სოციალურ ქსელში დონალდ ტრამპისა და რომის პაპ ფრანცისკეს შეხვედრიდან რედაქტირებული კადრი ვრცელდება

სოციალურ ქსელში Facebook-ანგარიში ვიდეოს ავრცელებს (დაარქივებული ბმული), რომელშიც აშშ-ის  პრეზიდენტი დონალდ ტრამპი ცდილობს, ხელი ჩასჭიდოს რომის პაპს. რეალურად, აღნიშნული ვიდეო რედაქტირებულია.

დონალდ ტრამპი რომის პაპს 2017 წელს, ვატიკანში შეხვდა. ტრამპისა და პაპის შეხვედრის ორიგინალურ კადრებში ხელის ასეთი მოქმედება არ ჩანს (იხილეთ ბმულზე 04:20 წუთიდან).

ვიდეო ამერიკულმა ფაქტების გადამმოწმებელმა ორგანიზაცია PolitiFact-მაც გადაამოწმა,  რომლის მიხედვითაც, ვიდეოს თავდაპირველი ვერსია გასართობი გადაცემის  „Jimmy Kimmel Live“-ის ეთერში გავიდა.

ცნობისთვის, მიმდინარე წელს აშშ-ის საპრეზიდენტო არჩევნებში დონალდ ტრამპმა გაიმარჯვა, ტრამპი თეთრ სახლში მეორე ვადით დაბრუნდა. მანამდე ის პოსტს 2016-2020 წლებში იკავებდა.

ამდენად, გავრცელებული ვიდეო რედაქტირებულია.