ჯგუფში „ანტი-მაიდანი“ სალომე ზურაბიშვილის რედაქტირებული ფოტო ვრცელდება

სოციალურ ქსელში „ანტი-მაიდანი“ საქართველოს პრეზიდენტის სალომე ზურაბიშვილის რედაქტირებულ ფოტოს ვრცელდება (დაარქივებული ბმული). „რამ დამასიზმრა, მომდევდა თან, ფუი ეშმაკს, ალულია კუდიანებს“, – ვკითხულობთ პოსტის აღწერაში. რეალურად, აღნიშნული ფოტო რედაქტირებულია.

ფოტო სალომე ზურაბიშვილის პოსტიდან არის აღებული, რომელიც მის ოფიციალურ Facebook-გვერდზე 2021 წლის 18 ივნისს გამოქვეყნდა და პრეზიდენტის რომის პაპ ფრანცისკესთან შეხვედრას ასახავს. რედაქტირებულ ფოტოზე პრეზიდენტის მაკიაჟი საკმაოდ მკვეთრი ფერებით არის წარმოდგენილი.

აღსანიშნავია, რომ სოციალურ ქსელში  სალომე ზურაბიშვილის რედაქტირებული ფოტო აქამდეც გავრცელებულა (იხ. „ჯეოფაქტსის“ სტატია).

ამდენად, გავრცელებული ფოტო რედაქტირებულია და  საქართველოს პრეზიდენტის დისკრედიტაციას ისახავს მიზნად.