Geo Facts
Submit a fact to check
  • Home
    • About Us
    • Editorial Code
    • Correction Policy
    • Privacy Policy
  • Verdicts
    • True
    • Mostly False
    • Mostly True
    • False
    • Half True
    • Position Not Changed
    • Position Partially Changed
    • Position Change
    • Satire
    • Lie
    • Missing Context
    • Altered
    • Not Fulfilled
  • Newspaper article
  • Verified Facts
    • Prebunking
  • Topic
    • Education
    • Economy
    • Politics
    • Law
    • Healthcare
    • Climate change
  • IFCN Principles
English
ქართული RUSSIAN
you can search by news id
or news title
სოციალურ ქსელში თანამდებობიდან გადამდგარ ელჩებთან დაკავშირებით მეტწილად მცდარი ინფორმაცია ვრცელდება

სოციალურ ქსელში თანამდებობიდან გადამდგარ ელჩებთან დაკავშირებით მეტწილად მცდარი ინფორმაცია ვრცელდება

დეკემბერს 9, 2024 · Verified Facts · Verdict: Mostly False
Share

სოციალურ ქსელ Facebook-ზე ანგარიში Xaxutaishvili Irma, რომლის გავრცელებული ინფორმაცია „ჯეოფაქტსს“ აქამდეც გადაუმოწმებია (ბმული 1), საქართველოს ელჩების დანიშვნის შესახებ შეცდომაში შემყვან ინფორმაციას აქვეყნებს. „ელჩებს სალომე ნიშნავდა.“ – აცხადებს ირმა ხახუტაიშვილი.

2024 წლის 28 ნოემბერს „ქართული ოცნების“ ერთ-ერთმა ლიდერმა ირაკლი კობახიძემ ევროკავშირში ინტეგრაციასთან დაკავშირებით განცხადება გააკეთა. „დღეს მივიღეთ გადაწყვეტილება, 2028 წლის ბოლომდე დღის წესრიგში არ დავაყენოთ ევროკავშირთან მოლაპარაკების გახსნის საკითხი. ასევე, 2028 წლის ბოლომდე უარს ვამბობთ ყოველგვარ საბიუჯეტო გრანტზე ევროკავშირის მხრიდან. 2028 წლის ბოლო არის ის დრო, როდესაც საქართველო იქნება მზად, ეკონომიკური თვალსაზრისით სათანადოდ მომზადებული, რათა გახსნას მოლაპარაკებები 2030 წელს ევროკავშირში გასაწევრიანებლად… ჩვენ ვაპირებთ არა მათხოვრობით და ცალ ფეხზე დგომით ევროკავშირში შესვლას, არამედ ევროკავშირში ღირსეულად გაწევრიანებას გამართული დემოკრატიული სისტემითა და ძლიერი ეკონომიკით“, – განაცხადა ირაკლი კობახიძემ. აღნიშნული განცხადებით „ქართულმა ოცნებამ“ დაადასტურა საქართველოს ევროკავშირში ინტეგრაციის პროცესის შეჩერება, რამაც საზოგადოების დიდ ნაწილში პროტესტი გამოიწვია.

„ქართული ოცნების“ გადაწყვეტილებას სხვადასხვა სფეროს წარმომადგენელთა მხრიდან კრიტიკა მოჰყვა. მათ შორის არიან დიპლომატებიც, რომლებმაც „ქართული ოცნების“ მიერ გადადგმული ნაბიჯები საქართველოს კონსტიტუციის დარღვევად შეაფასეს. „მიგვაჩნია, რომ 2028 წლამდე ევროკავშირში გაწევრიანების მოლაპარაკებების გახსნის ამოღება პოლიტიკური დღის წესრიგიდან წინააღმდეგობაში მოდის საქართველოს კონსტიტუციის 78-ე მუხლის მოთხოვნებთან“, – აღნიშნულია საგარეო საქმეთა სამინისტროს მოქმედი თანამშრომლების ერთობლივ განცხადებაში.

