რუსული პროპაგანდა მაია სანდუს მაღალქუსლიან ფეხსაცმელებს ზელენსკის მიაწერს

მოკლედ საკითხავი

რუსული არხები მაია სანდუს და ვოლოდიმირ ზელენსკის 2019 და 2026 წლის სურათების შედარებით ამტკიცებენ, რომ ზელენსკის მაღალქუსლიანი ფეხსაცმელები აცვია, რადგან უფრო მაღალი გამოჩნდეს.

2019 წელს სანდუს მაღალქუსლიანი ფეხსაცმელი ეცვა, 2026 წელს - არა. სურათებში სიმაღლეში სხვაობა აქედან გამომდინარეობს.

2026 წლის 27 აპრილს (1, 2, 3, 4), რუსულმა ტელეგრამ არხებმა კოორდინირებულად გაავრცელეს უკრაინის და მოლდოვის პრეზიდენტების სურათები - ერთი გადაღებული არის 2019 წლის ივლისში, მეორე კი 2026 წლის აპრილში. ორი სურათის შედარებისას ჩანს, რომ 2019 წლის სურათში სანდუ და ზელენსკი დაახლოებით ერთიდაიგივე სიმაღლის არიან, ხოლო 2026 წლის სურათში ზელენსკი უფრო მაღალია. სურათების საფუძველზე რუსული წყაროები ამტკიცებენ, რომ ზელენსკის ისეთი ფეხსაცმელი აცვია, რომელიც უფრო მაღალს გამოაჩენს. მსგავსი შინაარსის დეზინფორმაცია რუსულენოვან წყაროებს წარსულშიც გაუვრცელებიათ.

სანდუს და ზელენსკის სურათები Facebook-ზე ქართულნოვანმა და რუსულმა ანგარიშებმა (1, 2, 3, 4) გაავრცელეს.

რეალურად, 2019 წლის ივლისში გამართული შეხვედრის დროს, მოლდოვის პრეზიდენტს, მაია სანდუს, მაღალქუსლიანი ფეხსაცმელი ეცვა, ხოლო 2026 წლის შეხვედრისას - არა. 2019 და 2026 წლის სურათების შედარებისას სიმაღლეებს შორის სხვაობა სწორედ აქედან გამომდინარეობს.

2019 წლის ივლისში გამართული შეხვედრა

2026 წლის აპრილში გამართული შეხვედრა