Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
დეზინფორმაცია: რუსკა მაყაშვილი მამუკა ხაზარაძის ნათესავია

დეზინფორმაცია: რუსკა მაყაშვილი მამუკა ხაზარაძის ნათესავია

დეკემბერს 12, 2024 · გადამოწმებული ფაქტები · ვერდიქტი: ტყუილი
გაზიარება

2024 წლის 7 დეკემბერს, მას შემდეგ რაც მსახიობმა და ტელეწამყვანმა რუსკა მაყაშვილმა  ტელეკომპანია „იმედიდან“ წასვლის  გადაწყვეტილების შესახებ განაცხადა, Facebook-გვერდმა „სირცხვილის კორიდორი“ გაავრცელა ინფორმაცია, რომ რუსკა მაყაშვილი მისმა ნათესავმა მამუკა ხაზარაძემ გადაიბირა.

„რუსკა მაყაშვილი, დედის ხაზით ნათესავს, მამუკა ხაზარაძეს გადაუბირებია“, – აღნიშნულია Facebook-პოსტში (დაარქივებული პოსტი).

პოსტის მიზანია, ტელეკომპანია „იმედის“ დატოვების შესახებ რუსკა მაყაშვილის გადაწყვეტილება – როგორც მისი საპროტესტო ნაბიჯი, უგულებელყოს და ტელეწამყვანის წამოსვლა პოლიტიკოს მამუკა ხაზარაძესთან ნათესაურ კავშირით ახსნას.

რუსკა მაყაშვილის მიერ საკუთარ ინსტაგრამ გვერდზე გავრცელებულ განცხადებაში ეწერა „ვტოვებ ტელეკომპანია იმედს, ძალიან ბევრი მიზეზია იმისა, აქამდე ეს რატომ არ გავაკეთე! თუმცა ყველაფერს აქვს საზღვარი! მორჩა!!! მორჩა, საკმარისია ამდენი ტყუილი!!!“. მანამდე, ის თავისი მეგობრის ანდრო ჭიჭინაძის დაკავების შესახებ წერდა.

აღსანიშნავია, რომ მტკიცებას, რომლის მიხედვით მამუკა ხაზარაძე და რუსკა მაყაშვილი ნათესავები არიან, მხოლოდ Facebook-გვერდი „სირცხვილის კორიდორი“ ავრცელებს. თუმცა გვერდს მტკიცების დამადასტურებელი წყარო ან მასალა არ წარმოუდგენია.

დამატებით, „სირცხვილის კორიდორის“ მიერ გავრცელებულ მტკიცებას რუსკა მაყაშვილი საკუთარი Instagram „სთორის“ საშუალებით გამოეხმაურა (იხილეთ ფოტო ქვემოთ) და განაცხადა, რომ მამუკა ხაზარაძე მისი ნათესავი არაა და ტელეკომპანია „იმედთან“ დაკავშირებული გადაწყვეტილება თვითონ მიიღო. „სთორი“ გამოქვეყნებიდან 24 საათში წაიშალა, თუმცა „ჯეოფაქტსმა“ მისი ეკრანის ანაბეჭდის სახით დაფიქსირება მოახერხა.

„არც დედის, არც მამის, არც ბებიის, არც ბაბუის და არც ქვისლის ხაზით არ არის ჩემი ნათესავი [მამუკა ხაზარაძე]. გადაბირებას რაც შეეხება, მხოლოდ ჩემმა თავმა გადამიბირა!“ – ვკითხულობთ მასში.

სამართლიანი არჩევნებისა და დემოკრატიის საერთაშორისო საზოგადოების (ISFED) პლატფორმის Disinfoobserver.ge-ის თანახმად, Facebook გვერდი „სირცხვილის კორიდორი“ მადისკრედიტებელი გვერდია, რომელიც უპირისპირდება ყველა იმ პირს, სამოქალაქო აქტივისტს, მედია საშუალებას თუ საზოგადოებრივ ორგანიზაციებს, რომლებიც ხელისუფლებას აკრიტიკებენ. გვერდი ძირითადად სამიზნე ობიექტების შეურაცხმყოფელ ფოტო-ვიდეო მანიპულაციებს აქვეყნებს. გარდა ამისა, ეს არ არის პირველი შემთხვევა, როდესაც Facebook-გვერდს დაუდასტურებელი და მცდარი ინფორმაცია გამოუქვეყნებია, ქართულ ფაქტების გადამმოწმებელ ორგანიზაციებს მის მიერ გავრცელებული დეზინფორმაცია არაერთხელ გამოუვლენიათ (ბმული 1, ბმული 2, ბმული 3, ბმული 4).

ამდენად, მტკიცება, რომ რუსკა მაყაშვილი მამუკა ხაზარაძის ნათესავია, მტკიცებულებების გარეშეა გავრცელებული და ინფორმაცია რუსკა მაყაშვილმა უარყო.

ყველა პოსტის ნახვა

ბერლინის მეტრო თუ ნახევრად ღია მატარებლების სადგური? სოციალურ ქსელში ვიდეო მცდარი აღწერით ვრცელდება
ბერლინის მეტრო თუ ნახევრად ღია მატარებლების სადგური? სოციალურ ქსელში ვიდეო მცდარი აღწერით ვრცელდება
ივლ 10, 2026
სოციალურ ქსელში გრეტა თუნბერგის სახელით გამოგონილი ციტატა გავრცელდა
სოციალურ ქსელში გრეტა თუნბერგის სახელით გამოგონილი ციტატა გავრცელდა
ნოე 11, 2024
ლოს-ანჯელესის ხანძრის შედეგად დაზარალებულთა დახმარების შესახებ ინფორმაცია არასრულად ვრცელდება
ლოს-ანჯელესის ხანძრის შედეგად დაზარალებულთა დახმარების შესახებ ინფორმაცია არასრულად ვრცელდება
იან 24, 2025
მცდარია, რომ უკრაინის მიერ კონსტიტუციიდან ნეიტრალიტეტის მუხლის ამოღების შემდეგ გამწვავდა ვითარება დონბასში და რომ ბორის ჯონსონმა ჩაშალა 2022 წლის შეთანხმება, რომელიც უკრაინის ნეიტრალიტეტს ითვალისწინებდა
მცდარია, რომ უკრაინის მიერ კონსტიტუციიდან ნეიტრალიტეტის მუხლის ამოღების შემდეგ გამწვავდა ვითარება დონბასში და რომ ბორის ჯონსონმა ჩაშალა 2022 წლის შეთანხმება, რომელიც უკრაინის ნეიტრალიტეტს ითვალისწინებდა
სექ 29, 2026
სოციალურ ქსელში საკონსტიტუციო სასამართლოში მიმდინარე პროცესიდან ვიდეო კონტექსტის გარეშე ვრცელდება
სოციალურ ქსელში საკონსტიტუციო სასამართლოში მიმდინარე პროცესიდან ვიდეო კონტექსტის გარეშე ვრცელდება
ნოე 04, 2026

© 2026 Copyrights by Geofacts.ee. All Rights Reserved.