Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში ონისე ცხადაძის ფოტო მცდარი ინტერპრეტაციით ვრცელდება

სოციალურ ქსელში ონისე ცხადაძის ფოტო მცდარი ინტერპრეტაციით ვრცელდება

მაისს 13, 2025 · გადამოწმებული ფაქტები · ვერდიქტი: ვერდიქტის გარეშე
გაზიარება

Facebook-გვერდი „საინფორმაციო ანალიტიკური გაერთიანება“, რომლის მიერ გავრცელებული დეზინფორმაცია „ჯეოფაქტსს“ წარსულშიც გადაუმოწმებია, პროევროპულ აქციებზე დაკავებული იუმორისტის ონისე ცხადაძის ფოტოს ავრცელებს შემდეგი აღწერით: „ცხრა მაისი რაც უფრო ახლოვდება, უფრო მეტად იჩენს თავს ინსტინქტური ქცევები. ამ დროს იცის ხოლმე“, აღწერისა და ფოტოს ქვეშ არსებული კომენტარების თანახმად, პოსტი ქმნის შთაბეჭდილებას, თითქოს ონისე ცხადაძე ნაცისტური მისალმების ჟესტს აკეთებს.

ონისე ცხადაძის ფოტოსთან ერთად ავრცელებენ აუდიტორიის ფოტოსაც, სადაც დამსწრეებს ხელი აქვთ აწეული და დაკავებულებს ესალმებიან. გარდა ამისა, აუდიტორიაში მყოფი ადამიანები ხელის აწევის გარდა სხვა ჟესტებითაც ესალმებიან ბრალდებულებს, კერძოდ, გულის სიმბოლო, მუშტი, ჟესტი „Peace” და სხვა.

ფოტო ონისე ცხადაძის ძმამ, სანდრო ცხადაძემაც გააზიარა და შემდეგი კომენტარი დაურთო: „ეს ის არაა, რაც თქვენ გგონიათ“.

საგულისხმოა, რომ ონისე ცხადაძე 2025 წლის 1 მაისს გამართულ სასამართლო პროცესზეც ხელის აწევით ესალმება აუდიტორიას.

ამავე ჟესტით ესალმება ონისე ცხადაძე აუდიტორიას 2025 წლის 10 იანვრის პროცესზე, რაც კარგად ჩანს „რადიო თავისუფლების“ მიერ გამოქვეყნებულ ვიდეოში.

ცნობისთვის, ნაცისტური მისალმება, ასევე ცნობილი როგორც ჰიტლერის მისალმება (გერმანულად – Hitlergruß), იყო მისალმების ჟესტი ნაცისტურ გერმანიაში, რომელსაც ხშირად თან ახლდა სიტყვები – „Heil Hitler!“ ან „Sieg Heil!“. ის გამოიყენებოდა ერთგულების ნიშნად ადოლფ ჰიტლერისა და ნაცისტური რეჟიმის მიმართ. საგულისხმოა, რომ ჟესტი, რომელსაც ჰიტლერი იყენებდა, ონისე ცხადაძის ხელის აწევით მისალმებისგან განსხვავებულია.(იხ. ფოტო).

ამგვარად, მტკიცება, თითქოს ონისე ცხადაძე ნაცისტური ჟესტით ესალმება აუდიტორიას, მცდარია.

ყველა პოსტის ნახვა

დეზინფორმაცია: დასავლეთის დაფინანსებით თბილისში ახალი პლაკატები გამოჩნდა, წარწერით: „ნუ გეშინია გამჭვირვალობის და შევიწროვების პრორუსი ხელისუფლებისა და მღვდლების მხრიდან! COMING OUT!“
დეზინფორმაცია: დასავლეთის დაფინანსებით თბილისში ახალი პლაკატები გამოჩნდა, წარწერით: „ნუ გეშინია გამჭვირვალობის და შევიწროვების პრორუსი ხელისუფლებისა და მღვდლების მხრიდან! COMING OUT!“
ოქტ 18, 2024
სოციალურ ქსელში იოსებ სტალინის შესახებ დეზინფორმაციული მტკიცებები ვრცელდება
სოციალურ ქსელში იოსებ სტალინის შესახებ დეზინფორმაციული მტკიცებები ვრცელდება
ნოე 20, 2025
სოციალურ ქსელში სუპერმარკეტების ქსელ „ორი ნაბიჯის“ სახელით თაღლითური პოსტი ვრცელდება
სოციალურ ქსელში სუპერმარკეტების ქსელ „ორი ნაბიჯის“ სახელით თაღლითური პოსტი ვრცელდება
ნოე 13, 2025
სოციალურ ქსელში მიხეილ ყაველაშვილის ყალბი ციტატა ვრცელდება
სოციალურ ქსელში მიხეილ ყაველაშვილის ყალბი ციტატა ვრცელდება
იან 13, 2026
ნიკა გვარამიას აფხაზეთთან დაკავშირებული ინტერვიუ მცდარი კონტექსტით ვრცელდება
ნიკა გვარამიას აფხაზეთთან დაკავშირებული ინტერვიუ მცდარი კონტექსტით ვრცელდება
აგვ 19, 2026

© 2026 Copyrights by Geofacts.ee. All Rights Reserved.