Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში კამალა ჰარისის კამპანიასთან დაკავშირებით მორიგი დეზინფორმაცია ვრცელდება

სოციალურ ქსელში კამალა ჰარისის კამპანიასთან დაკავშირებით მორიგი დეზინფორმაცია ვრცელდება

აგვისტოს 16, 2024 · გადამოწმებული ფაქტები · ვერდიქტი: ტყუილი
გაზიარება

სოციალურ ქსელში Facebook-მომხმარებელი ფოტოს (არქივირებული ფოტოს ბმული) ავრცელებს და ამტკიცებს, რომ პრეზიდენტობის კანდიდატ კამალა ჰარისისთვის რეიტინგის მოსამატებლად აშშ-ის მედია იტყუება და მიჩიგანში მხარდამჭერებთან შეხვედრის კადრებში ხალხი „ფოტოშოპით მიახატა“. რეალურად, ფოტო ავთენტური, ხოლო გავრცელებული ინფორმაცია ყალბია.

7 აგვისტოს, აშშ-ის ვიცე-პრეზიდენტის კამალა ჰარისისა და მინესოტას გუბერნატორის ტიმ უოლზის მიჩიგანში ხალხთან შეხვედრის ფოტო ინტერნეტსივრცეში ვირუსულად გავრცელდა, არასანდო ანგარიშებისა და დონალდ ტრამპის მხარდამჭერების მიერ (ბმული 1, 2, 3, 4, 5, 6, 7 და სხვა). ინფორმაციის გავრცელებას ხელი თავად დონალდ ტრამპმაც შეუწყო, რომელმაც შეხვედრის კადრი გამოაქვეყნა და კამალა ჰარისი თაღლითობასა და ტყუილში დაადანაშაულა.

ბრალდებას პლატფორმა X-ზე კამალა ჰარისის კამპანიის ოფიციალური ანგარიში გამოეხმაურა. „ეს არის 15000-კაციანი შეკრების რეალური ფოტო ჰარის-უოლზისთვის მიჩიგანში“, – ნათქვამია განცხადებაში. კამპანიის ოფიციალურმა წარმომადგენელმა Reuters-თან კომუნიკაციისას განაცხადა, რომ ფოტო გადაღებულია ჰარისის კამპანიის თანამშრომლის მიერ „და არანაირად არ არის შეცვლილი ხელოვნური ინტელექტის მიერ“.

დეზინფორმაციას ასევე გამოეხმაურა კალიფორნიის უნივერსიტეტის პროფესორი, ჰანი ფარიდი, რომელიც გამოსახულების ანალიზსა და ციფრულ სასამართლო ექსპერტიზაში არის სპეციალიზებული. მისი განცხადებით, მტკიცებულება, რომ სურათი ხელოვნური ინტელექტის მიერ გენერირებული ან ციფრულად შეცვლილია, არ მოიპოვება.

„სურათი გავაანალიზე GetReal Labs-ის ორი მოდელით, რომლებიც შექმნილია ხელოვნური ინტელექტით გადამუშავებულ სურათებთან დაკავშირებული სხვადასხვა შაბლონების გამოსავლენად. არც ერთ მოდელს არ გამოუვლენია ხელოვნური ინტელექტის კვალი. გარდა ამისა, ტექსტი ნიშნებსა და თვითმფრინავზე არ აჩვენებს  AI-ის არცერთ ჩვეულებრივ ნიშანს“, – ნათქვამია განცხადებაში.

სხვადასხვა მედიასაშუალების მიერ გავრცელებულ ვიდეოკადრებში (ბმული 1, 2, 3, 4, 5) ასევე  ჩანს, რომ პრეზიდენტობის კანდიდატს მართლაც შეეგებნენ მხარდამჭერები და აეროდრომი ცარიელი არ ყოფილა, როგორც ამას დეზინფორმატორები ამტკიცებენ.

დეზინფორმაციას ასევე გამოეხმაურნენ ისეთი ფაქტების გადამმოწმებელი ორგანიზაციები, როგორებიცაა, Reuters, Snopes.com, PolitiFact, AFP Fact Check, FactCheck.org, AP Fact Check, The Dispatch და მედია მაუწყებლობები – BBC, ABC News, CNN, CBS Detroit, The Hill.

ამდენად, მტკიცება, რომ მიჩიგანში კამალა ჰარისის მხარდამჭერებთან შეხვედრის კადრებში ხალხი ფოტოშოპით არის დამატებული, ტყუილია.

ყველა პოსტის ნახვა

სოციალურ ქსელში ხელოვნური ინტელექტით გენერირებული ფოტო ვრცელდება, რომელზეც გეი წყვილია გამოსახული
სოციალურ ქსელში ხელოვნური ინტელექტით გენერირებული ფოტო ვრცელდება, რომელზეც გეი წყვილია გამოსახული
დეკ 03, 2024
ვრცელდება დაუსაბუთებელი კონსპიროლოგიური ინფორმაცია ბლექროქის და ვანგარდის „ჟენევის საიდუმლო სამიტის“ და „მოსახლეობის შემცირების გეგმის“ შესახებ
ვრცელდება დაუსაბუთებელი კონსპიროლოგიური ინფორმაცია ბლექროქის და ვანგარდის „ჟენევის საიდუმლო სამიტის“ და „მოსახლეობის შემცირების გეგმის“ შესახებ
მარ 18, 2026
რა ვიცით სოციალურ ქსელში ვირუსულად გავრცელებული ვიდეოს შესახებ, თითქოს ჰამბურგის სკოლებში მუსიკის გაკვეთილები აიკრძალა?
რა ვიცით სოციალურ ქსელში ვირუსულად გავრცელებული ვიდეოს შესახებ, თითქოს ჰამბურგის სკოლებში მუსიკის გაკვეთილები აიკრძალა?
ოქტ 08, 2025
სოციალურ ქსელში ელენე ხოშტარიასთან დაკავშირებით ყალბი ვიდეო ვრცელდება
სოციალურ ქსელში ელენე ხოშტარიასთან დაკავშირებით ყალბი ვიდეო ვრცელდება
თებ 10, 2025
„დალესის დოქტრინა“ არ არსებობს და გავრცელებული ციტატები სინამდვილეში საბჭოთა მწერლის ანატოლი ივანოვის რომანიდანაა
„დალესის დოქტრინა“ არ არსებობს და გავრცელებული ციტატები სინამდვილეში საბჭოთა მწერლის ანატოლი ივანოვის რომანიდანაა
დეკ 25, 2024

© 2026 Copyrights by Geofacts.ee. All Rights Reserved.