Submit a fact to check
გავრცელებული ვიდეო არა ირანში ომის საწინააღმდეგო აქციას, არამედ 2025 წლის "არა მეფეებს" საპროტესტო მოძრაობას ასახავს

გავრცელებული ვიდეო არა ირანში ომის საწინააღმდეგო აქციას, არამედ 2025 წლის "არა მეფეებს" საპროტესტო მოძრაობას ასახავს

მარტს 17, 2026 · Verified Facts · Verdict: Newspaper article · Politics

მოკლედ საკითხავი

სოციალურ ქსელში გავრცელდა ვიდეოების კოლაჟი, რომელთაც ავტორი ასათაურებს როგორც პროტესტებს აშშ-ში, ირანში მიმდინარე ომის წინააღმდეგ.
კოლაჟში გამოყენებული ვიდეოები 2025 წლის ოქტომბრის ე.წ. No Kings (არა მეფეებს) პროტესტებს ასახავს.
ვიდეოების კოლაჟს ბოლოში ასევე მიბმული აქვს დონალდ ტრამპის ვიდეო საჯარო გამოსვლისას, რომელსაც ავტორი ასევე ირანში ომის საწინააღმდეგო პროტესტებთან აკავშირებს.
აღნიშნული ვიდეო 2016 წლის მარტით თარიღდება.

2026 წლის მარტის დასაწყისში სოციალიურ ქსელში გავრცელდა ვიდეოების კოლაჟი, რომელსაც ავტორი აშშ-ში ირანში ომის საწინააღმდეგო საპროტესტო მოძრაობად წარმოადგენს. პროტესტის ამსახველი კადრების შემდეგ გრძელდება აშშ-ის ამჟამინდელ პრეზიდენტ დონალდ ტრამპის კადრები, რომელშიც ჩანს რომ პრეზიდენტს საჯარო გამოსვლისას მოულოდნელად აშშ-ის სახელმწიფო დაცვის სამსახურის წევრები ეხვევიან გარს. სოციალურ ქსელში პოსტის ავტორი ამბობს, რომ ამ ვიდეოში ასახულია ტრამპის მცდელობა გაექცეს პროტესტის მონაწილეებს. ვიდეოზე დატანილი აღწერის თანახმად, კადრები 2026 წლის 2 მარტს მოხმდარს ასახავს.

სოციალურ ქსელში გავრცელებული ვიდეოების კოლაჟის ფოტოანაბეჭდის უკუძიებას მივყავართ მთელ რიგ ბმულებამდე, საიდანაც ცხადი ხდება, რომ ვიდეო კოლაჟი 2025 წლის ოქტომბრის ე.წ. No Kings (არა მეფეებს) საპროტესტო მოძრაობას ასახავს, რომელიც აშშ-ის ამჟამინდელი პრეზიდენტის, დონალდ ტრამპის სხვადასხვა პოლიტიკური გადაწყვეტილებების საპასუხოდ გაიმართა.

რაც შეეხება კოლაჟის შემდგომ ვიდეოს, სადაც აშშ-ის პრეზიდენტ დონალდ ტრამპს სახელმწიფო დაცვის სამსახურის თანამშრომლები ეხვევიან გარს, აღნიშნული ვიდეოს შესახებ ღია წყაროებში ინფორმაციის ძიებას მივყავართ ამერიკული მედიის მიერ გამოქვეყნებულ მთელ რიგ ვიდეო სიუჟეტებამდე (1; 2; 3). აღნიშნული სიუჟეტების თარიღები გვიჩვენებს, რომ შემთხვევა 2016 წლის 12 მარტს მოხდა, დონალდ ტრამპის საპრეზიდენტო კამპანიის ფარგლებში შეხვედრის დროს და მას საერთო არაფერი აქვს ირანში ამჟამად მიმდინარე ომთან.

ასევე აღსანიშნავია, რომ ქართულ სოციალურ ქსელში გავრცელებულ ამ ვიდეოს ვერსიაში, დამსწრე საზოგადოებიდან ისმის შეძახილი "ალლაჰუ აკბარ" და სიტუაცია ისეა წარმოდგენილი, რომ ტრამპს ამ შეძახილის გამო შეეშინდა. ზემოთ მითითებული ამერიკული მედიის მიერ გამოქვეყნებულ სიუჟეტებში მსგავსი შეძახილი არ გვხვდება. აშშ-ის სახელმწიფო სამსახურის თანამშრომლების რეაქცია კი, მედიის განმარტების მიხედვით, იმან გამოიწვია, რომ საჯარო შეხვედრის ერთ-ერთი მონაწილე სცენაზე ასვლას ცდილობდა. ამ საკითხზე განმარტებითი სტატია ავტორიტეტულ ფაქტების გადამოწმების ორგანიზაცია Snopes-მაც მოამზადა.

ამგვარად, ქართულ სოციალურ ქსელში გავრცელებული ვიდეოს არცერთი ნაწილი არ უკავშირდება ირანში მიმდინარე ომის საწინააღმდეგო პროტესტს. გამოყენებული კადრები, შესაბამისად, 2025 წლის ოქტომბრიდან (No Kings საპროტესტო აქციები) და 2016 წლის მარტიდანაა (დონალდ ტრამპის საპრეზიდენტო კამპანია) აღებული.

See all posts

Anri Okhanashvili: “The Court of Justice of the European Union has proven that transparency is a legitimate objective.”
Anri Okhanashvili: “The Court of Justice of the European Union has proven that transparency is a legitimate objective.”
Jun 21, 2024
The authenticity of the recording of a conversation between Gia Japaridze and Giorgi Botkoveli circulated on social media has not been confirmed
The authenticity of the recording of a conversation between Gia Japaridze and Giorgi Botkoveli circulated on social media has not been confirmed
Dec 23, 2025
Disinformation: trade between Russia and the U.S. has increased by 20%
Disinformation: trade between Russia and the U.S. has increased by 20%
Jul 15, 2024
Disinformation: The Parliamentary Assembly of the OSCE adopted a resolution in which the formulation preferred by Russia regarding the Georgia-Russia conflict is used
Disinformation: The Parliamentary Assembly of the OSCE adopted a resolution in which the formulation preferred by Russia regarding the Georgia-Russia conflict is used
Jul 12, 2024
Tatia Nikolashvili: “In total, 73% of roads in Ozurgeti are deemed inefficient according to the official data within their own [municipal government] documentation.”
Tatia Nikolashvili: “In total, 73% of roads in Ozurgeti are deemed inefficient according to the official data within their own [municipal government] documentation.”
Jun 21, 2024