„ქართული ოცნების“ მიერ ევროკავშირში ინტეგრაციის პროცესის შეჩერებას ელჩებიც გამოეხმაურნენ. მაგალითად, თარაშ პაპასკუამ, საქართველოს ელჩმა სამხრეთ კორეაში, განაცხადა, რომ „ჩვენ, როგორც არასდროს, გვჭირდება მეტი #ევროპა და მეტი #ნატო; გვჭირდება მეტი სოლიდარობა და თავისუფალი სამყაროს გვერდში დგომა!!“

ზოგიერთმა დიპლომატმა, პროტესტი თანამდებობის დატოვებითაც გამოხატა. ირმა ხახუტაიშვილის მიერ პოსტის გამოქვეყნების დროისთვის თანამდებობიდან გადადგა საქართველოს ელჩი ბულგარეთში (ოთარ ბერძენიშვილი). 2024 წლის 6 დეკემბრის მონაცემებით, თანამდებობიდან გადადგნენ საქართველოს ელჩები ჩეხეთში (თეა მაისურაძე), ლიეტუვაში (სალომე შაფაქიძე), ნიდერლანდების სამეფოში (დავით სოლომონია) და იტალიაში საქართველოს ელჩის მოვალეობის შემსრულებელი (ირაკლი ვეკუა).

ირმა ხახუტაიშვილი, საკუთარი Facebook-პოსტით, ცდილობს, საკითხი იმგვარად წარმოაჩინოს, თითქოს ელჩების დანიშვნა ექსკლუზიურად საქართველოს პრეზიდენტის, სალომე ზურაბიშვილის უფლებამოსილება იყოს. რეალურად, საქართველოს კონსტიტუციის 52-ე მუხლის პირველი ნაწილის „ა“ ქვეპუნქტის თანახმად, საქართველოს პრეზიდენტი ელჩებსა და დიპლომატიური წარმომადგენლობის ხელმძღვანელებს მართლაც ნიშნავს, თუმცა ამავე პუნქტში ვკითხულობთ იმასაც, რომ იგი ელჩებსა და დიპლომატიური წარმომადგენლობის ხელმძღვანელებს არ ნიშნავს საკუთარი ინიციატივით, არამედ მხოლოდ მას შემდეგ, რაც პრეზიდენტს ელჩობისა და დიპლომატიური წარმომადგენლობის ხელმძღვანელობის კანდიდატებს მთავრობა წარუდგენს. შესაბამისად, პროცესი ასეთია – მთავრობა არჩევს კანდიდატურას და პრეზიდენტი მას ამტკიცებს.

თუ პრეზიდენტი კონკრეტული პირის ელჩად/დიპლომატიური წარმომადგენლობის ხელმძღვანელად მივლენის წინააღმდეგია, ერთადერთი, რაც მას ამ მოცემულობით შეუძლია, ელჩების დანიშვნის გაჭიანურებაა. ასეთ შემთხვევაში საზღვარგარეთ არ გაიგზავნება სრულუფლებიანი ელჩი და ელჩის მოვალეობის შემსრულებელი იმუშავებს.

ყოველივე ზემოაღნიშნულის გათვალისწინებით, რადგან ელჩებს სალომე ზურაბიშვილი ნიშნავს, თუმცა მას ელჩების დანიშვნა მთავრობის მიერ ელჩის წარდგენის გარეშე არ შეუძლია, ირმა ხახუტაიშვილის მიერ გავრცელებული ინფორმაცია შეცდომაში შემყვანია. პრეზიდენტი მხოლოდ ნიშნავს ელჩს, რომელსაც მას მთავრობა წარუდგენს.

See all posts

Bakar Chitaia: “Over GEL 5 million has been allocated for the rehabilitation of tennis courts in Batumi.”
Bakar Chitaia: “Over GEL 5 million has been allocated for the rehabilitation of tennis courts in Batumi.”
Jun 21, 2024
Disinformation: UN Agenda 2030 and the summit planned in September aim to create a world government
Disinformation: UN Agenda 2030 and the summit planned in September aim to create a world government
Jun 27, 2024
Nika Gvaramia's video is circulating on social media with the wrong context
Nika Gvaramia's video is circulating on social media with the wrong context
Jul 02, 2024
Disinformation: The Soviet Friendship Arch of Ukraine was painted in LGBTQ flag colors
Disinformation: The Soviet Friendship Arch of Ukraine was painted in LGBTQ flag colors
Jun 05, 2024
Anri Okhanashvili: “The Court of Justice of the European Union has proven that transparency is a legitimate objective.”
Anri Okhanashvili: “The Court of Justice of the European Union has proven that transparency is a legitimate objective.”
Jun 21, 2024

© 2026 Copyrights by Geofacts.ee. All Rights Reserved.