სოციალურ ქსელში ვიკა ბუკიას პერსონაჟის რედაქტირებული ვიდეო ვრცელდება
სოციალურ ქსელ ფეისბუქში ვრცელდება ვიდეო, რომელშიც ჟურნალისტი ვიკა ბუკია თითქოს 2028 წლის არჩევნებში „ქართული ოცნების“ გამარჯვებაზე რეაქციას გამოხატავს. აღნიშნული ვიდეო იმგვარადაა რედაქტირებული, რომ სოციალური ქსელის მომხმარებელმა შესაძლოა ის რეალურად და ვიკა ბუკიას გამოქვეყნებულად მიიჩნიონ.
ვიდეოს თავდაპირველი ვერსია ჟურნალისტმა პირად გვერდზე გამოაქვეყნა. ჟურნალისტი თავის პირად გვერდზე ხშირად ტვირთავს სატირული შინაარსის ვიდეოებს, რომლებშიც მის მიერ გამოგონილ პერსონაჟს - მანჩოს თამაშობს. პერსონაჟი პრორუსული განწყობების მქონე ადამიანია, რომელიც აბსურდული არგუმენტებით უჭერს მხარს „ქართულ ოცნებას“(მაგალითად იხილეთ ბმული). გამოგონილი პერსონაჟი საუბარში ხშირად იყენებს რუსულ სლენგს და დასავლეთის შესახებ სხვადასხვა კონსპირაციას იმეორებს.
ვიდეოში, რომელიც შემდგომ რედაქტირებული ფორმით გავრცელდა, ბუკიას შექმნილი პერსონაჟი სინამდვილეში უნგრეთში გამართული საპარლამენტო არჩევნების შედეგებზე რეაქციას გამოხატავს.
რედაქტირებული ვიდეო, რომ სოციალური ქსელის მომხმარებლებისთვის შეცდომაში შემყვანი აღმოჩნდა დასტურდება კომენტარების სექციაში.
ამდენად, სოციალურ ქსელში გავრცელებული ვიდეო რედაქტირებულია და მის შესაბამისი მითითების გარეშე გავრცელებას სოციალური ქსელის მომხმარებელი შეცდომაში შეჰყავს.
