„ფაქტების გადამოწმების საერთაშორისო ქსელის“ (IFCN) დირექტორ, ენჯი ჰოლანის განცხადება Meta-ს CEO-ს გადაწყვეტილების შესახებ
„ფაქტების გადამოწმების საერთაშორისო ქსელის“ (IFCN) დირექტორ, ენჯი ჰოლანის განცხადება Meta-ს CEO-ს გადაწყვეტილების შესახებ
ეს გადაწყვეტილება დააზარალებს სოციალური მედიის იმ მომხმარებლებს, რომლებიც ზუსტ, სანდო ინფორმაციას ეძებენ, რათა ყოველდღიურ ცხოვრებასა და მეგობრებთან და ოჯახთან ურთიერთობებისას გამოიყენონ. ფაქტების გადამმოწმებელ ჟურნალისტიკას არასოდეს დაუცენზორებია ან წაუშლია პოსტები; ის საკამათო მტკიცებებს ამდიდრებს ინფორმაციით და დამატებითი კონტექსტით, ასევე ყალბი შინაარსის ინფორმაციასა და შეთქმულების თეორიებს აბათილებს. Meta-ს ფაქტების გადამოწმების პროგრამაში ჩართული ფაქტების გადამმოწმებლები ემორჩილებიან პრინციპების კოდექსს, რომელიც მოითხოვს მიუკერძოებლობასა და გამჭვირვალობას. სამწუხაროა, რომ ეს გადაწყვეტილება ახალი ადმინისტრაციისა და მისი მხარდამჭერების მხრიდან უკიდურესი პოლიტიკური ზეწოლის ფონზე იქნა მიღებული. ფაქტების გადამმოწმებლები არ ყოფილან მიკერძოებულნი თავიანთ საქმიანობაში – ასეთი ტიპის თავდასხმები მოდის მათგან, ვინც ფიქრობს, რომ უარყოფისა და წინააღმდეგობის გარეშე გაზვიადება და მოტყუება უნდა შეეძლოს.
