტის სიმბოლოდ ვარდისფერი ფლამინგო აირჩიეს.
ვიდეოს მომდევნო კადრი, სადაც ჩანს პოლიციელებსა და პროტესტის მონაწილეებს შორის დაპირისპირება იმავე პროტესტს უკავშირდება.
რაც შეეხება მომდევნო კადრებს, რომლებშიც საპროტესტო მონაწილეებსა და პოლიციას შორის დაპირისპირება ჩანს, სადაც პროტესტი მონაწილეები ფოიერვერკებს იყენებენ, აღნიშნული სერბეთში, ქალაქ ბელგრადში საპროტესტო აქციას ასახავს. თუმცა, ეს აქცია ანტისამთავრობო შინაარსის იყო, სადაც მოქალაქეები კოვიდპანდემიის კონტექსტში შემოღებულ ახალ შეზღუდვებს აპროტესტებდნენ.
მომდევნო კადრი ალბანეთის ქალაქ ტირანაში 2025 წლის აქციებს ასახავს, სადაც მოქალაქეები მთავრობის წინააღმდეგ გამოდიოდნენ და საარჩევნო დარღვევებს აპროტესტებდნენ.
ამდენად, ვიდეოში ნაჩვენები საპროტესტი გამოსვლები "არაბიზაციას არ უკავშირდება.
