სოციალურ ქსელში Facebook-ანგარიშებმა, მათ შორის გვერდმა „უკვე ევროპაში ვართ“, რომელსაც დეზინფორმაცია აქამდეც გაუვრცელებია, უკრაინის სპეციალურ ოპერაციულ ძალებში ქართული ჯგუფის ხელმძღვანელის – ვანო ნადირაძის – შესახებ სატირული შინაარსის ფოტო გაავრცელეს (ბმული 1, 2). პოსტების აღწერაში ვკითხულობთ „ბრძოლის წინ“ და „ბრძოლა იქნება ბოლომდე“, ხოლო ფოტოზე გამოსახულია ვანო ნადირაძე ხელში საკვებით (დაარქივებული ბმული).
სინამდვილეში, ფოტო რედაქტირებულია. რეალურ ფოტოზე გამოსახულია ბრიტანელი ბარი ოსტინი (Barry Austin), რომელიც წარსულში ბრიტანეთის ყველაზე ჭარბწონიან ადამიანად იყო აღიარებული. მის შესახებ გამოქვეყნებულ რამდენიმე სტატიაში, რომელიც მისი გარდაცვალების შესახებ ინფორმაციას იტყობინებოდა, მოცემულია ბარი ოსტინის ფოტო საკვებთან ერთად, რომელიც ფოტომანიპულაციების საშუალებით შეცვალეს და შექმნეს სურათი, სადაც ბარი ოსტინის ნაცვლად ვანო ნადირაძის ფოტოა ჩასმული (დაარქივებული ბმული).
შესაბამისად, ფოტო, რომელზეც მტკიცების მიხედვით, ვანო ნადირაძეა ნაჩვენები და ის ბრძოლის წინაა გადაღებული, გაყალბებულია.
