სოციალურ ქსელში ნიკოლ ფაშინიანის რედაქტირებული ვიდეო ვრცელდება

ოქტომბერს 27, 2025 · Verified Facts · Verdict: Altered

სოციალურ ქსელში Facebook-მომხმარებელი ავრცელებს ვიდეოს (დაარქივებული ბმული), რომელშიც სომხეთის პრემიერ-მინისტრი ნიკოლ ფაშინიანია ასახული. ვიდეოში ფაშინიანი მაყურებელს უხამს ჟესტს, კერძოდ, შუა თითს უჩვენებს. სინამდვილეში, ვიდეო რედაქტირებულია და, სავარაუდოდ, ხელოვნური ინტელექტის მიერაა შექმნილი.

სომხეთის პრემიერ-მინისტრი ნიკოლ ფაშინიანი საკუთარი სოციალური ქსელის გვერდებზე ხშირად აქვეყნებს მოკლე ვიდეოებს როგორც სამუშაო, ისე ოფიციალური გარემოდან. სწორედ ამგვარი ფორმის ვიდეო ვრცელდება სოციალურ ქსელშიც, თუმცა რედაქტირებული სახით. კერძოდ, სავარაუდოა, რომ Facebook-მომხმარებელმა ფაშინიანის 13 ოქტომბერს გამოქვეყნებული ორიგინალი ვიდეოდან კადრები ხელოვნური ინტელექტის საშუალებით დაამუშავა იმგვარად, თითქოს პრემიერი ხალხს შუა თითს უჩვენებს. სინამდვილეში, ორიგინალ ვიდეოში ფაშინიანი ხელებით გულის ფორმის ჟესტს აკეთებს.

უხამსი შინაარსის ვიდეო ნიკოლ ფაშინიანის ოფიციალურ სოციალურ მედიებში არ გამოქვეყნებულა და არ გაუვრცელებიათ არც სანდო მედიებსა თუ ოფიციალურ უწყებებს.

იმაზე კი, რომ ვიდეო, სავარაუდოდ, ხელოვნური ინტელექტის მიერაა შექმნილი, ვიდეოს დაბალი ხარისხი და სომხეთის პრემიერ-მინისტრის არაბუნებრივი მოძრაობები და სხეულის ნაკვთები მიუთითებს.

you can search by news id
or news title

სოციალურ ქსელში ნიკოლ ფაშინიანის რედაქტირებული ვიდეო ვრცელდება

The poster insulting the Patriarch serves to discredit the ongoing protests and is altered

Teona Akubardia: “Physical entities will be required to provide the Ministry of Justice with personal data.”

Anri Okhanashvili: “The Court of Justice of the European Union has proven that transparency is a legitimate objective.”

Nino Tsilosani: “The Heritage Foundation has ranked Georgia among the best and most progressive countries against bribery, extortion, nepotism, patronage and graft.”