Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
დეზინფორმაცია: მათთვის, ვისაც Facebook-ის პროფილზე უკრაინის დროშა ეყენა, ტრამპი სამხედრო გაწვევას გამოაცხადებს

დეზინფორმაცია: მათთვის, ვისაც Facebook-ის პროფილზე უკრაინის დროშა ეყენა, ტრამპი სამხედრო გაწვევას გამოაცხადებს

მარტს 5, 2025 · გადამოწმებული ფაქტები · ვერდიქტი: ტყუილი
გაზიარება

4 მარტს სოციალურ ქსელში გამოქვეყნდა ინფორმაცია, რომ დონალდ ტრამპი გამოაცხადებდა სამხედრო გაწვევას იმ ადამიანებისთვის, ვისაც Facebook-პროფილზე უკრაინის დროშა ჰქონდა ატვირთული. აღნიშნული ინფორმაცია X-ის ანგარიშის „The Babylon Bee“ პოსტზე დაყრდნობით გავრცელდა.

სინამდვილეში, „The Babylon Bee“, რომელმაც ეს ინფორმაცია პირველმა დაწერა, ამერიკული სატირული ვებგვერდია. გვერდის აღწერაში წერია, რომ ისინი სატირულ ინფორმაციებს პოლიტიკურ საკითხებზეც წერენ.

X ანგარიშზე კი „The Babylon Bee-ს“ პირდაპირ აქვს იუმორისტული მინიშნება იმაზე, რომ მათ მიერ დაწერილი ინფორმაციები ყალბია. ”ყალბი ამბები, რომლებსაც შეგიძლია, ენდო“ (Fake news You can trust).

დამატებით, ინფორმაცია რომ დონალდ ტრამპმა იმ ადამიანების სამხედრო მობილიზაციის შესახებ გამოაცხადა, ვისაც სოციალური ქსელის ანგარიშებში უკრაინის დროშა ეყენათ, საძიებო სისტემებში ან სანდო და ავტორიტეტულ მედიებში არ იძებნება.

„The Babylon Bee-ს“ ვებგვერდზე მითითებულია, რომ ინფორმაცია 2025 წლის 3 მარტს გამოქვეყნდა. ამ დღეს დონალდ ტრამპმა თავის სოციალურ ქსელში Truth Social უკრაინის შესახებ რამდენიმე განცხადება გაავრცელა, მათ შორის აღნიშნა, რომ ის ერთადერთი პრეზიდენტია, რომელსაც პუტინის რუსეთისთვის უკრაინის მიწის არცერთი ნაწილი არ მიუცია. ამ დღეს მან ასევე გააკრიტიკა ზელენსკი განცხადებისთვის, რომელშიც ის რუსეთთან ომის დასრულებას ძალიან შორეულს უწოდებდა, თუმცა განცხადება, რომ სოციალურ ქსელში უკრაინის დროშის გამოსახულების მქონე ადამიანების სავალდებულო სამხედრო გაწვევას დაიწყებს, არც აქაა გამოქვეყნებული.

დამატებით, ვებგვერდზე გამოქვეყნებულ სტატიაში ასევე აღნიშნულია, რომ „ინფორმაციის გამოქვეყნებამდე ზელენსკიმ უთხრა ტრამპს, რომ მას ნამდვილად არ სჭირდებოდა ასეთი ჯარები და თქვა, რომ მას ურჩევნია ჰყავდეს ეს ხორციანი ბიჭები არმიის ახალი რეკლამებიდან“. თუმცა საჯარო წყაროებში ასევე არ იძებნება რაიმე ინფორმაცია, რომელიც ზელენსკის ამ განცხადების დაადასტურებდა.

შესაბამისად, ინფორმაცია, რომ ტრამპი ყველა იმ ადამიანის სამხედრო გაწვევას გამოაცხადებს, ვისაც Facebook-ის პროფილზე უკრაინის დროშა ეყენა, ყალბია და ის სატირულმა წყარომ გაავრცელა. ინფორმაცია არც მედიებსა და სხვა სანდო წყაროებში დასტურდება.

 

ყველა პოსტის ნახვა

სოციალურ ქსელში გიორგი უშიკიშვილის ვიდეო მანიპულაციურად ვრცელდება
სოციალურ ქსელში გიორგი უშიკიშვილის ვიდეო მანიპულაციურად ვრცელდება
იან 10, 2025
სოციალურ ქსელში პაატა ბურჭულაძის ვიდეო მანიპულაციურად ვრცელდება
სოციალურ ქსელში პაატა ბურჭულაძის ვიდეო მანიპულაციურად ვრცელდება
ოქტ 29, 2024
მცდარია მტკიცება, რომ მშრომელების უფლებების დაცვა საქართველოში მხოლოდ საბჭოთა კავშირის პერიოდში დაიწყო
მცდარია მტკიცება, რომ მშრომელების უფლებების დაცვა საქართველოში მხოლოდ საბჭოთა კავშირის პერიოდში დაიწყო
სექ 29, 2026
სოციალურ ქსელში ტელეკომპანია „ფორმულას“ რედაქტირებული ქარდი ვრცელდება
სოციალურ ქსელში ტელეკომპანია „ფორმულას“ რედაქტირებული ქარდი ვრცელდება
აგვ 13, 2025
სოციალურ ქსელში დონალდ ტრამპის ინაუგურაციაზე სალომე ზურაბიშვილის დასწრების შესახებ მანიპულაციური პოსტები ვრცელდება
სოციალურ ქსელში დონალდ ტრამპის ინაუგურაციაზე სალომე ზურაბიშვილის დასწრების შესახებ მანიპულაციური პოსტები ვრცელდება
იან 23, 2025

© 2026 Copyrights by Geofacts.ee. All Rights Reserved.