Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში ირაკლი კობახიძის ყალბი ციტატა ვრცელდება

სოციალურ ქსელში ირაკლი კობახიძის ყალბი ციტატა ვრცელდება

ნოემბერს 4, 2025 · გადამოწმებული ფაქტები · ვერდიქტი: ტყუილი
გაზიარება

სოციალურ ქსელში Facebook-გვერდი „კედლის მიღმა“, რომლის მიერ გავრცელებული დეზინფორმაცია „ჯეოფაქტსს“ აქამდეც გადაუმოწმებია, პოსტს აქვეყნებს (დაარქივებული ბმული) და ირაკლი კობახიძეს შემდეგ ციტატას მიაწერს: „არაბულ ქალაქებს აუცილებლად სჭირდებათ მეჩეთები, რათა მუსლიმებმა შეძლონ ალლაჰის დიდება“. სინამდვილეში, ციტატის ნამდვილობა არ დასტურდება. ამავდროულად, პოსტს თან ახლავს ხელოვნური ინტელექტის მიერ (AI) გენერირებული ფოტოც, რომელშიც ირაკლი კობახიძეს არაბული სამოსი აცვია.

ირაკლი კობახიძის ციტატა ყალბია, ის არც ერთ სანდო მედიასა თუ ღია წყაროში არ  გავრცელებულა. ასევე, მსგავსი განცხადება ირაკლი კობახიძის არც ოფიციალურ Facebook-გვერდზე და და X-ანგარიშზე გვხვდება.

არაბულ ინვესტიციებზე ირაკლი კობახიძემ ჟურნალისტებთან 31 ოქტომბერს ისაუბრა (იხილეთ ბმულზე 16:30 წთ-დან), თუმცა მას მსგავსი შინაარსის განცხადება არ გაუკეთებია. ასევე, კობახიძემ არაბულ ინვესტიციებზე არაბული დეველოპერი კომპანიის Eagle Hills-ის საქართველოს ოფისის გახსნაზე ისაუბრა, მსგავსი რამ არც კომპანიის გახსნაზე უთქვამს.

აღსანიშნავია, ისიც, რომ პოსტში წარმოდგენილი ფოტო  ხელოვნური ინტელექტის მიერ (AI) არის გენერირებული. ამ ფაქტზე მიუთითებს ფოტოზე კობახიძის არაბუნებრივად  გლუვი კანი, რაც ზოგადად ხელოვნური ინტელექტის მიერ შექმნილი ფოტოებისთვის არის დამახასიათებელი. ამასთანავე, ხელოვნური ინტელექტის ამომცნობი ხელსაწყოს Undetectable.ai-ის მიხედვით, ფოტო 99%-იანი ალბათობით შეიცავს ხელოვნური ინტელექტის კვალს. აგრეთვე, ღია წყაროებში არ იძებნება ფოტო, რომელშიც ირაკლი კობახიძეს არაბული სამოსი აცვია.

ამგვარად, გავრცელებული ციტატა ყალბია. ხოლო, პოსტში წარმოდგენილი ფოტო ხელოვნური ინტელექტის მიერ არის გენერირებული.

ცნობისთვის, საქართველოს მთავრობის ინფორმაციით, არაბთა გაერთიანებულის საამიროების ერთ-ერთ მსხვილი ჰოლდინგის Emaar-ის ჯგუფში შემავალი კომპანია Eagle Hills თბილისსა და გონიოში 6 მილიარდ დოლარზე მეტი დეველოპერული საინვესტიციო პროექტის განხორციელებას გეგმავს.

 

 

ყველა პოსტის ნახვა

საზოგადოებრივი მაუწყებელი ეუთო/ოდირის შეფასებას მანიპულაციურად ავრცელებს
საზოგადოებრივი მაუწყებელი ეუთო/ოდირის შეფასებას მანიპულაციურად ავრცელებს
დეკ 22, 2024
სოციალურ ქსელში გავრცელებულ ვიდეოში მექსიკელი ქალი და მისი ბრალდებები კანიბალიზმზე ჯეფრი ეპსტინთან დაკავშირებული არ არის
სოციალურ ქსელში გავრცელებულ ვიდეოში მექსიკელი ქალი და მისი ბრალდებები კანიბალიზმზე ჯეფრი ეპსტინთან დაკავშირებული არ არის
იან 26, 2026
დავით მათიკაშვილი: (Freedom House/2025 - ანგარიშზე) არა თუ გაუმჯობესებულია საქართველოში სასამართლო დამოუკიდებლობა, ის არის კარდინალურად შეცვლილი 2013 წლიდან დღემდე
დავით მათიკაშვილი: (Freedom House/2025 - ანგარიშზე) არა თუ გაუმჯობესებულია საქართველოში სასამართლო დამოუკიდებლობა, ის არის კარდინალურად შეცვლილი 2013 წლიდან დღემდე
სექ 05, 2025
სოციალურ ქსელში ჯეფრი ეპსტინის ე.წ. ორეულის ვიდეო ვრცელდება
სოციალურ ქსელში ჯეფრი ეპსტინის ე.წ. ორეულის ვიდეო ვრცელდება
აგვ 10, 2026
დეზინფორმაცია: უკრაინაში მოკლეს ქალი, რომელმაც ოდესაში რუსეთის დროშა აღმართა
დეზინფორმაცია: უკრაინაში მოკლეს ქალი, რომელმაც ოდესაში რუსეთის დროშა აღმართა
ოქტ 18, 2024

© 2026 Copyrights by Geofacts.ee. All Rights Reserved.