ბრძანა თუ - არა ზელენსკიმ რუსულენოვანი წიგნების განადგურება
სოციალურ ქსელში ვრცელდება მტკიცება, რომლის თანახმადაც უკრაინის პრეზიდენტმა ვოლოდიმირ ზელენსკიმ რუსულენოვანი წიგნების განადგურების ბრძანება გასცა (არქივირებული ბმული). პოსტს თან ახლავს რუსული სამთავრობო მედიის lenta.ru-ს სტატიის ფოტოანაბეჭდი. როგორც რუსულნოვანი სტატია, ასევე ქართულენოვანი პოსტი ეყრდნობა რუსეთის ყოფილი პრემიერ მინისტრის სერგეი სტეპაშინის კომენტარს. როგორც lenta.ru წერს, სტეპაშინმა განცხადება რუსულ მედია RIA Novosti-სთან გააკეთა.
აღსანიშნავია, რომ რუსული სტატია 2025 წლის 17 ივლისსაა გამოქვეყნებული. სტეპაშინი ამბობს, რომ ზელენსკიმ ეს ფარული გადაწყვეტილება ერთი წლის წინ მიიღო, რაც ბიბლიოთეკებიდან რუსულ ენაზე არსებულ ყველა წიგნის გატანასა და განადგურებას გულისხმობდა. სტეპაშინის აზრით, მსგავს ქმედებებს ადოლფ ჰიტლერიც კი არ მიმართავდა.
საგულისხმოა, რომ ინტერნეტსივრცეში არც დასავლური და არც უკრაინული მედიების ვებგვერდებზე მსგავსი ინფორმაცია არ იძებნება. რუსულენოვანი წყაროები სტეპაშინის კომენტარის გარდა არანაირ მტკიცებულებას არ წარმოადგენენ, რაც დაადასტურებდა, რომ ზელენსკიმ ნამდვილად გასცა მსგავსი ბრძანება.
შესაბამისად, მტკიცება, რომ ზელენსკიმ რუსულენოვანი წიგნების განადგურების ბრძანება გასცა, არ დასტურდება.
