დეზინფორმაცია: ანჯელინა ჯოლის ქალიშვილმა სქესი შეიცვალა
სოციალურ ქსელში Facebook-ანგარიში ფანტი ნა, რომლის გავრცელებული დეზინფორმაცია „ჯეოფაქტსს“ წარსულშიც გადაუმოწმებია (1; 2), ამჯერად ამერიკელი მსახიობის, ანჯელინა ჯოლის შვილის შესახებ ინფორმაციას ავრცელებს. მისი თქმით, ჯოლის ქალიშვილმა სქესი შეიცვალა და ბიჭი გახდა. აღნიშნულის დასადასტურებლად კი ფოტოს აქვეყნებს. სინამდვილეში, გავრცელებული ინფორმაცია ყალბია.
ანჯელინა ჯოლის და მის ყოფილ ქმარს ბრედ პიტს 6 შვილი ჰყავთ, მათ შორის, სამი ბიოლოგიური შვილია – გოგონა შაილო, და ტყუპები – გოგონა – ვივიენი და ვაჟი – ნოქსი. სწორედ ნოქსთან ერთად გამოჩნდა ჯოლი 2024 წლის 17 ნოემბერს Governor’s Awards-ის ცერემონიაზე, რომლის ვიდეოც სოციალურ ქსელებში გავრცელდა.
წყარო: ABC news
ინფორმაცია, თითქოს ვიდეოში ნაჩვენები ბიჭი წარსულში გოგონა იყო – ყალბია. ნოქს ჯოლი პიტს სქესი არ შეუცვლია. ამას მისი ბავშვობის ფოტოებიც ადასტურებს (იხილეთ ქვემოთ).
ფოტოზე – ნოქს ჯოლი-პიტი მამასთან, ბრედ პიტთან ერთად, 2013 წელი.
ფოტოზე ნოქს ჯოლი-პიტი დედასთან, ანჯელინა ჯოლისთან ერთად, 2016 წელი
აღნიშნული ფოტო 2021 წელსაა გადაღებული ლოს-ანჯელესში, ფილმის Eternals (მარადიულნი) პრემიერაზე. ფოტოზე ანჯელინა ჯოლი ტყუპებთან, ვივიენთან (მარცხნივ) და ნოქსთან ერთადაა.
შესაბამისად, გავრცელებული ინფორმაცია, თითქოს ანჯელინა ჯოლის შვილმა სქესი შეიცვალა, ყალბია.
![Tatia Nikolashvili: “In total, 73% of roads in Ozurgeti are deemed inefficient according to the official data within their own [municipal government] documentation.”](https://geofacts.ee/storage/files/c670360a-5818-4590-b72d-9b31f1036c6a.webp)
