Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში გავრცელებული ვიდეო ადვოკატ კახა წიქარიშვილის პოზიციას სრულად არ ასახავს

სოციალურ ქსელში გავრცელებული ვიდეო ადვოკატ კახა წიქარიშვილის პოზიციას სრულად არ ასახავს

ოქტომბერს 8, 2026 · გადამოწმებული ფაქტები · ვერდიქტი: საგაზეთო სტატია · სამართალი, პოლიტიკა
გაზიარება

მოკლედ საკითხავი

ქართულ ფეისბუქ სივრცეში გავრცელებული ვიდეო ქმნის შთაბეჭდილებას, რომ ადვოკატ კახა წიქარიშვილს პატიმარ გიორგი დავითაძის ბრალდებები ბადრაგის მიმართ, გავრცელებული კადრების საფუძველზე, საეჭვოდ მიაჩნია.

ინტერვიუს სრული ვერსიიდან ცხადია, რომ წიქარიშვილის კომენტარები მის მიერვე მანამდე რამდენიმე წუთით ადრე წარმოთქმული ბრალდების მხარდამჭერი კომენტარების დასაბალანსებლად იყო ნათქვამი.

ქართულ ფეისბუქ სივრცეში გავრცელებულ ვიდეოში ასახულია ადვოკატი კახა წიქარიშვილი, რომელიც სატელევიზიო არხ, „ტვ პირველის“ თოქ-შოუში საუბრობს და კომენტარს აკეთებს საქართველოს სპეციალური პენიტენციური სამსახურის მიერ გამოქვეყნებულ ვიდეომასალაზე, რომელიც ერთ-ერთი პატიმრის მიერ ციხის თანამშრომლების მიმართ სექსუალური ძალადობის შესახებ გაკეთებულ ბრალდებებს ეხება (დაარქივებული ბმული). კადრებში ჩანს, წიქარიშვილის კომენტარი, რომელშიც ის ამბობს, რომ მასალაში არსებული ზოგიერთი დეტალი სავარაუდო სექსუალური ძალადობის საწინააღმდეგო არგუმენტებს იძლევა. ვიდეოზე თანდართულია აღწერა, რომ წიქარიშვილმა გადაცემის წამყვანს იმედები გაუცრუა სექსუალური ძალადობის ბრალდებების საწინააღმდეგო არგუმენტების მოყვანით. ერთობლიობაში პოსტი ქმნის შთაბეჭდილებას, თითქოს წიქარიშვილი გავრცელებულ ბრალდებებს უარყოფს.


2026 წლის 2 ოქტომბერს, ადვოკატი კახა წიქარიშვილი სტუმრად იმყოფებოდა ტვ პირველის გადაცემაში "თეა ადეიშვილის დღის ამბები", სადაც განხილვის საგანი იყო პატიმარ გიორგი დავითაძის ბრალდება მასზე ციხის ბადრაგის მხრიდან სექსუალური ძალადობის შესახებ. სწორედ ამ გადაცემიდანაა ამოჭრილი ქართულ ფეისბუქ სივრცეში გავრცელებული ვიდეო.

ვიდეოში წიქარიშვილი ამბობს: „ამ ეპიზოდში, ამ სცენარში, ერთი მხარე რაც გაუპატიურების საწინააღმდეგოდ მეტყველებს - ანუ ესეც უნდა ვთქვათ, რაღაცები აქ გაუპატიურების საწინააღმდეგოდ მეტყველებს...“ და შემდეგ ხსნის, რომ ფაქტი, რომ პენიტენციურის თანამშრომლები კამერისკენ არ იყურებიან, შესაძლოა მეტყველებდეს ამ ბრალდების საწინააღმდეგოდ.

კომენტარების სრული ვერსიის გაცნობისას ნათელი ხდება, რომ მოცემულ ვიდეოში გამოყენებული მონაკვეთის უშუალოდ წინ, ბატონი წიქარიშვილი დაახლოებით 4 წუთის განმავლობაში საუბრობს საქართველოს სპეციალური პენიტენციური სამსახურის მიერ გავრცელებული ვიდეომასალის იმ საეჭვო ნაწილებზე, რომლებიც კითხვებს აჩენს და შესაძლოა მიუთითებდეს, რომ სექსუალური ძალადობის ბრალდებებს ნამდვილად აქვს საფუძველი.

მხოლოდ ამის შემდეგ გადადის იგი შესაძლო პრეტენზიებსა და კონტრარგუმენტებზე, რითაც, როგორც ჩანს, ცდილობს წარმოადგინოს დაბალანსებული პოზიცია და წინასწარ გაითვალისწინოს იმ ადამიანების პრეტენზიები, ვინც შესაძლოა მას არ ეთანხმებოდეს. ამის შემდეგ ის კვლავ აგრძელებს იმაზე საუბარს, თუ რა საეჭვო გარემოებები იკვეთება ვიდეოდან, რაც შესაძლოა მიუთითებდეს, რომ ვიდეოზე სტანდარტული სამედიცინო თუ ფიზიკური შემოწმება არ არის ასახული.

მხოლოდ იმ კადრების გამოყენებას, სადაც ბატონი წიქარიშვილი სექსუალური ძალადობის ბრალდებების კონტრარგუმენტებს განიხილავს, და მისი კომენტარების იმ უფრო დიდი ნაწილის იგნორირება, სადაც იგი ბრალდებების სასარგებლო არგუმენტებზე საუბრობს, მაყურებელი შეცდომაში შეჰყავს და უქმნის შთაბეჭდილებას, თითქოს წიქარიშვილის პოზიციაა, რომ სპეციალური პენიტენციური სამსახურის მიერ გამოქვეყნებული ვიდეომასალა ეჭვქვეშ აყენებს პატიმრის ბრალდებას სექსუალური ძალადობის შესახებ.

ყველა პოსტის ნახვა

სოციალურ ქსელში ზურაბ ჯაფარიძის რედაქტირებული ვიდეო ვრცელდება
სოციალურ ქსელში ზურაბ ჯაფარიძის რედაქტირებული ვიდეო ვრცელდება
მაი 22, 2026
სოციალურ ქსელში შვედეთის საგარეო საქმეთა მინისტრის შესახებ დეზინფორმაცია ვრცელდება
სოციალურ ქსელში შვედეთის საგარეო საქმეთა მინისტრის შესახებ დეზინფორმაცია ვრცელდება
ივნ 16, 2025
სოციალურ ქსელში საქართველოს არჩევნებთან დაკავშირებით, ვლადიმირ პუტინის ყალბი ციტატა ვრცელდება
სოციალურ ქსელში საქართველოს არჩევნებთან დაკავშირებით, ვლადიმირ პუტინის ყალბი ციტატა ვრცელდება
ოქტ 07, 2024
სოციალურ ქსელში 2024 წლის არჩევნების შედეგების წინააღმდეგ გამართული აქციების მადისკრედიტებელი რედაქტირებული პოსტი ვრცელდება
სოციალურ ქსელში 2024 წლის არჩევნების შედეგების წინააღმდეგ გამართული აქციების მადისკრედიტებელი რედაქტირებული პოსტი ვრცელდება
ნოე 27, 2024
რა ვიცით ბრიჯიტ მაკრონის საგადასახადო დოკუმენტების შესახებ, სადაც ის ჟან მიშელად არის მოხსენიებული?
რა ვიცით ბრიჯიტ მაკრონის საგადასახადო დოკუმენტების შესახებ, სადაც ის ჟან მიშელად არის მოხსენიებული?
ნოე 19, 2025

© 2026 Copyrights by Geofacts.ee. All Rights Reserved.