Geo Facts
Submit a fact to check
  • Home
    • About Us
    • Editorial Code
    • Correction Policy
    • Privacy Policy
  • Verdicts
    • True
    • Mostly False
    • Mostly True
    • False
    • Half True
    • Position Not Changed
    • Position Partially Changed
    • Position Change
    • Satire
    • Lie
    • Missing Context
    • Altered
    • Not Fulfilled
  • Newspaper article
  • Verified Facts
    • Prebunking
  • Topic
    • Education
    • Economy
    • Politics
    • Law
    • Healthcare
    • Climate change
  • IFCN Principles
English
ქართული RUSSIAN
you can search by news id
or news title
სოციალურ ქსელში ჰენრი კისინჯერის ციტატა მანიპულირებულად ვრცელდება

სოციალურ ქსელში ჰენრი კისინჯერის ციტატა მანიპულირებულად ვრცელდება

მაისს 12, 2025 · Verified Facts · Verdict: Missing Context
Share

სოციალურ ქსელში Facebook-მომხმარებელი ავრცელებს პოსტს (დაარქივებული ბმული), რომელშიც წერს: „საქართველოს მთავრობა, ჰენრი კისინჯერის ფრაზამ – “ამერიკასთან მტრობა საშიშია, მეგობრობა კი სასიკვდილო” – ჭკუა ვერ გასწავლათ?!“. სინამდვილეში, ამერიკის სახელმწიფო მდივნისა და ეროვნული უსაფრთხოების მრჩევლის ჰენრი კისინჯერის ფრაზა კონტექსტის გარეშე ვრცელდება.

სოციალურ ქსელში მანიპულირებულად გავრცელებული ციტატა უილიამ ბაკლის (William F. Buckley Jr.) წიგნში – „გაეროს ჟურნალი: დელეგატის ოდისეა“ (United Nations Journal: A delegate’s Odyssey) გვხვდება. უილიამ ბაკლი აშშ-ის პრეზიდენტ ნიქსონის მმართველობის პერიოდში გაეროში აშშ-ის წარმომადგენლად დაინიშნა. სწორედ ამის შემდეგ მან დაწერა წიგნი, რომელშიც სხვა საკითხებთან ერთად მისი და ჰენრი კისინჯერის ურთიერთობას განიხილავდა.

წიგნში მოცემულია სრული ციტატა: „ნიქსონს უნდა ეცნობოს – თქვა კისინჯერმა, – რომ შესაძლოა კლიფორდის მიზანია ტიუს [Nguyen Van Thieu] გადაყენება ნიქსონის ინაუგურაციამდე. ნიქსონს უნდა მიეწოდოს ცნობა, რომ თუ ტიუს იგივე ბედი ეწევა, როგორც დიემს [Ngo Dinh Diem], მსოფლიოს ხალხებთან მივა გზავნილი, რომ ამერიკის მტრობა შესაძლოა საშიშია, მაგრამ ამერიკის მეგობრობა დამღუპველია“.

ამდენად, წიგნის ამონარიდიდან ჩანს, ჰენრი კისინჯერი ფრაზას „ამერიკასთან მტრობა საშიშია, მეგობრობა კი სასიკვდილო“ არა საკუთარ პოზიციად, არამედ იმ შესაძლო მოსაზრებად წარმოადგენს, რაც სხვა სახელმწიფოებმა შესაძლოა, იფიქრონ ამერიკაზე. კერძოდ, წიგნის თანახმად, კისინჯერმა უილიამ ბაკლის უთხრა, რომ რიჩარდ ნიქსონისთვის თავდაცვის მდივნის შესაძლო მიზნის შესახებ, რომ გადაეყენებინა ნგუენ ვან ტიუ, იმიტომ უნდა ეცნობებინათ, რომ თუ მას ნგო დინ დიემის მსგავსი ბედი ეწეოდა, მსოფლიოში აშშ-ის შესახებ დამკვიდრდებოდა იმგვარი წარმოდგენა, რომ შეერთებულ შტატებთან მეგობრობა დამღუპველია.

ცნობისთვის, ნგო დინ დიემი (Ngo Dinh Diem) იყო სამხრეთ ვიეტნამის პრეზიდენტი, რომელიც 1963 წელს სახელმწიფო გადატრიალების დროს მოკლეს. აშშ-ში შესაძლო სახელმწიფო გადატრიალების შესახებ ინფორმაცია ჰქონდათ, თუმცა ნგო დინ დიემს მხარი არ დაუჭირეს.

აღნიშნული საუბარი უილიამ ბაკლისა და ჰენრი კისინჯერს შორის 1968 წლის ნოემბერში იმ დღეს შედგა, როცა აშშ-ის თავდაცვის მდივანმა კლარკ კლიფორდმა სამხრეთ ვიეტნამის (რომელიც ცივი ომის პერიოდში აშშ-ის მხარდაჭერით სარგებლობდა) პრეზიდენტი ნგუენ ვან ტიუ (Nguyen Van Thieu) პარიზში გამართული მოლაპარაკების მაგიდასთან საჭიროზე მყარი პოზიციის დაკავებისთვის გააკრიტიკა.

See all posts

An edited photo with anti-Ukrainian content is circulating on social media
An edited photo with anti-Ukrainian content is circulating on social media
Jul 16, 2024
Disinformation: Dima Oboladze did not allow Budu Zivzivadze to deliver a speech
Disinformation: Dima Oboladze did not allow Budu Zivzivadze to deliver a speech
Jul 03, 2024
Anri Okhanashvili: “The Court of Justice of the European Union has proven that transparency is a legitimate objective.”
Anri Okhanashvili: “The Court of Justice of the European Union has proven that transparency is a legitimate objective.”
Jun 21, 2024
Tatia Nikolashvili: “In total, 73% of roads in Ozurgeti are deemed inefficient according to the official data within their own [municipal government] documentation.”
Tatia Nikolashvili: “In total, 73% of roads in Ozurgeti are deemed inefficient according to the official data within their own [municipal government] documentation.”
Jun 21, 2024
Disinformation: UN Agenda 2030 and the summit planned in September aim to create a world government
Disinformation: UN Agenda 2030 and the summit planned in September aim to create a world government
Jun 27, 2024

© 2026 Copyrights by Geofacts.ee. All Rights Reserved.