Geo Facts
გადაგვამოწმებინე ფაქტი
  • მთავარი
    • ჩვენ შესახებ
    • სარედაქციო კოდექსი
    • შესწორების პოლიტიკა
    • კონფიდენციალურობის პოლიტიკა
  • ვერდიქტები
    • სიმართლე
    • მეტწილად მცდარი
    • მეტწილად სიმართლე
    • მცდარი
    • ნახევრად სიმართლე
    • პოზიცია არ შეუცვლია
    • პოზიცია ნაწილობრივ შეცვალა
    • პოზიცია შეცვალა
    • სატირა
    • ტყუილი
    • კონტექსტის გარეშე
    • რედაქტირებული
    • არ შესრულდა
  • საგაზეთო სტატია
  • გადამოწმებული ფაქტები
    • პრებანქინგი
  • თემები
    • განათლება
    • ეკონომიკა
    • პოლიტიკა
    • სამართალი
    • ჯანდაცვა
    • კლიმატის ცვლილება
  • IFCN-ის პრინციპები
ქართული
ENGLISH RUSSIAN
შენ შეგიძლია მოძებნო სიახლეები - ID
ან სიახლის დასახელებით
სოციალურ ქსელში ილონ მასკის რედაქტირებული ვიდეო ვრცელდება

სოციალურ ქსელში ილონ მასკის რედაქტირებული ვიდეო ვრცელდება

აგვისტოს 27, 2024 · გადამოწმებული ფაქტები · ვერდიქტი: რედაქტირებული
გაზიარება

სოციალურ ქსელში Facebook-მომხმარებელი ამერიკელი ბიზნესმენისა და გამომგონებლის, ილონ მასკის ვიდეოს (არქივირებული ვიდეოს ბმული) ავრცელებს. მისი მტკიცებით, ამერიკელი გამომგონებელი ყურსასმენებს ყველაზე სახიფათო ტექნიკად ასახელებს და ამბობს, რომ ახალი ყურსასმენის საშუალებით ადამიანის ტვინის აქტივობის გაკონტროლება და „ინფორმაციის თვალყურის დევნება“ შესაძლებელი გახდება. სინამდვილეში, ილონ მასკს მსგავსი განცხადება არ გაუკეთებია და გავრცელებული ვიდეო რედაქტირებულია.

ვიდეოკადრებზე დატანილი წყაროს შემოწმებით დადგინდა, რომ გავრცელებული ვიდეო პირველად Instagram-ანგარიშმა – „radiance_rhythms“ – 2024 წლის 16 აგვისტოს გამოაქვეყნა. ვიდეოს აღწერაში მითითებულია, რომ ის ინტერნეტსივრცეში მხოლოდ გასართობი მიზნებისთვის განთავსდა და სერიოზულად არ უნდა იყოს აღქმული. ვიდეოს აღწერაში ასევე ვხვდებით ე.წ. „თეგებს“ – „კონსპირაცია“ და „შეთქმულების თეორია“ (იხ. სურათზე ქვემოთ).

ვიდეოკადრები, რომელთა ერთობლიობითაც გავრცელებული ვიდეო შეიქმნა, ჯო როგანის პოდკასტიდან არის ამოჭრილი. YouTube-არხზე 2020 წლის 7 მაისს განთავსებული 2 საათის ხანგრძლივობის პოდკასტში ილონ მასკი უკაბელო ყურსასმენების საშუალებით ადამიანის ტვინის აქტივობის კონტროლის შესახებ არაფერს ამბობს.

იგი პოდკასტში სხვადასხვა თემაზე, მათ შორის, საკუთარ შვილზე, პროექტ „ნეურალინკზე“, უძრავი ქონების ყიდვაზე, მის საოცნებო სახლზე, საუბრობს, თუმცა არაფერს ამბობს უკაბელო ყურსასმენებისგან მომავალი საფრთხის შესახებ.

„ნეურალინკი“ ილონ მასკის კომპანიაა, რომელიც ტვინში იმპლანტირებულ ჩიპებს აწარმოებს. უკაბელო ჩიპი მცირე ზომისაა და თავის ქალაში მაგრდება. პროდუქტის მიზანი ადამიანის გონების ელექტრონულ მოწყობილობებთან დაკავშირება და ფიქრის საშუალებით მათი კონტროლია. მისი დახმარებით, „ნეურალინკის“ სპეციალისტები ნევროლოგიური დაავადებების მქონე ადამიანთა დახმარებას და მათთვის სრულფასოვანი ცხოვრების უზრუნველყოფასაც გეგმავენ.

სწორედ აღნიშნული პროექტის ფარგლებში, და არა ყურსასმენების შესახებ, საუბრობდა ამერიკელი გამომგონებელი ტვინის აქტივობის, სიგნალისა და ტალღების კონტროლთან დაკავშირებით (იხილეთ პოდკასტის სრული ჩანაწერი 18:07-დან).

ამრიგად, სოციალურ ქსელში გავრცელებული ინფორმაცია არის ტყუილი.

ყველა პოსტის ნახვა

საქართველოს რეგიონული განვითარებისა და ინფრასტრუქტურის სამინისტრო: იმერეთის რეგიონში ევროსტანდარტების შესაბამისი ნაგავსაყრელის მშენებლობა 2018 წელს დაიწყება და 2019 წელს დასრულდება
საქართველოს რეგიონული განვითარებისა და ინფრასტრუქტურის სამინისტრო: იმერეთის რეგიონში ევროსტანდარტების შესაბამისი ნაგავსაყრელის მშენებლობა 2018 წელს დაიწყება და 2019 წელს დასრულდება
ივნ 21, 2024
დეზინფორმაცია: ბრიჯიტ მაკრონი ტრანსგენდერია
დეზინფორმაცია: ბრიჯიტ მაკრონი ტრანსგენდერია
თებ 13, 2025
დეზინფორმაცია: ოფიციალური კიევი არ აღიარებს ახალ პაპს, თუ მას უკრაინის მონაწილეობის გარეშე აირჩევენ
დეზინფორმაცია: ოფიციალური კიევი არ აღიარებს ახალ პაპს, თუ მას უკრაინის მონაწილეობის გარეშე აირჩევენ
აპრ 24, 2025
ბიბლიაში არ იძებნება ისტორია, რომელშიც ნაძვის ხე ყრმა იესოს მტრისგან იცავს
ბიბლიაში არ იძებნება ისტორია, რომელშიც ნაძვის ხე ყრმა იესოს მტრისგან იცავს
დეკ 26, 2024
არ დასტურდება ინფორმაცია ირანის განცხადების შესახებ, რომ საქართველოში აშშ-ის საელჩოს არ დაბომბავს
არ დასტურდება ინფორმაცია ირანის განცხადების შესახებ, რომ საქართველოში აშშ-ის საელჩოს არ დაბომბავს
მარ 11, 2026

© 2026 Copyrights by Geofacts.ee. All Rights Reserved.