Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
დეზინფორმაცია: კლაუს შვაბმა 2030 წლისთვის მანქანის ფლობის აკრძალვა გამოაცხადა

დეზინფორმაცია: კლაუს შვაბმა 2030 წლისთვის მანქანის ფლობის აკრძალვა გამოაცხადა

აგვისტოს 29, 2024 · გადამოწმებული ფაქტები · ვერდიქტი: ტყუილი
გაზიარება

სოციალურ ქსელში Facebook-მომხმარებლის მიერ გავრცელებული ინფორმაციის (არქივირებული პოსტის და ვიდეოს ბმული) თანახმად, 2030 წლისთვის ადამიანები აღარ ისარგებლებენ მანქანით. ინფორმაციის გამავრცელებლის მტკიცებით, მსოფლიო ეკონომიკური ფორუმის დამფუძნებელმა, კლაუს შვაბმა, „ავტომობილის მფლობელობის მსოფლიო შეწყვეტა“, კერძო მანქანების აკრძალვა და „მაგისტრალების პარკებად გადაქცევა“ გამოაცხადა. რეალურად, კლაუს შვაბს „ავტომობილების მფლობელობის მსოფლიო შეწყვეტა“ არ გამოუცხადებია.

გამოქვეყნებული ვიდეოკადრები 2015 წელს მსოფლიო მთავრობების სამიტზე კლაუს შვაბის მიერ წარმოთქმული სიტყვიდან არის ამოჭრილი (იხილეთ სრული ჩანაწერი 13:21-დან). მისი გამოსვლა შეეხებოდა ახალ გლობალურ კონტექსტსა და მის გავლენას მთავრობის როლზე.

გამოსვლისას კლაუს შვაბმა აღნიშნა, რომ თვითმართვადი მანქანების გამოჩენა ქალაქებში დატვირთულ საავტომობილო მოძრაობას და შესაბამისად, მაგისტრალების აუცილებლობას შეამცირებდა, რაც მათ სოციალურ სივრცეებად გადაქცევის საშუალებას გააჩენდა. კლაუს შვაბს კერძო ავტომობილების ფლობის აკრძალვის შესახებ არაფერი უთქვამს:

„თქვენ გამოიყენებთ აპლიკაციას, როგორიცაა Uber, მაგრამ აღარ დაუკავშირდებით მძღოლს, არამედ ავტომატურად მართვად მანქანას. თვითმართვადი მანქანა მოვა თქვენს სასტუმროში ან სადაც არ უნდა იყოთ და მიგიყვანთ აეროპორტში. ლოს-ანჯელესი არის ერთ-ერთი ყველაზე დატვირთული საავტომობილო მოძრაობის მქონე ქალაქი, 2030 წელს ლოს-ანჯელესში იქნება კერძო ავტომობილებისგან თავისუფალი და ეს საშუალებას მისცემს ავტომაგისტრალებს გადაიქცენ პარკებად და სხვა საჯარო სივრცეებად“.

კლაუს შვაბის სიტყვის ამონარიდი ინტერნეტსივრცეში ვირუსულად გავრცელდა, ძირითადად არასანდო ანგარიშების მიერ (ბმული 1, 2, 3, 4, 5, 6, 7, 8). ინფორმაციის გავრცელებას ფაქტების გადამმოწმებელი ორგანიზაცია PolitiFact-იც გამოეხმაურა. მათ მიერ გამოქვეყნებულ სტატიაში აღნიშნულია, რომ მსოფლიო ეკონომიკური ფორუმის დამფუძნებელსა და აღმასრულებელ თავმჯდომარე, კლაუს შვაბს, კერძო ავტომობილების ფლობის აკრძალვის უფლება არსად, მით უმეტეს მსოფლიოს მასშტაბით, არ აქვს.

ამრიგად, სოციალურ ქსელში გავრცელებული ინფორმაცია ტყუილია.

ყველა პოსტის ნახვა

მაკკეინის ინსტიტუტის საინფორმაციო ბარათზე სალომე ზურაბიშვილი ყოფილ პრეზიდენტად არის მოხსენიებული
მაკკეინის ინსტიტუტის საინფორმაციო ბარათზე სალომე ზურაბიშვილი ყოფილ პრეზიდენტად არის მოხსენიებული
იან 30, 2025
სოციალურ ქსელებში სამსუნგის პრეზენტაციის შესახებ შეცდომაში შემყვანი ინფორმაცია ვრცელდება
სოციალურ ქსელებში სამსუნგის პრეზენტაციის შესახებ შეცდომაში შემყვანი ინფორმაცია ვრცელდება
აგვ 27, 2026
სოციალურ ქსელში სვენ ტრიტშლერის ვიდეო გაყალბებული თარგმანით ვრცელდება
სოციალურ ქსელში სვენ ტრიტშლერის ვიდეო გაყალბებული თარგმანით ვრცელდება
აგვ 10, 2026
შალვა პაპუაშვილი: არჩევნებში ხმის ფარულობა დაირღვა მოლდოვაში, პოლონეთში, ბულგარეთსა და ლიეტუვაში, საქართველოში კი - არა
შალვა პაპუაშვილი: არჩევნებში ხმის ფარულობა დაირღვა მოლდოვაში, პოლონეთში, ბულგარეთსა და ლიეტუვაში, საქართველოში კი - არა
ნოე 15, 2024
დეზინფორმაცია: ჩინეთმა საქართველოში 5 მილიარდი ჩადო
დეზინფორმაცია: ჩინეთმა საქართველოში 5 მილიარდი ჩადო
სექ 22, 2025

© 2026 Copyrights by Geofacts.ee. All Rights Reserved.