Geo Facts
Отправьте факт для проверки
  • Главная
    • О Нас
    • Редакция «Джеофактс»
    • Политика внесения исправлений
    • Защита персональных данных
  • Вердикты
    • Правда
    • В Основном Неправда
    • В Основном Правда
    • Неправда
    • Полуправда
    • Позиция не изменилась
    • Позиция частично изменилась
    • Позиция изменилась
    • Сатира
    • Ложь
    • Отсутствует контекст
    • Отредактировано
    • Не Bыполнено
  • Газетная статья
  • Проверенные факты
    • Пребанкинг
  • Темы
    • Образование
    • Экономика
    • Политика
    • Закон
    • Здравоохранение
    • Изменение климата
  • Принципы IFCN
Russian
ქართული ENGLISH
Вы можете искать новости - ID
или во имя новизны
სოციალურ ქსელში ბილ გეითსის ინტერვიუ შეცდომაში შემყვანი შეჯამებით ვრცელდება

სოციალურ ქსელში ბილ გეითსის ინტერვიუ შეცდომაში შემყვანი შეჯამებით ვრცელდება

ноябрь 19, 2026 · Проверенные факты · Вердикт: Газетная статья · Международное
Поделиться

მოკლედ საკითხავი

ქართულ ფეისბუქ სივრცეში გავრცელდა ამონარიდი ბილ გეითსის ინტერვიუდან, სადაც ის კიბერშეტევებსა და ხელოვნურ ინტელექტთან დაკავშირებულ საფრთხეებზე საუბრობს.

გამავრცელებელი ვიდეოს აღწერის დასაწყისში თითქოს ციტირებს გეითსს, რომ ახალი მსოფლიო წესრიგის დასამყარებლად დიდი კიბერშეტევაა საჭირო.

ინტერვიუს სრული ვერსიიდან აშკარაა, რომ გეითსს მსოფლიო წესრიგის ცვლილება საერთოდ არ უხსენებია.

ქართულ ფეისბუქ სივრცეში გავრცელდა ვიდეო-პოსტი, რომელიც წარმოადგენს ამონარიდს ბილ გეითსის ინტერვიუდან, სადაც ის კიბერშეტევებსა და ხელოვნურ ინტელექტთან დაკავშირებულ საფრთხეებზე საუბრობს (დაარქივებული ბმული). ამონარიდზე თანდართული აღწერა ბრჭყალებშია ჩასმული, სავარაუდოდ ბილ გეითსს მიკუთვნებული ციტატით, რომლის მიხედვითაც ახალი მსოფლიო წესრიგის დასამყარებლად დიდი კიბერშეტევაა საჭირო. ამას მოჰყვება ამონარიდში ასახული საუბრის ქართული თარგმანი.

ამონარიდი აღებულია დაახლოებით 37 წუთიანი ინტერვიუდან, რომელიც ამერიკელმა მილიარდერმა და ფილანტროპმა, ბილ გეითსმა, ამერიკის ერთ-ერთი დიდი სატელევიზიო არხის, CBS-ის საღამოს გამოშვების გადაცემას Great Question-ს ("კარგი კითხვა") მისცა. ინტერვიუს დიდი ნაწილი ეთმობა ხელოვნურ ინტელექტზე საუბარს და განიხილება როგორც მისი დადებითი, ისე უარყოფითი მხარეები. ინტერვიუ რიგ სხვა საკითხებსაც შეეხება.

წამყვანის ერთ-ერთ შეკითხვაზე, რომელიც შეეხება პრეცედენტების არსებობას მსგავსი პრობლემის მსოფლიო ან თუნდაც ეროვნულ დონეზე გადაწყვეტისა, ბილ გეითსი პასუხობს სწორედ ქართულ ფეისბუქ სივრცეში გავრცელებული მონაკვეთით (მე-15 წუთიდან). უნდა აღინიშნოს, რომ მისი პასუხი ოდნავ უფრო ვრცელია, ვიდრე ჩვენ მიერ განხილული ამონარიდი. გეითსი საუბრობს სხვა სახის დიდი პრობლემების წარმატებით გადაწყვეტის მაგალითებზე, როგორებიც იყო ოზონის შრე, ბირთვული იარაღი და ა.შ. ამის შემდგომ კი ამბობს, რომ სამწუხაროდ, დიდი კიბერშეტევების თავიდან ასაცილებლად საჭირო მექანიზმების შესამუშავებლად, შეიძლება საჭირო გახდეს, რომ რამდენიმე მსგავსი შეტევა მოხდეს, რის შემდეგაც მოსახლეობა და მმართველი ელიტა მზად იქნება სერიოზულად მოეკიდოს საფრთხეს და შესაბამისი ზომები მიიღოს.

ბილ გეითსი თავისი პასუხისას არსად მიუთითებს ან მიანიშნებს, რომ მსგავსი შეტევები ხელოვნურად უნდა მოეწყოს, რომ შემდგომ ხალხი საპასუხო ზომებზე სერიოზულად დააფიქროს. საუბრიდან საკმაოდ აშკარაა, რომ მისი აზრით სავარაუდოდ მხოლოდ მას შემდეგ, რაც რამდენიმე დიდი კიბერშეტევა ბუნებრივად განხორციელდება, მოსახლეობა და მმართველი ძალები მზად იქნებიან პრობლემას სერიოზულად მიუდგნენ და მოაგვარონ. პასუხის ერთ-ერთ მონაკვეთში გეითსი ასევე ხაზს უსვამს, რომ ეს არ ნიშნავს, რომ პრევენციული ზომები ამ ეტაპზე მიღებული არ უნდა იყოს - პირიქით, ყველაფერი უნდა გაკეთდეს მსგავსი შეტევების თავიდან ასაცილებლად, თუმცა სავარაუდოდ გარდაუვალია, რომ პრევენციული ზომების მიუხედავად, რამდენიმე სერიოზული შეტევა მაინც წარმატებით განხორციელდება.

ასევე აღსანიშნავია, რომ არც ამ შეკითხვაზე პასუხისას და არც ზოგადად მთლიან ინტერვიუში, ბილ გეითსი, საერთოდ არსად ახსენებს "ახალ მსოფლიო წესრიგს". ინტერვიუში არ იძებნება სავარაუდოდ გეითსს მიკუთვნებული ციტატა, რომლითაც ქართულ ფეისბუქ სივრცეში გავრცელებული ამონარიდის აღწერა იწყება.

Все посты

Дезинформация: на видео показаны кадры премьер-министра Израиля Беньямина Нетаньяху, бегущего в бункер
Дезинформация: на видео показаны кадры премьер-министра Израиля Беньямина Нетаньяху, бегущего в бункер
окт 05, 2024
В социальных сетях распространяется фейковая обложка Charlie Hebdo
В социальных сетях распространяется фейковая обложка Charlie Hebdo
дек 12, 2024
Дезинформация: Владимир Зеленский приобрел 5-звездочный отель во Франции
Дезинформация: Владимир Зеленский приобрел 5-звездочный отель во Франции
дек 10, 2024
Дезинформация: Официальный Киев не признает нового папу римского, если он будет избран без участия Украины
Дезинформация: Официальный Киев не признает нового папу римского, если он будет избран без участия Украины
апр 25, 2025
В социальных сетях распространяется редактированное видео с Зеленским и Шольцем
В социальных сетях распространяется редактированное видео с Зеленским и Шольцем
дек 12, 2024

© 2026 Copyrights by Geofacts.ee. All Rights Reserved.