სოციალურ ქსელში გავრცელებული ეპსტინისა და ზელენსკის ფოტო ყალბია
სოციალურ ქსელში ვრცელდება ფოტო, რომელზეც სექსუალურ ტრეფიკინგში დამნაშავე ამერიკელი ფინანსისტი ჯეფრი ეპსტინი და უკრაინის პრეზიდენტი ვოლოდიმირ ზელენსკი ჩანან (არქივირებული ბმული). სინამდვილეში აღნიშნული ფოტო რედაქტირებულია.
ფოტოს უკუძიების ინსტრუმენტს ორიგინალ სურათამდე მივყავართ, სადაც ეპსტინის გვერდით არა - ახალგაზრდა ზელენსკი, არამედ ეპსტინის პარტნიორი გილენ მაქსველი ჩანს.
წყარო: US Department of Justice/PA (ხელმისაწვდომია აქ)
მაქსველი ამჟამად ეპსტინის ორგანიზებულ არასრულწლოვანი გოგონების ტრეფიკინგის სქემაში დახმარებისა და მონაწილეობისთვის სასჯელს იხდის. როგორც ნიუ-იორკის ფედერალურმა პროკურორებმა განაცხადეს, ის ეპსტინს 14 წლის გოგონების რეკრუტირებაში, მათ დაქირავებასა და საბოლოოდ მათ წინაარმდეგ სექსუალურ ძალადობაში დაეხმარა.
რედაქტირებული ფოტო, სადაც მაქსველის ნაცვლად ზელენსკი ჩანს, სოციალურ ქსელებში სხვა ქვეყნებშიც ვირუსულად გავრცელდა და მას ფაქტების გადამმოწმებელი ორგანიზაციები გამოეხმაურნენ (Delfi, Re:Baltica).
