Geo Facts
Submit a fact to check
  • Home
    • About Us
    • Editorial Code
    • Correction Policy
    • Privacy Policy
  • Verdicts
    • True
    • Mostly False
    • Mostly True
    • False
    • Half True
    • Position Not Changed
    • Position Partially Changed
    • Position Change
    • Satire
    • Lie
    • Missing Context
    • Altered
    • Not Fulfilled
  • Newspaper article
  • Verified Facts
    • Prebunking
  • Topic
    • Education
    • Economy
    • Politics
    • Law
    • Healthcare
    • Climate change
  • IFCN Principles
English
ქართული RUSSIAN
you can search by news id
or news title
კონსპირაცია ბილ გეითსის მიერ მსოფლიო მოსახლეობის შემცირების შესახებ

კონსპირაცია ბილ გეითსის მიერ მსოფლიო მოსახლეობის შემცირების შესახებ

მაისს 21, 2026 · Verified Facts · Verdict: Newspaper article
Share

წლებია, რაც ამერიკელი ფილანტროპი და Microsoft-ის დამფუძნებელი ბილ გეითსი კონსპირაციებისა და დეზინფორმაციის სამიზნე. ბილ გეითსი მეუღლესთან, მელინდა გეითსთან ერთად არაერთი საქველმოქმედო პროექტის ავტორია. მათი ფონდის მიზანი, როგორც ახალი ვაქცინების განვითარების, ისე არსებულის გაუმჯობესების გზით, სხვადასხვა მძიმე ინფექციურ დაავადებასთან ეფექტური ბრძოლაა. ფონდი ასევე განვითარებადი ქვეყნების მოსახლეობისთვის მაღალი ხარისხის სამედიცინო მომსახურების ხელმისაწვდომობის გაზრდასა და მოწყვლადი ქვეყნების ეკონომიკის მდგრადი განვითარების ხელშეწყობაზეა ორიენტირებული. მათი აღნიშნული საქმიანობა გეითსებს ხშირად აქცევს ვაქცინებთან და სხვა ჯანდაცვის საკითხებთან დაკავშირებული კონსპირაციისა და დეზინფორმაციის სამიზნედ. ამ კონტექსტში, გეითსს ვაქინაციის გამოყენებით მსოფლიო მოსახლეობის შემცირების გეგმაში ადანაშაულებენ (ბმული 1, 2, არქივირებული ბმული).

აღნიშნული კონსპირაციის ერთ-ერთ "მტკიცებულებად" ბილ გეითსის TEDX2010 კონფერენციაზე გამოსვლა გამოიყენება. გეითსის აღნიშნული გამოსვლა სოციალურ ქსელში კონტექსტის გარეშე გავრცელდა, თითქოს მან ვაქცინაციის გზით მოსახლეობის შემცირების გეგმის შესახებ ისაუბრა. აღნიშნული გამოსვლა ქართულ და უცხოენოვან სოციალურ ქსელებში გავრცელდა და მას ფაქტების გადამმოწმებელი ავტორიტეტული ორგანიზაციები გამოეხმაურნენ (ბმული 1, 2, 3).

გეითსის გამოსვლის სრული ვიდეო 27 წუთიანია და TEDTalk-ის ვებგვერდზეა ხელმისაწვდომი. რეალურად, გამოსვლაში, რომელიც დეპოპულაციის კონსპირაციის მტკიცებულებად არის წარმოდგენილი, ბილ გეითსი ნახშირბადის ემისიების შემცირების გზებს განიხილავდა. მოსახლეობის რაოდენობის კონტექსტში, იგი ჯანდაცვის სისტემის გაუმჯობესების გზით მოსახლეობის ზრდის ტემპის შემცირებაზე საუბრობდა და არა ახალი ვაქცინების გზით მოსახლეობის არსებული რაოდენობის შემცირებაზე.

TEDX კლიპში გეითსი მათემატიკურ განტოლებას წარადგენს, რომელიც გლობალური ემისიების რაოდენობისა და მათი შემცირების გამოთვლას ეხება. ამ განტოლების ერთ-ერთი ნაწილი მსოფლიოს მოსახლეობის რაოდენობაა. „დღეს მსოფლიოში 6.8 მილიარდი ადამიანი ცხოვრობს. ეს რიცხვი დაახლოებით 9 მილიარდამდე გაიზრდება,“ — თქვა გეითსმა. „ახლა, თუ ძალიან კარგ საქმეს გავაკეთებთ ახალი ვაქცინების, ჯანდაცვისა და რეპროდუქციული ჯანმრთელობის სერვისების მიმართულებით, შესაძლოა ეს მაჩვენებელი დაახლოებით 10 ან 15%-ით შევამციროთ.“

გეითსის კომენტარი მოსახლეობის შესახებ მისი გამოსვლის მხოლოდ მცირე ფრაგმენტი იყო. ის ძირითადად იმ ენერგიის ტიპებსა და ქმედებებზე საუბრობდა, რომლებიც CO2-ს წარმოქმნის და მსმენელს ენერგიის იმ მექანიზმებს სთავაზობდა — მაგალითად ბირთვულ, ქარისა და მზის ენერგიას — რომლებიც 2050 წლისთვის ნახშირორჟანგის ემისიებს მნიშვნელოვნად შეამცირებდა.

ბილ გეითსმა ეს იდეა ცალკე ვიდეოშიც განმარტა, სადაც აჩვენა გრაფიკი, რომელიც მსოფლიოს მოსახლეობის ზრდის ტემპსა და ჯანდაცვის გაუმჯობესების გავლენას ასახავდა. „რაც აღმოვაჩინეთ არის ის, რომ როდესაც ჯანმრთელობის მდგომარეობა უმჯობესდება, ოჯახები ნაკლები ბავშვის ყოლას ირჩევენ, და ეს ეფექტი ძალიან, ძალიან ძლიერია,“ — თქვა გეითსმა.

See all posts

Disinformation: “The Simpsons” predicted the assassination of Donald Trump
Disinformation: “The Simpsons” predicted the assassination of Donald Trump
Jul 15, 2024
IFCN statement on U.S. visa restrictions targeting fact-checkers
IFCN statement on U.S. visa restrictions targeting fact-checkers
Dec 10, 2025
Disinformation: Dima Oboladze did not allow Budu Zivzivadze to deliver a speech
Disinformation: Dima Oboladze did not allow Budu Zivzivadze to deliver a speech
Jul 03, 2024
Irma Inashvili's forged post is proliferating on social media
Irma Inashvili's forged post is proliferating on social media
Jul 18, 2024
Tatia Nikolashvili: “In total, 73% of roads in Ozurgeti are deemed inefficient according to the official data within their own [municipal government] documentation.”
Tatia Nikolashvili: “In total, 73% of roads in Ozurgeti are deemed inefficient according to the official data within their own [municipal government] documentation.”
Jun 21, 2024

© 2026 Copyrights by Geofacts.ee. All Rights Reserved.