Geo Facts
Submit a fact to check
  • Home
    • About Us
    • Editorial Code
    • Correction Policy
    • Privacy Policy
  • Verdicts
    • True
    • Mostly False
    • Mostly True
    • False
    • Half True
    • Position Not Changed
    • Position Partially Changed
    • Position Change
    • Satire
    • Lie
    • Missing Context
    • Altered
    • Not Fulfilled
  • Newspaper article
  • Verified Facts
    • Prebunking
  • Topic
    • Education
    • Economy
    • Politics
    • Law
    • Healthcare
    • Climate change
  • IFCN Principles
English
ქართული RUSSIAN
you can search by news id
or news title
სოციალურ ქსელში გავრცელებული ვიდეო ღაზის სექტორში ჩინეთის ჰუმანიტარულ დახმარებას არ ასახავს

სოციალურ ქსელში გავრცელებული ვიდეო ღაზის სექტორში ჩინეთის ჰუმანიტარულ დახმარებას არ ასახავს

აპრილს 21, 2026 · Verified Facts · Verdict: Newspaper article · საერთაშორისო
Share

მოკლედ საკითხავი

ქართულ ფეისბუქ სივრცეში გავრცელდა ვიდეო, რომელიც ამტკიცებს, რომ ჩინეთმა ისრაელის მიერ ღაზის სექტორის ბლოკადა დაარღვია და ღაზის მაცხოვრებლებს ჰუმანიტარული დახმარება მიაწოდა.
ვიდეო ჩინეთის მხრიდან მიწოდებულ ჰუმანიტარულ დახმარებას არ ასახავს.

ქართულ ფეისბუქ სივრცეში გავრცელდა ინფორმაცია, რომლის მიხედვითაც ჩინეთმა ისრაელის გაფრთხილება უგულებელყო, ღაზას სექტორის ცა გაარღვია და პალესტინელ მოსახლეობას ჰუმანიტარული დახმარება მიაწოდა. ინფორმაციას თან ერთვის ვიდეო კოლაჟი, რომელშიც თვითმფრინავებიდან ტვირთის პარაშუტებით ჩამოყრაა ნაჩვენები.

ვიდეო კოლაჟის კონკრეტულ მონაკვეთებში გარკვევით ჩანს ტვირთის გადამზიდი თვითმფრინავების ვიზუალი, რომელიც საკმაოდ სახასიათოა. აღნიშნული წარმოადგენს Boeing C-17 Globemaster III-ს, რომელიც ამერიკული საერთაშორისო კორპორაციის, Boeing-ის მიერ იწარმოება.

აშშ-ის საჰაერო ძალების C-17 Globemaster III T-1

კოლაჟის კიდევ ერთ მონაკვეთში ვხედავთ სატვირთო თვითმფრინავის ინტერიერს, რომელიც ასევე ემთხვევა C-17 Globemaster III-ის ინტერიერს, რაც დამატებით ადასტურებს, რომ ვიდეოში სწორედ ეს საჰაერო ხომალდია ასახული.

როგორც აშშ-ში წარმოებული სამხედრო დანიშნულების თვითმფრინავი, C-17 Globemaster III ყველა სახელმწიფოსთვის არ არის ხელმისაწვდომი. აღნიშნული ხომალდების დიდი ნაწილი გამოიყენება აშშ-ის საჰაერო ძალების მიერ, შედარებით მცირე ნაწილი კი აშშ-ის სხვადასხვა მოკავშირის მიერ, როგორებიც გაერთიანებული სამეფო, კანადა, ავსტრალია, კატარი, არაბთა გაერთიანებული საემიროები და ასევე ინდოეთი. იმ ქვეყნების ჩამონათვალში, რომლებიც აღნიშნულ ხომალდს ფლობენ, ჩინეთი არ არის.

სატვირთო მიზნებით, ჩინეთიძირითადად საკუთარ, ყოფილ საბჭოთა ან უკრაინული წარმოების საჰაერო ხომალდებს იყენებს.

შესაბამისად, ლოგიკურია ვივარაუდოთ, რომ ვიდეოებში ასახულია აშშ-ის ან მისი მოკავშირე ქვეყნების მიერ ღაზის სექტორისთვის მიწოდებული ჰუმანიტარული დახმარება, რომელიც აშშ-ში წარმოებული C-17 Globemaster III-ებით განხორციელდა.

აღნიშნული დასტურდება ღია წყაროებითაც. არაერთი ავტორიტეტული საერთაშორისო მედია ორგანიზაცია აღწერს აშშ-ის მიერ ჰუმანიტარული დახმარების საჰაერო გზით მიწოდებას ღაზის სექტორისთვის. ასევე ფართოდ ხელმისაწვდომია ინფორმაცია ახლო აღმოსავლეთის ქვეყნებისა და აშშ-ს სხვა მოკავშირეების მიერ ღაზის სექტორში ჰუმანიტარული ტვირთის თვითმფრინავებით მიწოდების შესახებ.

ღია წყაროებში ჩინეთის მხრიდან ღაზის სექტორში საჰაერო გზით მიწოდებული ჰუმანიტარული დახმარების შესახებ ინფორმაციის ძიება არ იძლევა რაიმე რელევანტურ შედეგს. ამის ნაცვლად, გვხვდება არაერთი ავტორიტეტული საერთაშორისო მედია ორგანიზაციისა და ფაქტების გადამმოწმებელი ორგანიზაციის სტატია, რომლებიც აბათილებს რამდენიმე წლის განმავლობაში გავრცელებულ ინფორმაციას, რომ ჩინეთმა ღაზის სექტორს ჰუმანიტარული დახმარება საჰაერო გზით მიაწოდა.

See all posts

Disinformation: Tbilisi Transport Company will raffle a one-year free travel card
Disinformation: Tbilisi Transport Company will raffle a one-year free travel card
Jul 04, 2024
Disinformation: Dima Oboladze did not allow Budu Zivzivadze to deliver a speech
Disinformation: Dima Oboladze did not allow Budu Zivzivadze to deliver a speech
Jul 03, 2024
Disinformation: Unusually shaped clouds in Australia represent chemtrails
Disinformation: Unusually shaped clouds in Australia represent chemtrails
Jun 11, 2024
Disinformation: Membership of the European Union will oblige Georgia to increase the retirement age and property tax
Disinformation: Membership of the European Union will oblige Georgia to increase the retirement age and property tax
Jun 04, 2024
Disinformation: Like climate change, the “monkeypox” virus is made up
Disinformation: Like climate change, the “monkeypox” virus is made up
Aug 13, 2024

© 2026 Copyrights by Geofacts.ee. All Rights Reserved.