რუსული წყაროები 1918 წლის ჯავშანმანქანას ესტონეთის თანამედროვე შეიარაღებული ძალების ნაწილად წარმოაჩენენ
2026 წლის 27 მაისს პრორუსულმა ანგარიშებმა ტელეგრამსა (1, 2) და X-ზე გამოაქვეყნეს ძველი ესტონური ჯავშანმანქანის ვიდეო, აღწერით - "ესტონეთის ჯავშანტექნიკა მზადაა ნებისმიერი თანამედროვე გამოწვევისთვის" და "ესტონეთი უკრაინას მორიგ მოწინავე სამხედრო დახმარების პაკეტს უგზავნის." იდენტური აღწერით ვიდეო ქართულ საინფორმაციო სივრცეში ვიდეო გაავრცელა (არქივირებული ბმული).
ორიგინალი ვიდეო თავდაპირველად გამოაქვეყნა 2026 წლის 19 მაისს, ესტონურმა ანგარიშმა ტიკტოკზე სათაურით "ძველი ესტონური სამხედრო მანქანა" (Old Estonian military vehicle), ვინაიდან ვიდეოში აღბეჭდილი ჯავშანმანქანა 1918 წელს საბჭოთა რუესტონეთის დამოუკიდებლობის ომის დროს გამოყენებული სამხედრო ტექნიკის რეპლიკა არის. ჯავშანმანქანას ისტორიული დატვირთვა აქვს, ვინაიდან ის ესტონეთში წარმოებული პირველი ჯავშანმანქანაა, რომელსაც დამოუკიდებლობის ომის დროს ტალინის სამხედრო ძალები თავდაცვითი ამოცანების შესასრულებლად იყენებდნენ. სწორედ ამიტომ, 2018 წელს, ესტონეთის თავდაცვის ძალების ჩამოყალიბებიდან ასი წლისთავის აღსანიშნავად, სამუზეუმო ექსპონატის სახით. მას შემდეგ, ჯავშანმანქანა აღლუმების და ეროვნული დღესასწაულების აღნიშვნისას გამოიყენება.
ამდენად, ჯავშანმანქანა ესტონეთის თანამედროვე სამხედრო შეიარაღების ნაწილი არ არის, არამედ საბჭოთა რუსეთის წინააღმდეგ 1918 წლის დამოუკიდებლობის ომში გამარჯვების სიმბოლოს წარმოადგენს.
