სოციალურ ქსელში მარიზი კობახიძის ვიდეო კონტექსტის გარეშე ვრცელდება
სოციალურ ქსელში პატიმარ თორნიკე გოშაძის დედის, მარიზი კობახიძის ინტერვიუს ფრაგმენტი ვრცელდება, სადაც ის ამბობს: "არ იყო სამართლიანი, მაგრამ მაინც იყო სამართლიანი განაჩენი" (დაარქივებული ბმული).
ვიდეო ნაწყვეტია "ფორმულას" გადაცემიდან "კომენტარი", რომლის სტუმარიც 2026 წლის 6 თებერვალს მარიზი კობახიძე იყო. დასაწყისში გადაცემის წამყვანი თამარ ბაღაშვილი ამბობს: "ქალბატონო მარიზი, მოდი თქვენით დავიწყებ, იმიტომ, რომ სასამართლო პროცესიდან მოდიხართ, ვიცით, სააპელაციო სასამართლოში გრძელდება სინდისის პატიმრების საქმე და პროკურატურა მოითხოვს, რომ ის ამბავი, რაზეც პრაქტიკულად, ტყუილად უკვე წელიწადზე მეტია სხედან ბიჭები, კიდევ უფრო დაუმძიმდეთ ბრალი და ორწლიანის ნაცვლად კიდევ უფრო მეტი სასჯელი დაედოთ. რა ხდებოდა დღეს პროცესზე, როგორ არიან ჯერ თავად პატიმრები და არ ვიცი მოლოდინზეც თუ გაქვთ რამე სათქმელი შეგიძლიათ გვითხრათ."
შემდეგ მარიზი კობახიძე აგრძელებს: "მოგესალმებით, მივესალმებით თქვენ მაყურებელს და მადლობთ, რომ ხართ ჩვენთან ერთად. პროკურატურა, რა თქმა უნდა, მოითხოვს, რომ თურმე დაუმძიმდეს სასჯელი იმიტომ, რომ განაჩენი გამოვიდა, რასაც, ალბათ, არ ელოდნენ, მაგრამ ეს არ იყო სამართლიანი, მაგრამ მაინც იყო სამართლიანი განაჩენი, იმიტომ, რომ ისიც არ ეკუთვნოდათ, რაც მიუსაჯეს ამ ბიჭებს, იმიტომ, რომ ვერაფერი ვერ დაუმტკიცდათ, საერთოდ არ არსებობს მტკიცებულება არცერთისა და დღეს პროკურატურას ვუსმენდით, მაინცდამაინც რომ გითხრა, რომ ვუსმენდი არა, მაგრამ მაინც ისმენ რაღაცეები გესმის, რომ ეს ბიჭები გარეთ რომ დარჩენილიყვნენ და არ დაეჭირათ ჩავთვალოთ, რომ ეს ხელისუფლება თურმე დამხობილი იქნებოდა, იმიტომ ამას გააკეთებდა რავი რამდენი პატიმარი გვყავს ვთქვათ იმ აქციების გამო დაპატიმრებული და თურმე 50 კაცი დამხობდა ამ ხელისუფლებას, ისეთ ბრალდებებს უყენებენ და ამ დროს არცერთი მტკიცებულება არ არსებობს მათში."
შესაბამისად, მარიზი კობახიძე "არასამართლიანს" პროკურატურის მიერ ბრალის დამძიმების მოთხოვნას უწოდებს, ხოლო "სამართლიანს" სასამართლოს იმ გადაწყვტილებას, რომ პატიმრების სასჯელი უცვლელი დარჩა.
