დეზინფორმაცია: რუსეთის არმიამ კიევი ალყაში მოაქცია და რადას 25-მა დეპუტატმა კიევი დატოვა

ოქტომბერს 30, 2025 · Verified Facts · Verdict: Lie

სოციალურ ქსელში Facebook-მომხმარებელი Shalva Qavtaradze, რომლის მიერ გავრცელებული დეზინფორმაცია „ჯეოფაქტსს“ წარსულშიც გადაუმოწმებია (1, 2, 3, 4), პოსტს აქვეყნებს, რომელშიც წერს, რომ გავრცელებული ინფორმაციის თანახმად, რუსეთის არმიამ კიევი ალყაში მოაქცია და უკრაინის უმაღლესი რადას 25-მა დეპუტატმა კიევი დატოვა. სინამდვილეში, აღნიშნული ინფორმაცია არ დასტურდება.

საგულისხმოა, რომ რუსული არმიის მიერ კიევის ალყაში მოქცევასთან დაკავშირებით ინფორმაცია არც რუსულ (Аргументы и факты; TASS; РИА Новости) და არც დასავლურ მედიაში (BBC; CNN; AP) არ იძებნება.

აღსანიშნავია, რომ 2025 წლის 29 ოქტომბერს ვლადიმირ პუტინმა განაცხადა, რომ რუსებმა უკრაინის აღმოსავლეთში ორი ქალაქი, პოკროვსკი და კუპიანსკი, ალყაში მოაქციეს, თუმცა უკრაინული მხარე ინფორმაციას უარყოფს.

გარდა ამისა, არც უკრაინულ (1; 2) და არც დასავლურ მედიაში არ იძებნება ინფორმაცია რადას დეპუტატების მიერ კიევის დატოვების შესახებ. საგულისხმოა, რომ მსგავსი შინაარსის ინფორმაციას, თითქოს დეპუტატები კიევს ტოვებენ, რუსული კრემლისტური გამოცემები ხშირად ავრცელებენ, (1; 2) თუმცა კონკრეტულად მტკიცება, რომ ამჟამად, 2025 წლის ოქტომბერში, 25-მა დეპუტატმა დატოვა კიევი, არც რუსულ მედიაში იძებნება.

ამგვარად, Facebook-ანგარიშის მიერ გავრცელებული მტკიცებები სიმართლეს არ შეესაბამება.

you can search by news id
or news title

დეზინფორმაცია: რუსეთის არმიამ კიევი ალყაში მოაქცია და რადას 25-მა დეპუტატმა კიევი დატოვა

Disinformation: trade between Russia and the U.S. has increased by 20%

Nino Tsilosani: “The Heritage Foundation has ranked Georgia among the best and most progressive countries against bribery, extortion, nepotism, patronage and graft.”

Disinformation: The Soviet Friendship Arch of Ukraine was painted in LGBTQ flag colors

Temur Tsamtsishvili: “The annual rate of natural increase in Imereti amounts to -2,987 with 5,215 births and 8,202 deaths.”