გავრცელებული ვიდეო სინამდვილეში ისრაელში 2 წლის წინანდელ ანტისამთავრობო აქციას ასახავს
სოციალურ ქსელში გავრცელდა ვიდეო, სადაც ჩანს, რომ პარიკადს მიღმა მყოფ ადამიანებს საპროტესტო აქციებისთვის დამახასიათებელი წყლის ჭავლი შლიან. ვიდეოს აღწერის თანახმად, მომხდარი ნორვეგიაში ისრაელის მხარდამჭერი აქციის დარბევას ასახავს (არქივირებული ბმული). 
Google-ის უკუძიების ინსტრუმენტით დგინდგება, რომ სინამდვილეში ვიდეო არა - ნორვეგიაში, არამედ ისრაელში ანტისამთავრობო აქციის დაშლას ასახავს. იდენტური ვიდეო ბრიტანული გამოცემის, Daily Mail YouTube არხზეა გამოქვეყნებული. ვიდეო 2 წლის წინანდელია და ისრაელის პარლამენტის (ქნესეთის) მიერ მიღებული ე.წ. „გონიერების სტანდარტის შესახებ კანონის“ (Reasonableness Standard Bill) შემდგომ დაწყებულ პროტესტს ასახავს. კანონმა ისრაელის უზენაეს სასამართლოს ჩამოართვა უფლება, გააუქმოს მთავრობის, პრემიერ-მინისტრისა და სხვა მინისტრების გადაწყვეტილებები ან დანიშვნები იმ მოტივით, რომ ისინი "გონივრულობის საზომს" არ აკმაყოფილებს. აღნიშნული ნაბიჯი პროტესტის მონაწილეებმა ისრაელში ავტორიტარიზმისკენ გადადგმულ ნაბიჯად შეაფასეს.
