მარკო რუბიოს არ უთქვამს, რომ აშშ NATO-ს დატოვებას გეგმავს

დეკემბერს 28, 2025 · Verdict: Newspaper article

სოციალურ ქსელში გავრცელებული პოსტის თანახმად, აშშ-ის სახელმწიფო მდივნის განცხადებით აშშ NATO-ს ალიანსის დატოვებას გეგმავს. პოსტს თან ახლავს მარკო რუბიოს და რობერტ ფიცოს ერთობლივი პრესკონფერენციიდან მონაკვეთი, რომელშიც სახელმწიფო მდივანი ამბობს, რომ აშშ-ს არ სურს ევროპა მისი ვასალი იყოს (დაარქივებული ბმული).

აშშ-ის სახელმწიფო მდივანი მარკო რუბიო 15 თებერვალს ორდღიანი ვიზიტით ცენტრალური ევროპის ქვეყნებს, უნგრეთსა და სლოვაკეთს ეწვია. სლოვაკეთში ვიზიტისას, რუბიომ პრემიერ-მინისტრ რობერტ ფიცოსთან და პრეზიდენტ პიტერ პელეგრინისთან ერთად ენერგეტიკისა და თავდაცვის საკითხები განიხილა. სოციალურ ქსელში გავრცელებული ვიდეო სწორედ რუბიოსა და ფიცოს ერთობლივი პრესკონფერენციიდან არის აღებული (სრული ვიდეო იხილეთ აშშ-ის სახელმწიფო დეპარტამენტის ვებგვერდზე).

პრესკონფერენციაზე რუბიოს არ უთქვამს, რომ აშშ NATO-ს დატოვებას გეგმავს, პირიქით მისი თქმით, აშშ ალიანსის დატოვებას არ აპირებს: "შეერთებულ შტატებს ნატოს მისიებში ათასობით ჯარისკაცი ჰყავს განლაგებული. ჩვენ ძალიან მკაფიოდ განვაცხადეთ, ვფიქრობ, ეს ძალიან მკაფიოდ გაცხადდა სამიტზე, სულ რამდენიმე დღის წინ თავდაცვის მინისტრების დონეზე გამართულ შეხვედრაზე - ჩვენ არ ვტოვებთ ნატოს. ჩვენ არ ვტოვებთ, შეიძლება რამდენიმე ათასი ჯარისკაცი გადავიყვანოთ ერთი ქვეყნიდან მეორეში, მაგრამ ეს ყოველთვის ასე იყო. ეს ყოველთვის ხდებოდა".

მან ასევე აღნიშნა, რომ აშშ-ს არ სურს ევროპა მასზე დამოკიდებული ან მისი ვასალი იყოს. არამედ, რუბიოს თქმით, აშშ-ს სურს პარტნიორობა და ევროპის ქვეყნებთან ერთად მუშაობა.

you can search by news id
or news title

მარკო რუბიოს არ უთქვამს, რომ აშშ NATO-ს დატოვებას გეგმავს

Disinformation: trade between Russia and the U.S. has increased by 20%

Temur Tsamtsishvili: “The annual rate of natural increase in Imereti amounts to -2,987 with 5,215 births and 8,202 deaths.”

Disinformation: The Soviet Friendship Arch of Ukraine was painted in LGBTQ flag colors

Tatia Nikolashvili: “In total, 73% of roads in Ozurgeti are deemed inefficient according to the official data within their own [municipal government] documentation.”