სოციალურ ქსელში ალეკო ელისაშვილის რედაქტირებული ვიდეო ვრცელდება

სოციალურ ქსელში ვრცელდება ვიდეო, რომელშიც თითქოს  ალეკო ელისაშვილი სამი წლის წინანდელ „ღამის კურიერის“ ეთერში მისი და მამუკა ხაზარაძის დაპირისპირებას უყურებს და იცინის. ვიდეოს დამაჯერებლობას მატებს თავად ელისაშვილის სიტყვებიც – „ხომ იცი, წინასაარჩევნო ამბავი როგორია. ხან ამ ეთერში ხარ, ხან იმაში ხარ, ხან ეს უნდა თქვა, ხან ის უნდა თქვა. ათასი რამ იხარშება თავში, აჯაფსანდალია და ეგეთი რაღაცა ვთქვი. სასაცილოა [იცინის]“. ელისაშვილის ვიდეო რედაქტირებულია. რეალურად, ის სრულიად სხვა ვიდეოზე იცინის.

ორიგინალ ვიდეოში, რომელიც ალეკო ელისაშვილმა საკუთარ ტიკტოკ გვერდზე 3 ოქტომბერს თავად ატვირთა, პოლიტიკოსი საკუთარ საეთერო ჩართვაზე იცინის, სადაც სიტყვიერ შეცდომას უშვებს. „ყველას მინდა შევახსენო, ცხრა ნომერი არის ჩვენი და შემოხაზვა აღარ იქნება ეხლა 26-ში, გაფერადება იქნება და ცხრა ნომერი შემოხაზეთ…“ ამბობს ელისაშვილი იმ ვიდეოში, რომელზეც ორიგინალ ვიდეოში იცინის.

აქედან გამომდინარე, ელისაშვილის ვიდეო, სადაც ის თითქოს პარტია „ლელოს“ ლიდერთან წარსულ დაპირისპირებაზე იცინის, რედაქტირებული და ყალბია.